MATIUS 21:21 - KITAB NU TUMPU ALLA LELE MA'IMAI'

²¹ “Totu'u” tinaaman i Yesus, “De komiu palesaya ka' madi' bata-bata, komiu timbali mombau apaa na anu Binaungkumo i kau' ara aiya. Ka' misa' ola aijo', aitu pe'e komiu timbali motatae i bungkutnyo aiya, ‘Talahangkat ka' tongalin mokaiyong i uno nu ambai’; saba' han aijo' tionyo timbali.

MATIUS 21:21 ပူးပေါင်းရင်းမြစ်များ

MATIUS 14:29

“Toka mae,” Tinaaman i Yesus. Jadi i Petrus i lumobos lengkat i duangan, ka' i lumajang i bawo nu uee, ka' tinoka hi Yesus.

MATIUS 17:20

I Yesus nontaami, “Kalana komiu madi' talalo palesaya. O inau'! De komiu palesaya totu-totu'u kodaka'nyo sumo batu nu sasawi, komiu timbali motatae hi bungkutnyo aiya, ‘Polalin mokiijo' mae!’ tantu bungkutnyo aiya timbali molalin. Madi' ko sa'angu' pe'e na anu madi' opoko ala obau miu! [

MATIUS 21:20

Salatan anu saja' mombatuki Yesus nontoa kajadian aijo', aha binangangmo hondo. “Mosia na kau' ara aijo' timbali lau-laus nanggas sampu-sampu'un?” pinokilawa nu aha.

MATIUS 8:12

Padahan to mia-mian anu sabenannyo timbali mian anu palesayamo hi Tumpu, o alin i kapintungan anu i sambiha'nyo. I kiijo' aha humaang ka' mongoa'i sansala.”

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

YAKOBUS 1:6

Panyo mian anu momoita, tionyo ahi' palesaya; ia madi' timbali bata-bata. Kalana mian anu bata-bata atina' sumo bokon i ambai anu nupuuhi nu mombun mokiijo' ka' mo'uuka mae.