MATIUS 2:11 - KITAB NU TUMPU ALLA LELE MA'IMAI'

¹¹ Aha ninsoop i uno nu laigan aijo', ka' nontoa Anak aijo' tiba i Maria, tina-Nyo. Aha tinolodupu ka' nonsombah Anak aijo', lantas nombukai tampat halata' nu aha, ka' nonsombahkon hi ia mosoni', kamangian, ka' mur.

MATIUS 2:11 ပူးပေါင်းရင်းမြစ်များ

KAJADIAN 43:11

Lantas tuuma nu aha notataemo, “De memang tionyo ahi' sumo aijo'mo, yo boa na hasin anu talalo hondo ma'ima' i lipu' aiya o isi i uno nu kalung miu haha aijo' salaku palasen hi gubernur itina': Kismis, juu', lampa-lampa, bua' nu baya'u ka' bua' nu badam.

1 TOMU-TOMUNDO' 10:10

Lapas aijo' tomundo' boune nu lipu' Syeba nombe'eimo palasen hi Salomo anu binoanyo mae kila-kila 4.000 kilogram na mosoni' ka' suele batu nu mainan manjoo' hondo ka' manjoo'na lampa-lampa. Madi'mo daagi' toho' i Salomo nohumpak manjoo'na lampa-lampa anu sumo aijo' na konjoo'nyo susumo anu bine'eje nu tomundo' boune nu lipu' Syeba hi ia. (

1 TOMU-TOMUNDO' 10:2

Ia namba sinangaluan nu mian da'isan hondo, ka' unta pinaha posake'an manjo'ona lampa-lampa, to batu-batu nu mainan, ka' mosoni' manjoo' hondo. Salatan siningkabotmo tiba i Salomo, tomundo' boune aijo' soba sobamo nompokilawa iwi-iwi' na ngahannyo anu uutu i kinyonyoanyo.

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 45:8

Beleyum mongka'ima'i anu totu'u ka' mongka'ideki anu ma'idek; mokonyo aijo', Tumpu, Tumpu nu beleyum nompile'imo beleyum, ka' nompo ima'mo kantumuu'an nu beleyum ka' nolingkuduimo to tomu-tomundo' sangga'at.

MAZMUR 72:10

To tomu-tomundo' nu aha Tarsis ka' iwi-iwi' na togong momboamo hi ia palasombahan. To tomu-tomundo' nu aha Arab ka' Etiopia tokamo momboa mae pombayan hasin.

MAZMUR 72:15

Higahiakon na i tomundo salaku mian daka'! O'amalakon da nusombahkon mae nu aha Arab hi ia na mosoni'. O'amalakon da ia saja' odo'akon sansina-sinaa ka' mule' saja' mohumpak balakat.

MAZMUR 95:6

Imbo' da kita tolodadupu monsombah Ia, tolodadupu i ahop nu Tumpu, anu nompotimbali kita.

NOSABATMO 30:23

“Ala na to lampa-lampa anu ma'ima' hondo, anom na kilo na mur anu mingue, totolu na kilo na kayu manis, totolu' na kilo na tumba' anu manohong, ka' anom na kilo na kau' teja.

NOSABATMO 30:34

Tumpu notatae hi Musa, “Ala to pia-piangkuka na ngangahan nu lampa opokakanakon na konjoo'nyo, aijo'mo damak, kubangnyo nu tima, pulutnyo nu rasa mala ka' kamangian anu madi' ko galo'nyo.

NYANYIAN ANU TALASANGGO 3:6

Pa' aijo' anu tinoka lengkat i padang anu mateges; susumo tibuk nu apu anu butolu? Nohongnyo sumomo mur ka' kamangian, tiba iwi-iwi' na bada' anu manohong lengkat mae hi mian anu badagang.

YESAYA 60:6

Lipu' nu belemiu nu sihukimo nu unta manjoo' hondo aha nolengkat mae i Midian ka' Efa. Mian momboa ame mosoni' tiba kamangian lengkat mae i Syeba, lantas mompuji'mo palabuatan nu Tumpu.

IMAMAT 6:15

Ia tionyo ahi' mongala sangkakup na labu anu ma'ima' hondo tiba lanya' ka' iwi-iwi' na kamangian anu opalalui lantas opotunumo i mezbah salaku bau pontandai saba' iwi-iwi' na koloban aijo' sinombahkonmo hi Tumpu. Nohongnyo nu koloban aijo' momposanangmo kinyonyoa nu Tumpu.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

MATIUS 1:18

Sumo aiya na sisikon mongkona kinahampean i Yesus Kristus. Tina-Nyo i Maria nodohoi tiba i Yusuf. Panyo ma'isa pe'e aha binanika' inyata' i Maria pinoboamo. I Yusuf madi' nonsumbu' saba' i Maria pinoboamo kalana kuasa nu Roh nu Tumpu.

MATIUS 12:46

Hau-haunyo i Yesus daagi' notatae tiba mian da'isan, tinoka na tinanyo ka' to utu-utus-Nyo. Aha tinuminjo i sambiha'nyo ka' binala usaha da timbali basisik tiba Ia.

MATIUS 14:33

Sahingga anu saja' mombatuki Yesus tinolodupu ka' nonsombah Ia. Aha notatae, “Totu'u Tumpu Anak nu Tumpu!”

MATIUS 2:2

Aha nompokilawa iyayamae, “Iyamae na Anak aijo', anu i hampeakon da timbali Tomundo nu mian Yahudi? Tinoamo mami na mandala'-Nyo binete' i sasu kabete'an, ka' kami toka da monsombah Ia.”

LUKAS 2:16

Lia-lia' na aha namba, ka' nonsingkaboti i Maria tiba i Yusuf, tiba mule' bungamea' anu pinomale' i pompakanan domba.

LUKAS 2:38

Pas tempo' aitu mule' ia tinokamo, lantas nompuji'mo Tumpu Allah, ka' nonsisik Anak aijo' kona hi iwi-iwi' na mian anu montanda'i tempo'nyo Tumpu mompobebas Yerusalem.

YOHANES 19:39

I Nikodemus anu toho' tinoka u'utu mae hi Yesus pihi-pihi, namba suele hingga-hinggat tiba i Yusuf. I Nikodemus nomboa lampa-lampa te mur tiba gaharu – iwi-iwi' kila-kila tolumpulu' na kilogram na konjoo'nyo.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.

ANU PINOTO'I HI YOHANES 5:8

Hau-haunyo Anak nu Domba aijo' nombaumo sumo aijo', opa-opat na malaikat ka' uampulu' ka' opat na to pola-polaya' haha aijo' dinumaladupumo i ahopnyo. Aha toto samian montoongi kasapi ka' mangko' mosoni' anu ko isinyo kamangian, aijo'mo iwi-iwi' na do'a nu mian anu pinalesayamo hi Tumpu.

1 SAMUEL 10:27

Panyo to pia-piangkuka na mian anu ma'idek na kinyonyoanyo notatae, “Te kokaliangannyo mule' na mian aiya hi kita?” Aha madi' mongadati i Saul ka' madi' mombee'i palasen apa-apaa hi ia. Panyo ia mingadi-adi'au' aitu madi' nu sumbu'.