MATIUS 20:4 - KITAB NU TUMPU ALLA LELE MA'IMAI'

⁴ Lantas ia notatae hi aha, ‘Lako'mo na komiu mokalaja i ale' nu anggurku. Aku mombayanje komiu nu tamboo anu pantas.’

MATIUS 20:4 ပူးပေါင်းရင်းမြစ်များ

MATIUS 20:3

Jam osio' daagi' subu, tumpu nu ale' aijo' namba mule', ka' nontoa to pia-piangkuka na mian anu daagi' hau-haunyo ola mahalajangan i pasan.

MATIUS 20:5

Ka' aha mule' i nambamo. Jam sampulu' ka' ohua' sonsu'un na sinaa ka' suele jam totolu' mamalom, tumpu nu ale' aijo' nosabat mule', ka' nombau mule' anu sumo aijo'.

MATIUS 9:9

Lapas aijo' i Yesus nompala'imo tampat aijo'. Hau-haunyo i lumajang, Ia nontoa samian topo tagi hasin, sanggonyo i Matius, hau-haunyo suha-suhang i kanton nu anu montage hasin. I Yesus notatae hi ia, “Imbo' batuk mae na Aku!” I Matius tinuminjo ka' nombatuki Yesus.

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

KOLOSE 4:1

To Utu-utus anu tinimbali tuan! O palentah ahi' adi-adin ka' obau hodi-hodi' na kinyonyoa hi to posa-posaihon miu. Soba tutugi kalana komiu suele daagi' ko samian na tuan i suluga'.

TITUS 3:8

Potatae aiya totu'u ka' kona. Ku kahanda'i da beleyum sabole-bole mompoteteng han haha aiya, da to mia-mian anu palesayamo hi Tumpu totu-totu'u bala usaha da mombau pakalaja'an-pakalaja'an anu ma'ima' ka' mingguna hi mian iwi-iwi'.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.