MATIUS 2:19 - KITAB NU TUMPU ALLA LELE MA'IMAI'

¹⁹ Noko sinilaka na i Herodes, tempo'nyo i Yusuf daagi' i Mesir samian na malaikat nu Tumpu nanintoa mule' hi Yusuf i uno nu ipion.

MATIUS 2:19 ပူးပေါင်းရင်းမြစ်များ

MAZMUR 139:7

Moya na aku mamba da madi' nukona nu kuasa nu Belento? Moya na popalaianku da majo'on i ahop nu Belento?

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

YEHEZKIEL 11:16

Mokonyo aijo' poto'iakon na potuunon-Ku aiya hi to sanga-sangalu nu belemiu anu binoamo ka' pinojoongmo kiijo' mae, koonyo nu potuunon-Ku, Akumo na nomboa aha jo'o-jo'on hi aha bansa-bansa ka' nombagi-bagimo aha iwi-iwi na lipu' anu kiijo' mae. Panyo hau-haunyo kiijo' mae na aha Aku saja' ahi' montoa aha.

DANIEL 11:45

Ka' mule' ia mombaumo kemah nu kalaja'annyo i olot nu ambai tiba bungkutnyo tampat nu Laigan nu Tumpu. Panyo lapas aijo' silakamo ka' madi' ko anu salasamian pe'e na nontulungi ia.”

DANIEL 8:25

Kalana ia pande hondo na lewa' mongakali sahingga saja' jadi na anu nu kahanda'i. Ia montakabunakonmo butongnyo ka' madi' pilenje mompoto'i pe'e nu hopu'imo na mian manjoo' hondo. Ka' mule' ia baani hondo na mongewa Tomundo' Anu Daka' na Kuasanyo. Panyo ia saidi' mae ohansunimo mau madi' pilenje ko kahosonan nu mian.

MATIUS 1:20

Hau-haunyo i Yusuf mompopikilakon han aijo', ia nongipi. I uno nu ipionnyo aijo', ia nontoa samian na malaikat nu Tumpu anu notatae hi ia, “Yusuf, tulunan i Daud, boli mabuhuk monika'i Maria; sabab anak anu i uno nu ma'alumnyo aijo' kuasa nu Roh nu Tumpu.

MATIUS 2:20

Malaikat aijo' notatae, “To mia-mian anu mongka'oho' mompatei Anak aijo' sinilakamo. Kalana aitu bulamo, ala na Anak aijo' tiba tina-Nyo ka' pinsusule'mo mamba i Israel.”

MATIUS 2:22

Panyo lapas i Yusuf nohongo saba' i Arkelaus, anak mo'ane i Herodes nombolosakonmo tuumanyo tinimbali tomundo i tano' Yudea. Jadi i Yusuf nabuhukmo namba nokiijo'. Salatan ia nompaka humpakmo pokinde' nu Tumpu i uno nu ipion, ia nambamo nokiijo' i tano' nu Galilea.

MATIUS 27:19

Tempo'nyo aitu i Pilatus hau-haunyo sinumuhang i kulusi, anu pomputusian palakala, bengkele'nyo nompotuun potuunon sumo uuka hi ia, “Boli beleyum matigalo' i palakala hi mian anu madi' ko kosala'nyo aijo', sabab kalana Ia, aku kino ipion ma'idek sinaa aiya.”

SISIKON NU TO RASUL-RASUL 5:19

Panyo pihi-pihi, samian na malaikat nu Tumpu nombuka'i iwi-iwi' na tumban nu talungku', lantas nomboa to rasul-rasul aijo' nosabat. Malaikat aijo' notatae hi to rasul-rasul haha aijo',