MATIUS 22:16 - KITAB NU TUMPU ALLA LELE MA'IMAI'

¹⁶ Saba' aha nonsai anu saja' mombatuki aha mamba hi Yesus tiba to pia-piangkuka na mian anu monsangaja'i Herodes. To mia-mian aijo' notatae hi Yesus, “Tuumangku Gulu', osumbu' mami na kita Tuuma madi' mongakali. Kita Tuuma mongajan totu-totu'u mongkona kahanda' nu Tumpu hi mian, madi' mompajuli pikilan mau pe'e pa' ihe, sabab kita Tuuma madi' mompile'i mian.

MATIUS 22:16 ပူးပေါင်းရင်းမြစ်များ

1 TOMU-TOMUNDO' 22:14

Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na pinoto'imo nu Tumpu hi belengku!”

MAZMUR 12:2

Tulungiakon mae na kami, o Tumpu, kalana madi'mo daagi' ko mian anu ma'ima' na kinyonyoanyo, mian anu mohongo-hongo Belento i madi'anmo.

MAZMUR 5:9

O Tumpu, manjoo' hondo na anu mongewa mae aku! Potiju' mae na aku mombau apaa na anu nu kahanda'i, ka' potiju' mae na jalan nu Belento anu tionyo ahi' ku jalani.

MAZMUR 55:21

Anu u'utu mae toho'binau sangalungku nolambanimo mae to sanga-sangalunyo, ia madi'mo nontoongi anu jinanji'nyomo.

AMSAL 29:5

Ihe na mompuji sangko sangalunyo, nompokonamo so'o hi butongnyo.

MALEAKHI 2:6

Aha mompogulu'mo han anu totu'u misa'mo anu madi' totu'u. Aha mompahakonamo hondo tiba Aku ka' mule' sahondo-hondonyomo na montuluti pongka'oho'-Ku. Aha mule' ahi' montulungimo manjoo' na mian da madi'mo daagi' mombau palabuatan anu ma'idek.

MALEAKHI 2:9

Sahingga Aku suele mompotimbalimo belemiu madi' nu pajuli nu mian Israel kalana belemiu madi'mo nontuluti pongka'oho'-Ku ka' mule' kalana belemiu mombeda-bedakon mian tempo'nyo nompogulu' mian anu palesayamo hi belengku.”

MATIUS 22:24

“Kita Tuumangku Gulu',” koonyo nu aha “I Musa nongajanakon sumo uuka: De samian na mo'ane mate, ka' ia madi' ko anak, utusnyo tionyo mo'osoa tiba balunyo da mombee'i lee' hi mian anu natemo aijo'.

MATIUS 22:26

Utusnyo aijo' madi' pinin i nate mule' madi' kino anak. Han anu pokakana jinadi mule' sumo aitu tiba utusnyo anu ko totolu'nyo, ka' sumo aitumo na jinadi toka-toka hi anu ko popitu'nyo.

MATIUS 26:18

I Yesus nontaami, “Lako'mo hi sala'samian anu kiijo' i kota, ka' taloakon hi ia, ‘Koonyo nu Tuumangku Gulu', tinokamo na tempo'nyo hi beleng-Ku; Aku mongka'oho'mo molame'akon Paskah i laiganum hingga-hinggat tiba anu saja' mombatuki Aku.’ ”

MATIUS 26:49

Salatan tinoka i tampat aijo', i Yudas lau-laus namba hi Yesus ka' notatae, “Tabea', Kita Tuumangku Gulu'!” Lantas ia nongooki i Yesus.

MARKUS 10:17

Tempo'nyo i Yesus daagi' molausakon lumambaanannyo, samian tinokamo mae popoopadeka' hi Yesus. Mian aijo' nonsombah i ahop hi Yesus ka' nompokilawa, “Gulu' anu manonong, aku tionyo mombau apaa da mohumpak kantumuu'an talakana' toka sidu-sidutu'?”

MARKUS 12:13

To pia-piangkuka na mian nu Farisi ka' to pia-piangkuka na mian gampa mae i Herodes sinai mompoki-pokilawa kahanda' monsobai Yesus da ohumpak na kasala'annyo.

MARKUS 12:14

Aha tinoka hi Yesus ka' notatae', “Tuumangku Gulu', osumbu' mami kita Tuuma madi' tageo', ka' madi' montoa pikilan nu sangga'at. Kita Tuuma mongajan anu sahondo-hondonyo mongkona kahanda' nu Tumpu hi mian, kalana kita Tuuma madi' mompile'i mian. Yoh, soba taloakonmo mae nu kita Tuuma hi kami, ‘De mombatuki atulan nu agamanto, pa' timbali na kita mombayan hasin hi Tomundo, kabai madi'? Tionyo na kita mombayan hasin aijo' kabai madi'?’ ”

MARKUS 3:6

Sahingga to mia-mian nu Farisi nompala'i laigan pogalejaan aijo', lantas aha binasale' lia-lia' tiba to pia-piangkuka na mian anu monsangaja'i Herodes, da opatei na i Yesus.

MARKUS 8:15

“Obala-bala'ingati na ragi nu to mia-mian Farisi ka' ragi i Herodes,” koo-Nyo i Yesus hi aha.

LUKAS 20:21

Jadi to mia-mian anu pinonsuu' akonan aijo' notataemo hi Yesus, “Kita Tuumangku Gulu', osumbu' mami iwi-iwi' na anu tinaloakontomo nu Kita Tuuma ka' pinogulu'mo aijo' totu'u. Osumbu' mami mule' Kita Tuuma mompogulu' mana-manasa mongkona kahanda' nu Tumpu hi mian, kalana Kita Tuuma, madi' mompile'i mian.

LUKAS 7:40

Lantas i Yesus notatae hi Simon, “Simon, daagi' ko apa-apaa anu ka'oho' Kutaloakon hi beleyum.” “Ii', Tuumangku Gulu',” tinaaman i Simon, “taloakonmo.”

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 18:37

Lantas i Pilatus nompokilawamo hi Ia, “Desumo aitu Beleyum tomundo'?” I Yesus nontaami, “Beleyum notatae, Aku aiya tomundo'! Aku i hampe ka' tinoka i dunia daagi' ko sa'angu' na kahanda' aijo'mo mombee'i katalangan mongkona kahondoan. Mian anu lengkat mae i kahondoan aijo' mohongo Aku.”

YOHANES 7:18

Mian anu mombee' posi pangajalannyo, molio da o'adati na butongnyo. Panyo mian anu molio da o'adati na anu nonsai mae Ia, mian aijo' hodi' madi' baleko' na ia.

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

2 KORINTUS 5:16

Kalana aijo' kami madi'mo daagi' mongkila-kila mian susumo timbangan nu mian. Memang kami toho'mo nongkila-kila Kristus sumomo salaku ia mian, panyo uuka aiya madi'mo.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

GALATIA 2:6

Maumo sumo aitu, madi' ko hahan anu ma'isa toho' ihongo nu aha na pagalamo nu tuntut nu aha hi belengku, nu to mia-mian anu osangka pande – hi belengku madi' ko bedanyo de aha pande kabai madi', kalana Tumpu madi' montoa ohup nu mian.

PO'ULE' INGULIT 33:9

Aha nontulutimo Belento, nolabimo han iwi-iwi', molabi tu'anyo nu aha ka' to utu-utus nu aha. Iwi-iwi' na palentah nu Belento tinulutanmo nu aha, palajanjian nu Belento binaumo nu aha.

1 TESALONIKA 2:4

Madi'! Kami madi' motatae da momposanang kinyonyoa nu mian, panyo momposanang kinyonyoa nu Tumpu, anu monguji' kinyonyoa mami. Kalana kami nutaha'imani nu Tumpu timbali mompolele Lele Ma'ima' aijo'.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.