MATIUS 21:10 - KITAB NU TUMPU ALLA LELE MA'IMAI'

¹⁰ Lantas salatan i Yesus ninsoopmo i Yerusalem, songko-songko na kota aijo' kinalangkabutmo. “Aiya, ihe?” to mia-mian i kota aijo' nompaha poki-pokilawamo.

MATIUS 21:10 ပူးပေါင်းရင်းမြစ်များ

NYANYIAN ANU TALASANGGO 3:6

Pa' aijo' anu tinoka lengkat i padang anu mateges; susumo tibuk nu apu anu butolu? Nohongnyo sumomo mur ka' kamangian, tiba iwi-iwi' na bada' anu manohong lengkat mae hi mian anu badagang.

YESAYA 63:1

“Ihe na ia anu tinokamo lengka mae i Bozra daerah Edom? baju'nyo momea', pakeannyo ma'ima' hondo, ia lumajang anggasan ka' mule' tagap.” “Akumo na Tumpu anu moko ala momposalamat ka' toka mae momboa lele nu kamangan.”

MATIUS 2:3

Salatan i Tomundo Herodes nohongomo han aijo', ia tinolokengkeng hondo, sumo aitu mule' iwi-iwi' na mian nu Yerusalem.

MATIUS 21:11

“Ia Nabi Yesus, lengkat mae i Nazaret i Galilea,” tinaaman nu mian da'isan anu nonsampo jalan i Yesus.

MATIUS 21:9

Mian da'isan anu ilumajang i moona ka' anu i mihi hi Yesus molo-moloboo', “Tumuu'mo na Anak i Daud! Obalakatiakon na Ia anu tinoka tiba sanggo nu Tumpu! Puji' na Tumpu Anu Matangkas na Kuasanyo!”

LUKAS 20:2

ka' notatae hi Yesus, “Soba poto'i mae hi kami, mosia ka' Beleyum mombau iwi-iwi' aiya? Ihe na nombee'i hak aijo' hi Beleyum?”

LUKAS 5:21

To gulu-gulu' agama ka' aha to mia-mian Farisi notataemo samian ka' samian, “Ihe na mian aiya ka' baani mompopo ise' Tumpu? Ihe na timbali mongampuni dosa', de misa' Tumpu Allah ahi'?”

LUKAS 7:49

To mia-mian sangga'at anu suha-suhang mongkaan hingga-hinggat ka' i Yesus, nontampu'unimo notatae hi samian ka' samian, “Ihe na mian aiya sampe timbali mongampuni dosa'?”

LUKAS 9:9

I Herodes notatae, “Aku nompokaumo mian mompolo ubak i Yohanes. Panyo mian aiya pa' ihe ahi' na Ia? Manjoo'mo na pinohongoakonku mongkona Ia.” Lantas i Herodes binala usaha da montoa i Yesus.

YOHANES 2:18

To mia-mian anu mongkuasai Yahudi nonggagakon i Yesus, koonyo nu aha, “Soba pombau anu okabangangi salaku tanda hi kami, momponyata' taalu' Beleyum ko hak mombau sumo aiya.”

SISIKON NU TO RASUL-RASUL 9:5

“Ihe na Kita Tuan?” pinokilawa i Saulus. Lewo' aijo' nontaami, “Akumo na i Yesus, anu osakisa nu beleyum.

I RUT 1:19

Sahingga aha i nambamo ka' tinokamo i Betlehem. Salatan aha tinokamo ikiijo' mae, songko-songko na mian anu i kota aijo' binangangmo. To bou-boune anu ikiijo' mae notataemo, “Pa' aijo'mo totu-totu'u na i Na'omi?”

1 SAMUEL 16:4

I Samuel nombaumo susumo anu pinoto'imo nu Tumpu. Salatan ia tinokamo i Betlehem, to pola-polaya' kiijo' i kota' kinobanga-bangangmo na nolabot ia, ka' nompokilawa, “Pa' katokaan nu belento Tuuma aiya momboa mae kasalamatan?”