MATIUS 2:4 - KITAB NU TUMPU ALLA LELE MA'IMAI'

⁴ Jadi ia nonsaimo iwi-iwi' na kapala nu imam tiba to gulu-gulu' agama bansa nu Yahudi toka mae silimu'. Lapas aitu ia nompokilawamo hi aha, “Iyamae na kinahampean nu Tomundo anu jinanji'mo nu Tumpu?”

MATIUS 2:4 ပူးပေါင်းရင်းမြစ်များ

2 TAWARIKH 34:13

binee'anmo kalaja monjagai anu mohangkat ka' mongato to bala-balang, mongkapalai anu mokalaja i ngangahan nu kalaja, timbali julutulis ka' monjagai sabatan.

2 TAWARIKH 34:15

Pinoto'imo i Hilkia hi Safan, “Aku nohumpak Kitab Atulan nu Tumpu i Laigan nu Tumpu,” lantas binee'nyomo na kitab aijo' hi Safan.

2 TAWARIKH 36:14

Ka' mule' Laigan nu Tumpu anu tinantukanmo nu Tumpu bau ponsomban butong-Nyo pinohumimi'mo nu to pola-polaya' Yehuda, to ima-imam; ka' mian da'isan, kalana aha suele nonsombahmo pilogot ka' nombatukimo kabiasa'an nu kantumuu'an anu baladosa' tiniho i bansa-bansa anu mompaha'ohani aha.

EZRA 10:5

Jadi i Ezra nompalentahmo. Pinalentahnyomo na to kapa-kapala nu imam, to mia-mian nu Lewi ka' to mia-mian nu Israel sangga'at da basumpa' salaku tanda saba' apaa na anu tinaloakonmo i Sekhanya nubaumo nu aha.

EZRA 7:6

I Ezra mian anu nosikolah ka' manjoo' na nusumbu' na atu-atulan anu binee'mo nu Tumpu, Tumpu Allah Israel hi Musa. Kalana i Ezra nubalakati nu Tumpu Allahnyo sahingga binee'anmo i tomundo na ia iwi-iwi' apaa na anu pinoitanyomo. I Taun kopopitu'nyomo na i Tomundo Artahsasta nompalentah, nambamo na i Ezra lengkat i Babel nambamo i Yerusalem tiba aha santompuk na mian Israel aijo'mo aha to ima-imam, mian nu Lewi, to panya-panyanyi, ka' anu monjagai sabatan daka' Laigan nu Tumpu, ka' to mia-mian anu lewa' osai mokalaja.

MAZMUR 2:2

To tomu-tomundo' nu dunia singkapmo sinumikakan tinuminjo ka' to mia-mian anu montoongi kakuasa'an binasale'mo mongewa Tumpu ka' tomundo' anu pinile'an-Nyomo.

YEREMIA 8:8

Baani hondo na belemiu motatae, tukoo miu belemiu pande ka' monsumbu' atulan-Ku! Soba toa mosia na atulan-Ku binali'anmo nu aha anu toto pande-pande i agama ka' geguan!

MALEAKHI 2:7

Memang ahi' kahalusan nu to ima-imam na mompogulu' han anu totu'u apaa na anu Ku kahanda'i, Tumpu Anu Matangkas na Kuasanyo. Hi ahamo ahi' na tampat nu mian da'isan mompokilawa apaa na anu Ku ka'ima'i kalana ahamo ahi' aijo' na anu pinalentang-Kumo da mompoto'i.

MATIUS 13:52

Lantas i Yesus notataemo, “Aijo', na sababnyo batu-batu gulu' Agama anu timbalimo mian anu palesayamo hi Tumpu, sumo samian na tumpu nu laigan anu monsabatakon lengkat i tampat nu halata'nyo anu bu'ou ka' anu pininmo.”

MATIUS 2:3

Salatan i Tomundo Herodes nohongomo han aijo', ia tinolokengkeng hondo, sumo aitu mule' iwi-iwi' na mian nu Yerusalem.

MATIUS 2:5

Aha nontaami, “I kota Betlehem i tano' Yudea. Kalana sumo uuka na tinulis nu samian na nabi,

MATIUS 21:15

Panyo Kapala nu to Ima-imam ka' to gulu-gulu' agama notambuha'mo nontoa anu okabangangi, anu binau i Yesus. Ka' aha notambuha' suele nohongo to ana-anak binalame-lame'mo i Laigan nu Tumpu, “Tumuu'mo na Anak i Daud!”

MATIUS 21:23

Lapas aijo', i Yesus ninsusule' i Laigan nu Tumpu, lantas ninsoop ka' nongajan i kiijo'. Tempo'nyo Ia hau-haunyo mongajan, Kapala nu to Ima-imam ka' to pola-polaya' nu Yahudi tinokamo hi Ia ka' nompokilawa, “Apaa na alasan nu Beleyum mombau iwi-iwi' aiya? Ihe na nombee'i hak aiya hi Beleyum?”

MATIUS 26:3

Tempo'nyo aitu Kapala nu to Ima-imam ka' to pola-polaya' nu Yahudi binala gombumo i laigan daka' nu Imam Daka' Kayafas.

MATIUS 26:47

Hau-haunyo i Yesus daagi' basisik, i Yudas sala'samian anu sampulu' ka' ohua' na anu saja' mombatuki Ia aijo' tinokamo. Nohingga-hinggat mae tiba ia, tinoka suele da'isan na mian anu nomboa mae bajak ka' amangkun. Aha sinai nu Kapala nu to Ima-imam ka' to pola-polaya' nu Yahudi.

MATIUS 27:1

Subu-subu hondo, iwi-iwi' na Kapala nu to Ima-imam, ka' polaya' nu Yahudi nombaumo sa'angu' na kaputusan da o pateimo na i Yesus.

MATIUS 7:29

Kalana Ia mongajan nu kuasa, misa' sumo to gulu-gulu' nu agama nu aha.

MARKUS 8:31

Lapas aijo', i Yesus nontampu'unimo nongajan anu saja' mombatuki Ia tukoonyo, Anak nu Mian tionyo mongoa'i manjoo' na kasansala'an, ka' ogagakon nu to pola-polaya', kapala nu to ima-imam, ka' to gulu-gulu' agama. Ia opatei, panyo i sinaa kototolu'nyo Ia po'ule' opotumuu'.

LUKAS 20:19

To gulu-gulu' agama, ka' Kapala nu to ima-imam monsumbu' saba' kantuangan aijo' nu patuakon i Yesus hi aha. Mokonyo aitu aha kahanda'mo mohakop Ia tempo'nyo aitu, panyo aha mabuhuk hi mian da'isan.

LUKAS 23:10

Kapala nu to ima-imam ka' to gulu-gulu' agama suele nangadap i kiijo' ka' nontuuk tala-talalo i Yesus.

YOHANES 18:3

Saba' i Yudas namba i tampat aijo' nomboa sanggombu na suludadu Romawi tiba to pia-piangkuka na ponjaga Laigan nu Tumpu anu pinokau nu kapala nu ima-imam tiba to mia-mian Farisi. Aha nomboa toongon pimuhuk, sulu', tiba potong.

YOHANES 3:10

I Yesus nontaami, “Beleyum gulu' nu Israel; ka' kadaka' madi' nusumbu'?

YOHANES 7:32

To mia-mian nu Farisi nohongomo mosia na mian da'isan haha aijo' mompaha oyo-oyong mongkona i Yesus. Kalana aitu, hingga-hinggat tiba to kapa-kapala nu imam, aha nonsaimo to pia-piangkuka ponjagai Laigan nu Tumpu mamba mohakop i Yesus.

YOHANES 8:3

Hau-haunyo aijo' to gulu-gulu' agama ka' to mia-mian nu Farisi nomboamo mae hi Ia samian na boune anu tinokaan masala'. Aha nonsai boune aijo' tinuminjo i totonga',

SISIKON NU TO RASUL-RASUL 23:9

Jadi talalomo hondo na pinainggaga. To pia-piangkuka na mian nu Farisi anu tinimbalimo gulu' agama tinuminjomo ka' nonggagakon totu-totu'u. Aha notatae, “De mongala i pongka'oho' mami, mian aiya sangkiding pe'e madi' ko sala'nyo! Ugaat totu'u daagi' ko roh kabai malaikat anu notatae hi ia!”

SISIKON NU TO RASUL-RASUL 4:5

Dodododopnyo to tu'a-tu'anyo nu Mian Kopian nu Agama, to pola-polaya' nu Yahudi ka' to gulu-gulu' agama binala gombumo i Yerusalem.

SISIKON NU TO RASUL-RASUL 6:12

Sumo aitumo na aha monsale'i to mia-mian, ka' to pola-polaya' nu Yahudi, tiba to gulu-gulu' nu agama. Lantas aha nambamo nohakop i Stefanus, lapas aijo' binoa na ia mangadap hi Mian Kopian Daka' nu Agama.