MATIUS 21:42 - KITAB NU TUMPU ALLA LELE MA'IMAI'

⁴² Saba' i Yesus notatae hi aha, “Ma'isa toho' komiu nombasa' anu tinulis i uno nu Kitab nu Tumpu? ‘Batu anu madi' opake nu tukang bangunan tinimbalimo batu anu talalo o palalui. Sumo aijo' na palabuatan nu Tumpu; palias na ko ima'nyo!’ ”

MATIUS 21:42 ပူးပေါင်းရင်းမြစ်များ

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

HABAKUK 1:5

Lapas aijo' Tumpu notataemo hi mian-Nyo anu pinalesayamo, “Opalahatikan na to bansa-bansa anu mompaha ohani tiba belemiu sahingga belemiu bangang ka' jonomo na mata kalana tinokaje hi belemiu na Aku nombaumo apa-apaa anu madi' opalesaya nu belemiu de ola osisikakon hi belemiu.

MATIUS 21:43

“Jadi, o inau'mo,” koo-Nyo i Yesus, “Iwi-iwi' na hak salaku mian anu palesayamo hi Tumpu, o alamo atina' hi komiu ka' obee' hi sa'angu' na bansa anu montuluti to pale-palentah nu Tumpu. [

SISIKON NU TO RASUL-RASUL 4:11

I Yesus aiyamo na anu nupatujui nu ayat aiya i uno nu Kitab nu Tumpu, ‘Batu anu madi' opake nu komiu to tuka-tukang anu topo bau laigan, padahan tinimbalimo batu anu penting.’

ROMA 9:33

Mongkona batu aijo', i Kitab nu Tumpu tinulis sumo uuka, “O intomakon na aiya: I Sion pinotimpas-Kumo sambatu na batu anu monsaduakon mian tosumpun; aijo'mo sambatu na batu daka' anu monsaduakon mian motua'. Panyo mian anu palesaya hi Ia madi' mompele-pele'.”

EFESUS 2:20

Komiu mule' pinotinjomo i patikokoan anu binaumo nu to rasul-rasul, ka' to nabi-nabi, ka' i Kristus Yesusmo na salaku batu mahoson pinompokokoan.