MATIUS 21:33 - KITAB NU TUMPU ALLA LELE MA'IMAI'

³³ “Hongo na kantuang anu sa'angu' aiya mule'”, koonyo i Yesus. “Samian na tumpu nu tano' nonsu'ani sa'angu' na ale' nu anggur. Ia nompagan titikub, ka' nongkeke bolo' bau pompo' una'an tampat pompeeti anggur, ka' mule' nompotinjo pontamongian. Lapas aijo', ia nontamboakon ale' nu anggur aijo' hi aha anu mokalaja, lantas namba i lipu' sangga'at.

MATIUS 21:33 ပူးပေါင်းရင်းမြစ်များ

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

YESAYA 1:10

Yerusalem tiba to pola-polaya' ka' bansa nu belemiu tinimbalimo nimbalu-balu'mo mian nu Sodom ka' Gomora. Apaa na anu pinalentahkon nu Tumpu hi belemiu hongo mae; apaa na anu ingajanakonmo nu Tumpu-nto opalahatikan.

YEREMIA 19:3

Aku tionyo ahi' motatae sumo uuka, “O to tomu-tomundo nu Yehuda tiba mian anu jojoong i Yerusalem! Potombihing mae apaa na anu, Aku, Tumpu Anu Mahakuasa, Tumpu Allah nu Israel kahanda' mompoto'i hi belemiu. Ku potokamo mae na balaa' anu daka' hondo itampat aiya sahingga mian anu nohongomo tinolokengkengmo.

YEREMIA 2:21

Beleyum sinu'an-Kumo susumo kau' anggur anu pinile'an-Kumo ingala ibibitnyo anu ma'ima'. Panyo uuka aiya beleyum nongabali'mo tinimbalimo sosu'anon nu kuhat ka' madi'mo kinokaliangannyo.

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

MATIUS 13:18

“Hongo pe'e apaa na alati'nyo nu kantuang mongkona anu monsa'u bine' aijo'.

MATIUS 20:1

“De Tumpu mompalentah, ka'ada'annyo sumomo kantuang aiya: Samian na tumpu nu ale' nu anggur nosabat tempo'nyo daagi' subu, molio mian anu mokalaja i ale' nu anggurnyo.

MATIUS 21:28

“Uuka, mosia na pikilannum mongkona han aiya?” lau-laus i Yesus notatae. “Daagi' ko samian na tuuma anu ko anaknyo ua'aha na mo'ane. Mian aijo' namba hi anaknyo anu tumpe ka' notatae, ‘Anak, lako'mo mamba pokalaja i ale' nu anggur sinaa uuka.’

MATIUS 23:2

“To gulu-gulu' agama ka' to mia-mian Farisi nohumpak kuasa da montalangkan atulan i Musa.

MARKUS 13:34

Ka'ada'annyo sumomo anu mompala'i laigannyo, lantas mamba i tampat anu majo'on. Ia nonsai to posa-posaihonnyo montamongi laigannyo, ka' nombee'imo palentah hi aha toto samian. Hi aha anu montamongi pontumban, ia nompoto'i da balajaga ma'i-ma'ima'.

LUKAS 19:12

I Yesus notatae, “Daagi' ko samian lee' nu mian daka' anu namba i lipu' majo'on da o hangkat timbali tomundo, lapas aijo' ninsusule'mo mae.

YOHANES 15:1

Koonyo i Yesus mule', “Aku kau' anggur anu totu-totu'unyo, ka' Tuumang-Ku aijo' na tumpu nu ale'.

PO'ULE' INGULIT 16:18

“I toto sa'angu' na kota anu binee'mo nu Tumpu Allah nu belemiu hi belemiu, tionyo ahi' mohangkat to mia-mian kopian ka' to pangka-pangkat sangga'at da adin na momputusi palakala nu layat.