MATIUS 2:1 - KITAB NU TUMPU ALLA LELE MA'IMAI'

¹ I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

MATIUS 2:1 ပူးပေါင်းရင်းမြစ်များ

KAJADIAN 10:30

Daerah kajojoongan nu aha ingewamo lengkat mae i Mesa nokiijo' i Sefar, aijo'mo da'erah nu bungkutnyo sasu kabete'an.

KAJADIAN 25:6

tempo'nyo ia daagi' tutuu' ia nombee'imo palasen manjoo' hondo hi to ana-anak anu i humpaknyo hi to bengke-bengkele'nyo sangga'at. Lapas aijo' pinokaunyomo na to ana-anaknyo haha aijo' da molalinmo i da'erah sasu kabete'an Kana'an da matikojo'on hi Ishak anaknyo.

KAJADIAN 41:8

Subu-subu mae i tomundo madi'mo sinanang na kinyonyoa, kalana aijo' pinalentahnyomo da olaga mae iwi-iwi' na anu pande montili'i ipion ka' mian anu ko ilimu'nyo i Mesir. Lantas sinisiknyomo na ipionnyo hi aha, panyo madi' ko samian pe'e na noko ala nontalangkan poso'nyo.

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

1 TOMU-TOMUNDO' 4:30

I to lipu-lipu' isasu kabete'an ka' Mesir madi'mo ko mian anu pande molingkudui ia.

1 TAWARIKH 2:51

I Salma anaknyo anu ko ohua'nyo, iamo aijo' na nombau kota' Betlehem; ka' i Haref anaknyo anu ko totolu'nyo, iamo aijo' na nombau kota' Bet-Gader.

AYUB 1:3

Ka' mule' ia ko to posa-posaihon manjoo' hondo, 7.000 na domba, 3.000 na unta, 1.000 na sapi', ka' 500 na keledai. Osanggomo pe'e na mian aijo', ia mian anu kaya hondo anu jojoong i da'erah sasu kabete'an.

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MATIUS 1:25

Panyo ma'isa pe'e i Maria nohampeakon Anaknyo aijo', i Yusuf madi' nogalum tiba i Maria. Ka' salatan Anak aijo' i hampemo, i Yusuf nonsanggohi Ia i Yesus.

MATIUS 2:16

Salatan sinumbu' i Herodes taalu' anu to pande-pande monsumbu' mandala' lengkat i sasu kabete'an aitu nongakalimo ia, ia pinusamo hondo. Lantas ia nompalentahkon anu mompatei iwi-iwi' to ana-anak mo'ane anu umunnyo i aluk nu ohua' na taun. I Betlehem ka' i anu mompaha ohani. Aijo' sosok tiba katalangan anu i humpaknyo lengkat hi anu to pande-pande monsumbu' mandala' aijo' kakona tempo'nyo mandala' aijo' kinantoaan.

MATIUS 2:19

Noko sinilaka na i Herodes, tempo'nyo i Yusuf daagi' i Mesir samian na malaikat nu Tumpu nanintoa mule' hi Yusuf i uno nu ipion.

MATIUS 2:3

Salatan i Tomundo Herodes nohongomo han aijo', ia tinolokengkeng hondo, sumo aitu mule' iwi-iwi' na mian nu Yerusalem.

MATIUS 2:5

Aha nontaami, “I kota Betlehem i tano' Yudea. Kalana sumo uuka na tinulis nu samian na nabi,

MATIUS 2:7

Salatan nohumpak katalangan aijo', i Herodes nolagamo hoko-hokot anu pande monsumbu' mandala' anu lengkat mae i sasu kabete'an. Lantas ia nompokilawa hi aha naipian na katantuannyo mandala' aijo' tinoa.

LUKAS 1:5

Tempo'nyo i Herodes tinimbalimo tomundo lipu' nu Yudea, daagi' ko sa'angu' na imam sanggonyo i Zakharia. Ia ninsoop i kumpulan nu to ima-imam Abia. Sanggo nu bengkele'nyo i Elisabet, suele lee' nu imam.

LUKAS 2:11

Sinaa aiya i kota Daud i hampemo na Tomundo anu Momposalamat komiu, aijo'mo i Kristus, Tumpu.

LUKAS 2:15

Salatan mala-malaikat nompala'imo aha ka' ninsusule'mo i suluga', to pola-polaya' aijo' notatae hi samian ka' samian, “Imbo' da kita mamba i Betlehem montoa pa'apaa na anu tinimbalimo kiijo', anu pinoto'i nu Tumpu hi kita.”

YOHANES 7:42

I uno nu Kitab nu Tumpu tinulis, ‘Tomundo anu Momposalamat te lee' mae i Daud, ka' anu toka lengkat mae i Betlehem, aijo'mo kampung kajojoongan i Daud.’ ”

TO MIA-MIAN KOPIAN 17:7

Tempo'nyo aijo' suele daagi ko samian na olitau hi aha tulunan nu bansa Lewi. U'utu mae ia jinojoong i Betlehem i daerah nu aha Yehuda.