MATIUS 20:12 - KITAB NU TUMPU ALLA LELE MA'IMAI'

¹² ‘Anu nokalaja tinoka i mihi aijo' ola nokalaja sajam. Panyo kami nokalaja sinansinaa i panas anu talalo masingit, panyo kita Tuan nombayan aha pokakanamo sumo kami!’

MATIUS 20:12 ပူးပေါင်းရင်းမြစ်များ

YUNUS 4:8

Salatan batu nu sinaa binete'mo, Tumpu nompalentahmo mae baleba' anu mapanas anu lengkat mae i kabete'an. I Yunus kiniboli' kinotusmo na kinyonyoanyo nu batu nu sinaa anu sumomo mompapui mae ubaknyo. Madi'mo kino halapan apa-apaa na ia ka' mongka'ima'imo da sahanyo silakamo. Ia notatae, “Lebe ma'ima' aku silakamo ka' de mule' aku daagi tumuu'!”

MALEAKHI 1:13

Belemiu notatae, ‘Na osamo na kita nu han aijo' iwi-iwi'’, ka' mule' belemiu madi'mo nompajuli Aku. Belemiu nomboamo mae binatang anu tinomang, binatang anu pengko' madi'mo moko ala lumajang kabai anu masakit aijo'mo na sinombahkon mae hi beleng-Ku. Ugaat koonyo nu belemiu Ku ala na palasombahan nu belemiu aijo'?

MALEAKHI 3:14

Belemiu notatae, ‘Palasuma na aku monsombah Tumpu. Apaa na gunanyo mombau anu halus obaunto salaku bau pongadati Tumpu Anu Daka' na Kuasanyo kabai opotoanto hi Ia nakalakuanto salaku bau pomponyata saba' kita aiya nompele-pele'mo na nombau kasala'anto?

MATIUS 20:11

Tempo'nyo nontalima doi aijo', aha notusa'mo hi tumpu nu ale'.

LUKAS 12:55

De komiu mongoa'i mombun toka lengkat mae i Salatan, komiu motatae, ‘Posinaamo.’ Ka' totu-totu'u posinaamo.

ROMA 3:27

Mokonyo aitu madi' ko pintoongan hi kita mongkabubuunakon. Kadaka' sumo aitu? Ugaat kalana kita mombau anu tuli-tulis i uno nu atulan nu agama Yahudi? Misa'. Panyo kalana kita palesaya.

ROMA 3:30

Kalana Tumpu ola sa'angu'. Iamo na nombau da moko ala na to mia-mian Yahudi timbali mompaha ima' mule' tiba Tumpu kalana aha palesaya. Ka' Iamo mule' na nombau da moko ala na to mia-mian bansa sangga'at po'ule' mompaha ima' tiba Tumpu; aijo' suele kalana aha palesaya.

1 KORINTUS 4:11

Sampe tempo' uuka kami mongoa'i susa' i anu okaan tiba susa' i anu o inum; baju' mami me anu i butong; mian monsakisa kami; kami madi' ko kajojoongan tataap:

EFESUS 3:6

Lahasia aijo', atina'mo: Montului Lele Ma'ima' aijo', mian anu misa' Yahudi suele mongoa'i to bala-balakat nu Tumpu anu naipuan mae pinotouka ola bau kapentingan nu mian Yahudi. To mia-mian anu misa' Yahudi pinotimbalimo ka' pinosoopmo sambu-sambutong, ka' suele mohumpakmo apaa na anu jinanji'mo nu Tumpu hi Kristus Yesus.

YAKOBUS 1:11

De bete'mo na sinaa ka' panasnyo talalomo mahangehes, sahingga hemput aijo' mangkalualemo ka' bunganyo mohudu'mo ka' madi'mo ma'ima'. Sumo aitumo singkona na mian kaya; ia silaka hau-haunyo ia mompojalan usahanyo.