MATIUS 21:29 - KITAB NU TUMPU ALLA LELE MA'IMAI'

²⁹ ‘Aku madi' mongka'oho',’ tinaaman nu anak aijo'. Panyo madi' pinin nongabali'mo na pikilannyo ka' namba i ale' nu anggur aijo'.

MATIUS 21:29 ပူးပေါင်းရင်းမြစ်များ

NOSABATMO 4:28

I Musa nonsisikmo hi Harun iwi-iwi' apaa na anu tinaloakonmo nu Tumpu hi ia tempo'nyo ia po'ule'mo sinai minsusule' mokiijo' i Mesir ka' mule' mongkona iwi-iwi' anu okabangangi anu tionyo nu bau.

YEREMIA 44:16

“Kami madi'mo mongka'oho' mohongo apaa anu nu poto'i mae nu beleyum hi kami atas sanggo nu Tumpu.

YUNUS 3:2

Ia notatae, “Lako'mo mamba i Ninewe, i kota' anu daka' aijo' ka' potokakon hi miannyo na potuunon-Ku anu Kupoto'i beleyum aiya.”

NOMBILANGMO 10:30

Tinaaman i Hobab, “Talima kase panyo aku kahanda'mo minsusule' i lipu' kinahampeanku.”

MATIUS 21:28

“Uuka, mosia na pikilannum mongkona han aiya?” lau-laus i Yesus notatae. “Daagi' ko samian na tuuma anu ko anaknyo ua'aha na mo'ane. Mian aijo' namba hi anaknyo anu tumpe ka' notatae, ‘Anak, lako'mo mamba pokalaja i ale' nu anggur sinaa uuka.’

MATIUS 21:30

Lapas aitu tuumanyo namba hi anaknyo anu ko'ohua'nyo, ka' nontaeakon makisut anu susumo uuka. ‘Ma'ima'mo kita Tuuma,’ tinaaman nu anak ko'ohua'nyo aijo'. Panyo ia madi' namba.

MATIUS 21:31

Jadi, ua'aha na anak aijo', ihe na anu nombau pongka'oho' nu tuumanyo?” “Anu tumpe,” tinaaman nu Kapala nu to Ima-imam ka' to pola-polaya' nu Yahudi aijo'. Lantas i Yesus notatae hi aha, “Palesayamo: Anu saja' montage hasin, ka' to bou-boune anu masala' na tongkoimoona timbali mian anu palesayamo hi Tumpu ka' de mule' komiu.

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.