MATIUS 20:22 - KITAB NU TUMPU ALLA LELE MA'IMAI'

²² “Komiu madi' monsumbu' apaa na anu opoita miu,” koo-Nyo i Yesus hi aha. “Opoko ala miu na monginum i mangko' kasansala'an anu tionyo Ku'inum?” “Opoko ala,” tinaaman nu aha.

MATIUS 20:22 ပူးပေါင်းရင်းမြစ်များ

MAZMUR 75:3

Tumpu notataemo, “Toka i tempo'nyo anu tinantukan-Kumo, Aku momputusimo ulusan anu adin hondo.

AMSAL 16:18

Mian anu takabun mohumpak kahansunan; kobubuun ahennyo madi'mo ohalagai.

YESAYA 51:17

Pobulamo, o, Yerusalem, pobulamo! Hukuman anu inabu'akonmo nu Tumpu kalana tambuha'-Nyo ingoa'anmo nu beleyum sampe iningkot.

YESAYA 51:22

Sumo uuka na potatae nu Tumpu nu beleyum Tumpu nu beleyum anu nontinjohimo belemiu, “Kasansala'an anu binee'-Kumo kalana Aku notambuha'mo, po ule'mo Ku ala da madi'mo nu kona na belemiu. Aku madi'mo motambuha' ka' belemiu madi'mo daagi' montanggung.

YEREMIA 49:12

Mian anu madi' pantas ohukum kinonamo ahi' suele nu hukuman, kadaka' belemiu na madi'? Tantu belemiu tionyo ahi' ohukum!

MATIUS 26:35

I Petrus nontaami, “Mau mule' aku matemo tiba Kita Tuuma, aku madi' motatae tukoongku, aku madi' monsumbu' Kita Tuuma!” Ka' iwi-iwi' anu saja' mombatuki Ia, sangga'at notatae sumo aitu suele.

MATIUS 26:39

Lapas aitu, i Yesus namba gagana' majo'on, lantas Ia tinolodadupumo i tano' ka' binalado'a. “Kita Tuuma”, Ia notatae, “de timbali pojo'onakon mae hi beleng-Ku na kasansala'an-Ku anu tionyo Ku oa'i aijo'. Panyo boli mombatuki pongka'oho'-Ku, panyo batukimo na pongka'oho' nu Kita Tuuma.”

MATIUS 26:42

Po'ule' mule' i Yesus namba binalado'a, Ia notatae, “Kita Tuuma, de kasansala'an aiya tionyo Ku oa'i, ka' madi' opoko pojo'onakon, bakas pongka'oho'mo nu Kita Tuuma na jadi.”

MATIUS 26:56

Panyo memang sumo aitumo da timbali apaa na anu tinulismo nu to nabi-nabi i uno nu Kitab nu Tumpu.” Lapas aijo', iwi-iwi' na anu saja' mombatuki Ia nopadeka'mo nompala'i Yesus.

MARKUS 14:36

“Tuuma, o Tuuma,” na koo-Nyo, “madi' ko apaa anu kulang hi kita Tuuma. Pojo'onakon na kasansalaan aiya hi beleng-Ku. Panyo boli mombatuki pongka'oho'-Ku, o ala ahi' i pongka'oho' nu kita Tuuma.”

LUKAS 12:50

Daagi' ko kasansala'an anu maboat, anu tionyo Ku oa'i. Ka' kinyonyoang-Ku mangada' hondo de ma'isa aijo' timbali.

LUKAS 22:42

Lantas tinolodadupu ka' binalado'a. “Tuuma,” na koo-Nyo, “de timbali opojo'onakon hi beleng-Ku na sansala anu tionyo Ku oa'i aiya. Panyo boli o ala i pongka'oho'-Ku, o ala ahi' samata-mata i pongka'oho' nu Kita Tuuma.” [

YOHANES 18:11

Sahingga i Yesus notatae hi Petrus, “Po'ule' posalung na bajakum i guma'nyo! Pa' koyum o Aku madi' sida monginum galas kasansala'an anu binee' nu aha Tuuma hi beleng-Ku?”

ROMA 8:26

Sumo aitumo na Roh nu Tumpu toka montulungi kita de kita madi' mahoson. Kalana madi' osumbu'to mosia na tionyo kita balado'a; posi Roh aijo' na mangadap hi Tumpu mompoita kon apa-apaa na anu opalaluinto, kalana kapalaluan anu talalomo manjoo', sahingga madi'mo opoko taloakon.

YAKOBUS 4:3

Ka' mau mule' komiu nomoitamo, komiu madi' ahi' mohumpak, kalana anu okahanda'i miu opoita sala'; apaa na anu opoita miu atina' ola bau kasanangan nu posi butong.