MATIUS 20:21 - KITAB NU TUMPU ALLA LELE MA'IMAI'

²¹ “Kita Tina, mongka'oho' apaa?” pinokilawa i Yesus. Bengkele' i Zebedeus aijo' nontaami, “Aku mongkahanda'i ohua' na anakku aiya, sumuhang i kowi ka' koanan nu Kita Tuuma, de Kita Tuuma saidi' mae timbali Tomundo mule'.”

MATIUS 20:21 ပူးပေါင်းရင်းမြစ်များ

1 TOMU-TOMUNDO' 2:19

Sahingga nambamo na i Batsyeba hi tomundo' ka' nombisalakon apaa na koonyo i Adonia. I Tomundo' nobungkutmo nolalabot tinanyo ka' nonsombah ia lantas po'ule' mule' sinumuhang i kasuhangannyo. Lapas aijo' pinalentahnyomo na mian nontoukai kadela i sasu koanannyo da bau kasuhangan nu tinanyo.

1 TOMU-TOMUNDO' 3:5

Pihi-pihi aitu Tumpu nanintoamo mule' hi ia i uno nu ipion ka' notatae, “O Salomo, poita mae pa'apa na anu nu ka'ima'i, aijo' da Ku bee'mo hi beleyum!”

ESTER 5:3

Lantas pinokilawamo i tomundo, “Mosia Bengkele'ku? Apaa na anu nu kahanda'i? Poto'i mae. Mau mintonga' na kalaja'anku na nu poita ku bee'mo.”

MAZMUR 110:1

Mazmur i Daud. Tumpu nompoto'imo hi tuanku, “Suhangmo i sasu koanan-Ku, sangkut aha anu monsampobali' beleyum Ku popatundu'mo hi beleyum.”

MAZMUR 45:9

Baju' nu beleyum nanohongmo mur, gaharu, tiba cendana; pahaik musik ilaigan nu tomundo' anu ihiasan nu gading nompolame'mo beleyum.

YEREMIA 45:5

Kadaka' beleyum mongindimo da opopodaka'? Boli sumo aijo', Barukh! Iwi-iwi' na manusia Ku hukumo nu balaa', panyo beleyum na maumo ahi' pa' mosiamo tionyo ahi' opotumuu'. Maumo ahi' pa' moya na kalambanan nu beleyum, beleyum na tataap ahi' tumuu'. Aku, Tumpu notataemo.”

MATIUS 18:1

Tempo'nyo aitu anu saja' mombatuki Yesus tinoka hi Ia ka' nompokilawa, “Ihe na anu osangka talalo daka' i mian anu palesayamo hi Tumpu?”

MATIUS 19:28

I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

MATIUS 20:22

“Komiu madi' monsumbu' apaa na anu opoita miu,” koo-Nyo i Yesus hi aha. “Opoko ala miu na monginum i mangko' kasansala'an anu tionyo Ku'inum?” “Opoko ala,” tinaaman nu aha.

MATIUS 20:32

Lantas i Yesus binelenti ka' nolaga aha. “Apaa na anu oka'ima'i miu, Kubau hi komiu?” pinokilawa i Yesus.

MARKUS 10:51

“Apaa na nuka'ima'i Kubau hi beleyum?” koonyo i Yesus hi ia. Mian mapisok aijo' nontaami, “Tuumangku Gulu', aku mongkahanda'i montoa.”

MARKUS 16:19

Noko potatae na i Tumpu Yesus tiba aha, Ia i hangkatmo nokiita' i suluga'. I kiita' mae Ia nompalentahmo hingga-hinggat tiba Tumpu.

MARKUS 6:22

I lamean aijo' anak langkoyang i Herodias nonsalelei, ka' posalelenyo aijo' talalo hondo momposanang kinyonyoa i Herodes tiba to mia-mian anu i laga. Sahingga i Herodes notatae hi langkoyang aijo', “Beleyum mongka'ima'i apaa, poitamo mae. Kubee'je hi beleyum!”

LUKAS 18:41

“Apaa na anu nuka'ima'i Kubau hi beleyum?” “Tuan,” tinaaman nu mian mapisok aijo', “aku ka'oho' montoa.”

LUKAS 19:11

Hau-haunyo mian daagi' mohongo i Yesus basisik, Ia nonsisikakon sa'angu' na kantuangan. Kalana tempo' aitu Ia kiijo' koko Yerusalem, ka' mian monsangka, saba' Tumpu malia'mo mompalentah susumo Tomundo i dunia aiya.

LUKAS 22:24

Anu saja' mombatuki Yesus pinainggagamo mongkona pa' ihe na anu aijo' hi aha na opopodaka'.

YOHANES 15:7

De komiu saja' mosa'angu' tiba Aku, ka' pangajalan-Ku maninguna' i kinyonyoaum, poita hi Tuuma mau mule' apaa na o kahanda'i miu; anu opoita miu atina' tantu obee'.

SISIKON NU TO RASUL-RASUL 1:6

Salatan to rasul-rasul aijo' sinilimu'mo hingga-hinggat tiba i Yesus, aha nompokilawamo hi Ia, “Kita Tumpu, apaa uuka Kita Tumpu mongka'oho' po'ule' mompotinjo Kapalentahan nu bansa Israel?”

ROMA 12:10

Tionyo to Utu-utus mompaha kali-kalibosi samian ka' samian nu kinyonyoa ma'ima' sumo to mia-mian anu moto utus i sa'angu' na auwan, ka' opai-pai lio komiu mompaha tabe-tabea'i ihe na tongkoimoona montabea'i.

ROMA 8:34

Pa' daagi' ko mian anu mongka'oho' mompo sala' kita? I Kristus Yesus na montinjohi kita! Ia na anu sinilakamo, kabai memanga Iamo na po'ule'mo pinotumuu' salatan Ia sinilaka ka' kiita'mo mae hi Tumpu i tampat anu mongkuasai.

KOLOSE 3:1

Komiu po'ule'mo pinotumuu' hingga-hinggat tiba i Kristus. Mokonyo aijo' tionyo ahi' komiu bala usaha da mohumpak hahan anu i suluga', anu kiita' mae na i Kristus mompalentah hingga-hinggat tiba Tumpu.