MATIUS 2:6 - KITAB NU TUMPU ALLA LELE MA'IMAI'

⁶ ‘Beleyum Betlehem, i tano' nu Yehuda, beleyum misa' anu talalo ise' i to kota-kota anu penting i Yehuda. Kalana lengkat hi beleyum tokaje na samian anu bau polaya' anu molaya' mian-Ku Israel anu palesayamo.’ ”

MATIUS 2:6 ပူးပေါင်းရင်းမြစ်များ

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

2 SAMUEL 5:2

Salatanmo pe'e naipuan mae, ka' mule' tempo'nyo i Saul daagi nompalentah kami, belentomo Tomundo' na nongkapali suludadu nu Israel de aha mambamo mahampate, ka' mule' Tumpu binalajanji'mo hi belento Tomundo' na molaya' mian anu pinalesayamo hi Ia, ka' timbaliomo tomundo' nu aha mian Israel.”

1 TAWARIKH 2:51

I Salma anaknyo anu ko ohua'nyo, iamo aijo' na nombau kota' Betlehem; ka' i Haref anaknyo anu ko totolu'nyo, iamo aijo' na nombau kota' Bet-Gader.

EZRA 2:21

To mia-mian anu mompolee'nyo mae, jinojoong i sinin na kota ka' mule' aiya na anu ninsusule'mo mae lengkat i Babel anu pinomboan aha: i Kota Betlehem – 123 i Kota Netofa – 56 i Kota Anatot – 128 i Kota Asmawet – 42 i Kota Kiryat-Arim, Kefira ka' Beerot – 743 i Kota Rama ka' Gaba – 621 i Kota Mikhmas – 122 i Kota Betel ka' Ai – 223 i Kota Nebo – 52 i Kota Magbis – 156 i Kota Elam sangga'at – 1.254 i Kota Harim – 320 i Kota Lod, Hadid ka' Ono – 725 i Kota Yerikho – 345 i Kota Senaa – 3.630

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

NOMBILANGMO 24:19

Lengkat mae hi Yakub saidi' mae lubatmo na samian anu montoongi kakuasa'an, anu mompatei iwi-iwi' na sampobali'nyo.”

MATIUS 2:1

I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

MATIUS 28:18

I Yesus nongohani aha ka' notatae, “Iwi-iwi' na kuasa i suluga' ka' i dunia aiya binee'mo hi beleng-Ku.

YOHANES 21:16

Kopinduannyo i Yesus nompokilawa hi ia, “Simon anak i Yona, apaa beleyum mongkalibosi Aku?” “Totu'u, Kita Tumpu,” tinaaman i Petrus. “Nu sumbu' nu Kita Tumpu na aku mongkalibosi Kita Tumpu.” I Yesus notatae hi ia, “Palakaiyakon na to domba-dombang-Ku.”

YOHANES 7:42

I uno nu Kitab nu Tumpu tinulis, ‘Tomundo anu Momposalamat te lee' mae i Daud, ka' anu toka lengkat mae i Betlehem, aijo'mo kampung kajojoongan i Daud.’ ”

EFESUS 1:22

Tumpu nompatundu'mo iwi-iwi' i aluk nu kakuasa'an i Kristus, ka' i Kristus binee'mo hi jama'at salaku mongkapalai iwi-iwi' na apaa.

KOLOSE 1:18

Iamo na kapala nu butong-Nyo, aijo'mo jama'at, kalana Ia na pinolengkatan nu kantumuu'an nu jama'at aijo'. Iamo na anak anu tumpe, anu sini-sinilaka ka' momonanyo po'ule' pinotumuu', da ola posi Ia na anu timbali tahahumo penting molingkudui iwi-iwi na apaa.

IBRANI 7:14

Iwi-iwi' na mian monsumbu' saba' Tumpunto nolengkat mae i tulunan nu Yehuda; ka' i Musa madi' toho' nonsanggo tulunan aijo' tempo'nyo ia nombisalakonmo to ima-imam.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 7:17

kalana Anak nu Domba anu sinumuhang i totonga'nyo aijo' timbalimo bau polaya' nu aha. Ia na molaya' aha mokiijo' i mata nu uee anu mombee'i kantumuu'an. Ka' Tumpu na mongambu'ije iwi-iwi' na lolu' nu aha.”