MATIUS 21:41 - KITAB NU TUMPU ALLA LELE MA'IMAI'

⁴¹ Aha nontaami, “Tantu ia mompatei to mia-mian ma'idek aijo', lantas montamboakon ale' nu anggur aijo' hi mian sangga'at anu mongka'oho' mombee'i sangga'at na hasin nu tano' aijo' hi ia de tokamo na tempo'nyo.”

MATIUS 21:41 ပူးပေါင်းရင်းမြစ်များ

MAZMUR 2:9

Aha iwi-iwi' nu pato'imo nu tokon besak ka' nu biha'mo susumo kuhon tano'.’ ”

YESAYA 65:15

To mia-mian anu pinile'an-Kumo mompake sanggo nu beleyum salaku kutuk: ‘O'amalakon da Tumpu Anu Matangkas na Kuasanyo mompatei belemiu susumo aha!’ Panyo mian anu tulu-tulutan hi beleng-Ku, Ku bee'ije sanggo anu bu'ou ponsanggohi.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

ZAKHARIA 12:12

Lantas to utu-utusnyo ilipu' aijo' mosi tando'imo; to utu-utus mae nu lee' i Daud, to utu-utus mae nu lee' i Natan, to utu-utus mae nu lee' i Lewi, to utu-utus mae nu lee' i Simei ka' mule' iwi-iwi' na poto utusan sangga'at. Batu-batu poto utusan mosi tando'imo, ka' to momoane iposi-posi sampoto utusannyo mae montando'imo panyo madi' timbali mogalum hi to bou-boune.”

ZAKHARIA 13:8

ka' isongko-songko na lipu' obagi totolu' na dunia, ohua' na bagian na dunia na silakamo na miannyo.

MATIUS 21:34

Salatan tinokamo na tempo'nyo nu pontipuan bua'nyo nu anggur, tumpu nu tano' aijo' nonsai to posa-posaihonnyo mamba hi anu mongkalaja ale' aijo', da montalimakon baginyo.

MATIUS 21:40

I Yesus nompokilawa, “Jadi, de tumpu nu ale' nu anggur aijo' minsusule'mo mae, apaa na anu tionyo nu bau hi anu mokalaja aijo'?”

MATIUS 21:43

“Jadi, o inau'mo,” koo-Nyo i Yesus, “Iwi-iwi' na hak salaku mian anu palesayamo hi Tumpu, o alamo atina' hi komiu ka' obee' hi sa'angu' na bansa anu montuluti to pale-palentah nu Tumpu. [

MATIUS 3:12

I lima-Nyo daagi' ko kiapan bau pontapii iwi-iwi' na gandum-Nyo sampe belesi'. Gandum nu polimu' i uno nu alang, panyo iwi-iwi' na ota'-Nyo o papui i uno nu apu anu madi' toho' mate.”

LUKAS 20:16

Tantu ia toka ka' mompatei anu nombau ale' haha aijo', lantas ale' aijo' nu bee'mo hi sangga'at na mombauakon.” Nohongo aitu, notataemo na to mia-mian hi Yesus, “Imadi' koko totu'u!”

SISIKON NU TO RASUL-RASUL 15:7

Pinin hondo na aha nompaha bebee'i tanga'an. I mihinyo i Petrus tinuminjo ka' notatae, “To Utu-utus! Posi komiu nonsumbu'mo saba' to pia-pia manga u'utu mae Tumpu nompile'imo aku lengkat atina' hi komiu da mompolele Lele Ma'ima' aijo' hi to mia-mian misa' Yahudi, da aha mule' mohongo ka' palesaya.

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”

SISIKON NU TO RASUL-RASUL 28:28

Ahennyo i Paulus notatae, “To Utu-utus tionyo monsumbu' saba' lele mongkona kasalamatan anu lengkat mae hi Tumpu uuka pinolelemo i to bansa-bansa sangga'at anu misa' Yahudi. Aha tionyo montuluti!” [

SISIKON NU TO RASUL-RASUL 28:8

Tempo'nyo aitu tuumanyo hau-haunyo masakit, sinihabannyomo ka' tohuhuson. I Paulus namba nolenga tuumanyo anu masakit aijo', lantas ia binalado'a ka' nompotiik lima i buannyo sahingga ia na'alin.

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.