MATIUS 2:16 - KITAB NU TUMPU ALLA LELE MA'IMAI'

¹⁶ Salatan sinumbu' i Herodes taalu' anu to pande-pande monsumbu' mandala' lengkat i sasu kabete'an aitu nongakalimo ia, ia pinusamo hondo. Lantas ia nompalentahkon anu mompatei iwi-iwi' to ana-anak mo'ane anu umunnyo i aluk nu ohua' na taun. I Betlehem ka' i anu mompaha ohani. Aijo' sosok tiba katalangan anu i humpaknyo lengkat hi anu to pande-pande monsumbu' mandala' aijo' kakona tempo'nyo mandala' aijo' kinantoaan.

MATIUS 2:16 ပူးပေါင်းရင်းမြစ်များ

KAJADIAN 39:14

ia nolagamo to posa-posaihonnyo ka' notatae, “Soba toa! Mian nu Ibrani anu binoa mae nu langkai'ku i laigan aiya, nongambangimo kita. Ia ninsoopmo i uno nu salipi'ku ka' mongka'oho'mo mompakisa aku, panyo aku noloboo'mo hoso-hoson.

KAJADIAN 39:17

Salatan langkai'nyo tinokamo nalia-lia' na ia nonsisik hi ia, pinoto'inyo, “Mian nu Ibrani anu binoa mae nu belento aijo', ninsoopmo i uno nu salipi' kahanda'mo mongambangi aku.

KAJADIAN 49:7

Mohumpak kutuk na tambuha' nu aha, kalana talalomo hondo. Mohumpak kutuk na pusa nu aha, anu tala-talalomo ahi' nombau han anu ma'idek. Ku ga'a-ga'atakonmo na aha hi songko-songko na Israel. Ku bagi-bagimo na aha hi songko-songko na bansa.

2 TOMU-TOMUNDO' 8:12

“Kadaka' belento Tuan i humangmo?” na koonyo i Hazael. “Kalana sinumbu'kumo na beleyum mombaumo kalakuan anu ma'idek hi mian nu Israel.” na koonyo i Elisa. “Beleyum mompapumo to kota-kota' nu aha anu ko bentengnyo, mompateimo mian anu ma'ima' toto oli-olitau, ka' montekok to bunga-bunga mea', ka' mombohak kompong nu to boboune anu hau-haunyo poboa.”

AYUB 12:4

Aku kinokojoanmo nu sangalu ka' mian anu mompahasumbu', yo aitu aku aiya hondo ahi' ka' madi' ahi' ko kasala'an. U'utu mae tinaaman nu Tumpu Allah na do'angku, de aku momoita tulung.

AMSAL 28:15

Mian anu ma'idek na kinyonyoanyo mongkuasai mian anu madi' ko apa-apaanyo. Sumomo singa anu molohu'mo kabai beruang anu mololoi'mo.

AMSAL 28:17

Samian na anu saja' mompatei mian, saja' nu oa'i ololoi' sampe ia silaka, madi' ko samian pe'e na moko ala montahan ia.

YESAYA 26:21

Mintatau'je mae na Tumpu lengkat mae aita' isuluga' kajo-kajojoongan-Nyo da mohukumo mian anu jojoong i dunia kalana dosa' nu aha. Aha mompatei aijo' madi' osumbu-sumbu' panyo sidi' mae osumbu'je ahi'. Tano' madi'mo daagi' montabuhi aha to mia-mian anu sinilaka pipinateanmo aijo'.

YESAYA 59:7

Belemiu saja' balatanga' mombau anu ma'idek ka' gagalan sampa obau. Madi' bata-bata na belemiu mompatei mian anu madi' ko sala'nyo. Mau moya na belemiu mamba, belemiu mompala'i anu singkapmo ma'idek tiba kasilaka'an.

DANIEL 3:13

Nohongo lele aijo' i tomundo' pinusamo hondo, lantas nompalentahmo da aha totototolu' na mian haha aijo' oboa mae mangadap hi ia.

HOSEA 10:14

jadi mian da'isan nu belemiu ko anumo mae mompahampateakon ka' iwi-iwi' na benteng nu belemiu hansunmo. Balu-balu'nyo sumomo tempo'nyo i Tomundo' Salman nono hansunimo kota' Bet-Arbel tempo'nyo aha nahampate, ka' nompateimo to tina-tina nu anak tiba to ana-anaknyo.

NOMBILANGMO 22:29

Tinaaman i Bileam, “Oko mombia-biangakonmo aku! De aku ko bajak, memang oko ku pateimo!”

NOMBILANGMO 24:10

Pinusamo na i Balak ka' nontangkakonmo pajagunnyo ka' notataemo hi Bileam, “Beleyum i lagangkumo mae da mongkutuki iwi-iwi' na anu monsampobali' mae aku, panyo aha ola mule' ahi' binalakatan nu beleyum sampe pinintolun.

MATIUS 2:1

I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

MATIUS 2:17

Sumo aijo' na tinimbali apaa na anu toho' tinaloakon i Nabi Yeremia, aijo'mo,

MATIUS 2:7

Salatan nohumpak katalangan aijo', i Herodes nolagamo hoko-hokot anu pande monsumbu' mandala' anu lengkat mae i sasu kabete'an. Lantas ia nompokilawa hi aha naipian na katantuannyo mandala' aijo' tinoa.

ANU PINOTO'I HI YOHANES 12:4

Ikunyo aijo' na pohela'nyo to manda-mandala' i langit o bagi totolu', sambahagian na nu hela' ka' nu alin mokaiyong i dunia. Ulo anu talalo hondo daka' aijo' tinuminjo hi ahop nu boune anu mongka'oho'mo mompohampe, aijo' kahanda'nyo da molonyomo anaknyo salatan ia hampemo.

ANU PINOTO'I HI YOHANES 17:6

Lantas tinoangkumo taalu' boune aijo' nalangumo nu baso' nu mian anu pinalesayamo hi Tumpu ka' baso' nu to mia-mian anu pinateanmo kalana tulu-tulutan hi Yesus. Salatan aku nontoamo boune aijo', aku kino banga-bangangmo.

TO MIA-MIAN KOPIAN 16:10

Lantas notataemo na i Delila hi Simson, “Ha, beleyum baleko'! Beleyum ola monggagau' aku. Sampa palia-lia', sisik mae hi belengku apaa na bau pompungu' beleyum!”