MATIUS 20:23 - KITAB NU TUMPU ALLA LELE MA'IMAI'

²³ I Yesus notatae, “Memang komiu monginumje suele i mangko'-Ku. Panyo mongkona ihe na anu sumuhang i kowi ka' i koanan-Ku, aijo' misa' kuasang-Ku na montantukan. Tampat-tampat aijo' bau tampat nu to mia-mian anu tinantukanmo nu Tuumang-Ku.”

MATIUS 20:23 ပူးပေါင်းရင်းမြစ်များ

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

MATIUS 20:24

Salatan aha sampulu' anu saja' mombatuki ia sangga'at nohongo han aijo', aha pinusa hi aha ohua' na moto utus aijo'.

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

MARKUS 10:40

Panyo mongkona ihena anu sumuhang i koanan kabai i kowing-Ku, aijo' misa' Aku na ko hak montantukan. Tumpu na montantukan ihehemo na anu sumuhang i tampa-tampat aijo'.”

SISIKON NU TO RASUL-RASUL 12:2

Ia nompalentah i Yakobus, utus i Yohanes opatei nu bajak.

ROMA 8:17

Jadi, de kita to ana-anak-Nyo, tantu kita mule' ko hak mohumpak hi Ia, anu tionyo montalima to bala-balakat anu pinosadiamo nu Tumpu bau bagi nu to ana-anak-Nyo. Kita tionyo mohumpak hingga-hinggat tiba i Kristus apaa na anu pinosadiamo nu Tumpu hi Ia; kalana de kita mongoa'i sansala tiba i Kristus, kita suele opopodaka' tiba Ia.

1 KORINTUS 2:9

Ola ahi' han aijo' sumo anu tinulismo i Kitab nu Tumpu Allah, “Apaa na anu madi' toho' tinoa kabai i hongo nu mian, ka' madi' mule' toho' i lubat i pikilan nu mian, aijo'mo na pinotouka nu Tumpu bau bagi nu to mia-mian anu mongkalibosi Ia.”

2 KORINTUS 1:7

Kami saja' mongakui ka' madi' toho' mombata-batai komiu Utus, kalana osumbu' mami na komiu suele nongoa'imo sansala tiba kami. Mokonyo aitu komiu suele ahi' nupohoson hingga-hinggat tiba kami.

KOLOSE 1:24

Uuka aku sanang na mongoa'i sansala kalana komiu. Kalana sansala anu ingoa'anmo nu butongku, aku momposampa'mo apaa na anu tionyo daagi' nu oa'i i Kristus kalana jama'at-Nyo, aijo'mo butong-Nyo.

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

ANU PINOTO'I HI YOHANES 1:9

Aku i Yohanes, utus miu anu suele sumo belemiu i uno nu kasansala'an salaku mian anu pinalesayamo hi Kristus. Kita tionyo ahi' sabaan na mongoa'i kasansala'an salaku mian, anu Iamo na tumpu-Nyo. Aku ingalin nokiijo' i togong nu Patmos kalana aku nompolelemo potuunon lengkat mae hi Tumpu, anu pinohosonmo na kinyonyoangku nu han anu binaumo i Yesus.