MATIUS 21:31 - KITAB NU TUMPU ALLA LELE MA'IMAI'

³¹ Jadi, ua'aha na anak aijo', ihe na anu nombau pongka'oho' nu tuumanyo?” “Anu tumpe,” tinaaman nu Kapala nu to Ima-imam ka' to pola-polaya' nu Yahudi aijo'. Lantas i Yesus notatae hi aha, “Palesayamo: Anu saja' montage hasin, ka' to bou-boune anu masala' na tongkoimoona timbali mian anu palesayamo hi Tumpu ka' de mule' komiu.

MATIUS 21:31 ပူးပေါင်းရင်းမြစ်များ

AYUB 15:6

Madi'mo pilenje ku tuuk na beleyum ka' kupisala'i kalana posi potataemo nu beleyum atina' na mongkalak beleyum.

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

MATIUS 12:50

Mian anu mombau pongka'oho' nu Tuumang-Ku anu i suluga', iamo na utus mo'ane, utus boune ka' tinang-Ku.”

MATIUS 18:3

Lantas i Yesus notatae, “Palesayamo! Ola ahi' de komiu mongabali' ka' timbali susumo to ana-anak, komiu timbali minsoop mian anu palesayamo hi Tumpu.

MATIUS 20:16

Lantas i Yesus po'ule' notatae, “Sumo aitumo na to mia-mian anu tongkoimihi, timbali anu i moona, ka' to mia-mian anu i moona timbali anu tongkoimihi.”

MATIUS 21:30

Lapas aitu tuumanyo namba hi anaknyo anu ko'ohua'nyo, ka' nontaeakon makisut anu susumo uuka. ‘Ma'ima'mo kita Tuuma,’ tinaaman nu anak ko'ohua'nyo aijo'. Panyo ia madi' namba.

MATIUS 5:18

O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

MATIUS 5:46

Kalana de komiu mongkalibosi ola mian anu mongkalibosi komiu, bau apaa na Tumpu tionyo mombalosi palabuatan miu aijo'? Te misa' topo tagi hasin suele mombau sumo aitu?

MATIUS 6:5

“De komiu balado'a, boli sumo to mia-mian anu mongka' oho' bapula-pula. Aha mongka'oho' balado'a tinjo-tinjo i laigan pogalejaan ka' i popanga'an nu jalan da nu toa nu mian. O inau', aijo'mo na tamboonyo anu tinalimamo nu aha.

MATIUS 7:21

“Madi' iwi-iwi' na mian anu molaga Aku, ‘Tumpu, Tumpu,’ anu moko ala timbali mian anu palesayamo hi Tumpu, panyo ola to mia-mian anu mombau kahanda' nu Tuumang-Ku anu i suluga'.

MATIUS 9:9

Lapas aijo' i Yesus nompala'imo tampat aijo'. Hau-haunyo i lumajang, Ia nontoa samian topo tagi hasin, sanggonyo i Matius, hau-haunyo suha-suhang i kanton nu anu montage hasin. I Yesus notatae hi ia, “Imbo' batuk mae na Aku!” I Matius tinuminjo ka' nombatuki Yesus.

LUKAS 15:10

Sumo aitumo na malaekat nu Tumpu lame' de daagi' ko samian anu ma'idek balatobatmo i dosa-dosa'nyo. Palesayamo!”

LUKAS 19:22

Tomundo aijo' notatae hi ia, ‘Beleyum pokauhon anu ma'idek! Sumo posi potataeum aku mohukum beleyum. Nusumbu' aku mian anu masigo; aku mongala anu misa' anungku, ka' mongala hasin anu misa' i tampat anu madi' tinugalanku.

LUKAS 7:29

Iwi-iwi' na mian – tiba topo tage hasin – nohongo i Yesus nontaloakon han aijo'; ahamo na to mia-mian anu montulutimo palentah nu Tumpu, ka' mongka'oho'mo opalamandikan i Yohanes.

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

YOHANES 3:5

I Yesus nontaami, “Totu-totu'u na potataeng-Ku aiya: de mian madi' ohampeakon nu uee ka' mule' nu Roh nu Tumpu, mian aijo' madi' timbali mian anu palesayamo hi Tumpu.

SISIKON NU TO RASUL-RASUL 17:30

Jadi kaponga'anto aijo' kinolilimanmo nu Tumpu, panyo tempo' uuka Ia nompokaumo iwi-iwi' mian i songko-songko na dunia da bolimo mombau to dosa-dosa' nu aha.

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

ROMA 5:20

Anu nombee' atulan nu agama Yahudi aijo' posi Tumpu. Panyo lebe mian makeke montapali atulan aijo', lebe mule' aha molanggai ka' baladosa' hi Tumpu. Mau mule' mian lebe mombau dosa', Tumpu lebe mule' mongkalibosi aha.

2 PETRUS 3:9

Tumpu madi' lat na mombee' apaa na anu jinanji'-Nyomo, mau mule' daagi' ko anu monsangka sumo aijo'. Panyo mule' ahi', Ia sabaan hi belemiu, kalana Ia madi' mongka'oho' ko anu obinasai mau ola samian. Ia mongkahanda'i da iwi-iwi' na mian bolimo mombau to dosa-dosa'nyo.