MATIUS 21:46 - KITAB NU TUMPU ALLA LELE MA'IMAI'

⁴⁶ Jadi aha binala usahamo mohakop Ia. Panyo aha mabuhuk hi mian da'isan aijo', kalana mian da'isan aijo' monsangka i Yesus samian na nabi.

MATIUS 21:46 ပူးပေါင်းရင်းမြစ်များ

AMSAL 15:12

Mian anu lewa' mongka'ima'i mongalu madi' mongka'oho' otewa'; ia madi' mongka'oho' momoita pokinde' hi mian anu pande.

YESAYA 29:1

Silakamo na kota' Yerusalem anu osa-osanggohi mezbah nu Tumpu! Silakamo na kota' tampat i Daud nombau kemah! Bakas na taun mobolo-bolos lelewa' aha mombau lamean.

MATIUS 21:11

“Ia Nabi Yesus, lengkat mae i Nazaret i Galilea,” tinaaman nu mian da'isan anu nonsampo jalan i Yesus.

MATIUS 21:26

Panyo de o taeakonto, ‘Tiba hak nu mian,’ kita mabuhuk hi mian da'isan, kalana aha iwi-iwi' monsangka i Yohanes samian na nabi.”

MATIUS 21:45

Salatan Kapala nu to Ima-imam ka' to mia-mian Farisi nohongo kantuangan i Yesus aijo', sinumbu'mo nu aha na i Yesus taalu' monsisik aha.

MATIUS 22:1

I Yesus notatae mule' hi mian da'isan mompake kantuang,

MARKUS 11:18

To Kapa-kapala nu imam ka' to gulu-gulu' agama nohongo potatae aijo'. Sahingga aha nontampu'unimo nolio jalan da mompatei Yesus. Aha nabuhuk hi Ia, kalana iwi-iwi' na mian bangang na mohongo ajalan-Nyo.

LUKAS 7:16

Iwi-iwi' na mian nabuhukmo ka' nontampu'uni nompuji' Tumpu Allah. Koonyo nu aha, “Samian na nabi daka' tinokamo i totonga'to! Tumpu tinokamo da momposalamat miannyo anu palesayamo!”

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

YOHANES 7:30

Tempo'nyo aitu aha kahanda'mo mohakop i Yesus, panyo madi' ko anu baani montongi Ia, kalana ma'isa pe'e tinoka na tempo'nyo.

YOHANES 7:7

Dunia aiya madi' toho' mongka'ideki komiu. Panyo Aku memang nu ka'ideki nu dunia, kalana Aku saja' montaloakon i dunia kalakuannyo aijo' ma'idek.

SISIKON NU TO RASUL-RASUL 2:22

To Utu-utus mian nu Israel! Hongo apaa na anu ku taloakon aiya: I Yesus mian nu Nazaret aijo' binee'anmo kalaja nu Tumpu Allah bau kapentingan nu kita utus. Aijo' nyata' hondo i anu okabangangi ka' hahan anu daka', apaa na anu binau nu Tumpu i totonga' miu hi Yesus aijo'. Iwi-iwi' aijo' posi kita utus nonsumbu'mo.