MATIUS 21:8 - KITAB NU TUMPU ALLA LELE MA'IMAI'

⁸ Da'isan na mian kiijo' mae nontalabakon to juba-juba' nu aha i jalan, ka' to mia-mian sangga'at nonsolui to panga-panga' ise' nu kau', ka' pinolatas i totonga' nu jalan.

MATIUS 21:8 ပူးပေါင်းရင်းမြစ်များ

2 TOMU-TOMUNDO' 9:13

To sanga-sangalu i Yehu nalia-lia' na nongukat juba nu aha ka' binoka nu aha i ojan hi ahop i Yehu. Lantas pinuhanmo nu aha na tolompet ka' lewa'mo nolobo'akon, “I Yehu na tomundo'!”

IMAMAT 23:40

Sinaa momonanyo belemiu tionyo ahi' mongalamo to bua-bua' nu kau' anu talalo hondo ma'ima' i ale' nu belemiu, ka' suele to hohon nu palma ka' to panga-panga' nu kau' anu hoopo', lantas otampu'unimo na molameanakon salaku kabilahian bau pongadati Tumpu Allah nu belemiu.

MATIUS 21:7

Aha nomboa keledai aijo' tiba anaknyo. Lantas tonga' nu keledai haha aijo' ilatasan nu aha tiba juba' nu aha. Lapas aijo', i Yesus sinumake'mo.

MARKUS 11:8

Da'isan na mian nompolatas jubah nu aha i jalan, daagi' mule' ko anu monsagakon i totonga' nu jalan to panga-panga' ise' anu ingala mae nu aha i ale'.

LUKAS 19:36

Hau-haunyo Ia notulu sake-sake' i keledai aijo', to mia-mian nompolatasmo juba' nu aha i jalan.

YOHANES 12:13

Aha nongala te hoon nu palem ka' namba nolabot Ia, baloo nontaligalai, “Puji'mo na Tumpu! Balakatiakon na ia anu toka momboa sanggo nu Tumpu. Balakatiakon na Tomundo' nu Israel!”