MATIUS 21:34 - KITAB NU TUMPU ALLA LELE MA'IMAI'

³⁴ Salatan tinokamo na tempo'nyo nu pontipuan bua'nyo nu anggur, tumpu nu tano' aijo' nonsai to posa-posaihonnyo mamba hi anu mongkalaja ale' aijo', da montalimakon baginyo.

MATIUS 21:34 ပူးပေါင်းရင်းမြစ်များ

YESAYA 5:4

Daagi' apaa mule' na anu tionyo ahi' Ku bau, panyo ma'isa Ku bau na ale' nu anggur-Ku aijo'? Kadaka' ia nimbua'mo anggur anu malosing, ka' madi' ahi' nimbua' anu matami' susumo anu ingima-imanan-Kumo?

YEREMIA 35:15

Aku saja'mo nompokau namba hi belemiu iwi-iwi' na posaihon-Ku to nabi-nabi ka' aha nompokinde'imo belemiu da opokopiani na kalakuan nu belemiu ka' da madi'mo mombau palabuatan anu ma'idek. Aha nompokinde'imo belemiu da bolimo monsombah to pilo-pilogot sangga'at ka' madi'mo palesaya hi aha da belemiu tataap ahi' jojoong ilipu' aiya anu binee'-Kumo hi belemiu tiba hi mompolee' nu belemiu. Panyo belemiu madi' ahi' nompalahatikan ka' madi' ahi' nohongo-hongo Aku.

MATIUS 21:35

Panyo anu mongkalaja ale' aijo' nohakop to posa-posaihon nu tumpu nu tano' aijo': Samian binobotan, sangga'at pinatean, ka' sangga'at mule' pinahambunu'akon nu batu.

MATIUS 21:38

Panyo salatan anu mokalaja ale' aijo' nontoa anak nu tumpu nu tano' aijo', aha notatae samian ka' samian, ‘Toa, aiyamo na ia anu montoongi pusaka'nyo. Imbo' da o patei na ia, da kita na mohumpak pusaka'nyo!’

MATIUS 21:40

I Yesus nompokilawa, “Jadi, de tumpu nu ale' nu anggur aijo' minsusule'mo mae, apaa na anu tionyo nu bau hi anu mokalaja aijo'?”

MATIUS 21:41

Aha nontaami, “Tantu ia mompatei to mia-mian ma'idek aijo', lantas montamboakon ale' nu anggur aijo' hi mian sangga'at anu mongka'oho' mombee'i sangga'at na hasin nu tano' aijo' hi ia de tokamo na tempo'nyo.”

MATIUS 22:3

Tomundo aijo' nonsai to poka-pokauhon mamba molabot to mia-mian anu i laga da toka i bau-bauon aijo'. Panyo aha anu i laga aijo' madi' mongka'oho' toka.

MARKUS 12:1

Lapas aijo' i Yesus nontampu'unimo notatae nu kantuang hi to kapa-kapala nu imam, to gulu-gulu' agama ka' to pola-polaya' nu Yahudi. I Yesus notatae, “Daagi' ko samian anu nonsu'ani sa'angu' na ale' nu anggur, lantas nompagan titikub. Lapas aijo' ia nongkeke bolo' da bau pompetian anggur, lantas ia nompotinjo sa'angu' na laigan bau pontamongian. Lapas aijo' tinamboakonnyomo na ale' nu anggur aijo' hi to pia-piangkuka na anu mokalaja, lantas nambamo i kampung sangga'at.

MARKUS 12:7

Panyo anu mokalaja aijo' notatae samian ka' samian, ‘Aiyamo na ia lee' nu tumpuionnyo. Imbo' da opateinto na ia, da pusaka'nyo kita na mohumpak!’

MARKUS 12:9

Lantas i Yesus nompokilawa, “Apaa na anu nubau nu tumpu nu ale' aijo'? Tantu ia toka ka' mompatei anu mokalaja aijo', lantas mombee' ale' aijo' hi anu mokalaja sangga'at.

LUKAS 20:9

I Yesus nonsisikakon hi mian haha aijo', kantuangan aiya, “Daagi' ko samian anu nonsu'ani santake na ale' nu anggur. Tinamboakonnyo na ale' aijo' hi aha to pia-piangkuka anu mombauakon ale', lantas i namba i lipu' sangga'at, ka' jinojoong pinin kiijo' mae.