MATIUS 21:32 - KITAB NU TUMPU ALLA LELE MA'IMAI'

³² Kalana i Yohanes anu Mompalamandikan tinoka, ka' nompotiju' hi komiu mosia na tumuu' anu nu kahanda'i nu Tumpu, panyo komiu madi' mongka'oho' palesaya i pangajalannyo; panyo anu saja' montage hasin ka' to bou-boune masala' palesaya hi ia. Panyo mau mule' komiu nontoamo iwi-iwi' aijo', komiu madi' ahi' mombali'i pikilan miu ka' madi' palesaya hi Tumpu.”

MATIUS 21:32 ပူးပေါင်းရင်းမြစ်များ

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

MATIUS 11:18

I Yohanes tinoka – ia bapuasa' ka' madi' monginum anggur; ka' to mia-mian notatae, ‘Ia sinoku'onmo nu setan!’

MATIUS 21:25

I Yohanes mompalamandikan tiba hak ihe? Tumpu kabai mian?” Lantas Kapala nu to Ima-imam ka' to pola-polaya' nu Yahudi aijo' nontampu'unimo nombisalakon kiijo' hi aha, “De kita montaeakon, ‘Tiba hak nu Tumpu,’ Ia motatae, ‘Desumo aitu, kadaka' komiu madi' palesaya hi ia?’

MATIUS 21:31

Jadi, ua'aha na anak aijo', ihe na anu nombau pongka'oho' nu tuumanyo?” “Anu tumpe,” tinaaman nu Kapala nu to Ima-imam ka' to pola-polaya' nu Yahudi aijo'. Lantas i Yesus notatae hi aha, “Palesayamo: Anu saja' montage hasin, ka' to bou-boune anu masala' na tongkoimoona timbali mian anu palesayamo hi Tumpu ka' de mule' komiu.

MATIUS 5:46

Kalana de komiu mongkalibosi ola mian anu mongkalibosi komiu, bau apaa na Tumpu tionyo mombalosi palabuatan miu aijo'? Te misa' topo tagi hasin suele mombau sumo aitu?

2 TIMOTIUS 2:25

Ia madi' ko sega-sega na mongajan mian anu ka'oho' monggagakon; o'amalakon da Tumpu mombee'i kasampatan hi mian haha aijo' da balatobat mombabali'i dosa-dosa' nu aha, ka' monsumbu' pangajalan anu totu'u.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

2 PETRUS 2:21

Lebe ma'ima' mian anu susumo aijo' madi' toho' nonsumbu' jalan anu totu'u lengkat mae hi Tumpu, da boli ola aha monsumbu' padahan lapas mae madi'mo mongka'oho' montuluti to pale-palentah anu binee'mo nu Tumpu hi aha.

ANU PINOTO'I HI YOHANES 2:21

Binee'-Kumo na ia na kasampatan da balatobatmo i to dosa-dosa'nyo, panyo ia madi' mongka'ima'i montibahakon hahan masala' aijo'.