MATIUS 2:8 - KITAB NU TUMPU ALLA LELE MA'IMAI'

⁸ Lapas aijo' ia nompokau aha namba i Betlehem ka' nompotuun sumo uuka, “Lako', lio na Anak aijo' ka' opalesa hondo-hondo. De komiu mongkabotmo Ia, poto'i mae hi belengku, da aku suele mamba monsombah Ia.”

MATIUS 2:8 ပူးပေါင်းရင်းမြစ်များ

2 SAMUEL 17:14

Nohongo potatae aijo' i Absalom tiba aha mian nu Israel iwi-iwi' notataemo, “Pokinde' i Husai na lebe ma'ima' molingkudui pokinde' i Ahitofel.” Memang, Tumpumo na nontantukan da boli otuluti na pokinde' i Ahitofel anu ma'ima' aijo' da i Absalom mohumpakmo balaa'.

1 TOMU-TOMUNDO' 19:2

Sahingga i Izebel nompotuunmo hi Elia sumo uuka, “O' amalakon da iwi-iwi' na pilogot mohukumo mae, pakalaus mompateimo aku, de dodop sumo sinaa aiya, madi' ku patei na beleyum susumo anu binaumo nu beleyum hi nabi Baal haha kiijo'.”

AMSAL 21:30

Madi' ko kapandean, ilimu', kabai kapandean mompopikilakon anu moko ala balatahan i ahop nu Tumpu.

MOHAANGI 3:37

De Tumpu madi' mongkahanda'i pa' apa-apaa tantu manusia madi' moko ala mombau apa-apaa mongkona han aijo'.

MATIUS 2:1

I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

MATIUS 2:7

Salatan nohumpak katalangan aijo', i Herodes nolagamo hoko-hokot anu pande monsumbu' mandala' anu lengkat mae i sasu kabete'an. Lantas ia nompokilawa hi aha naipian na katantuannyo mandala' aijo' tinoa.

MATIUS 2:9

Lantas aha nambamo. Aha nontoa mule' mandala' anu tinoa nu aha uuka mae i sasu kabete'an. Sangkeheng ahi' na kolame'nyo nu aha nontoa mandala' aijo'! Mandala' aijo' saja' mamba i moona moliu-liu aha, lantas binelenti pas-pas hondo i patak nu tampat nu Anak aijo'.