MATIUS 19:9 - KITAB NU TUMPU ALLA LELE MA'IMAI'

⁹ Jadi, hongo pe'e na aiya: Ihe na mongga'atakon bengkele'nyo – padahan boune aijo' madi' lale mata – lapas aijo' mo'osoa mule' tiba boune sangga'at, mian aijo' masala'.”

MATIUS 19:9 ပူးပေါင်းရင်းမြစ်များ

KAJADIAN 20:3

Daagi' kino sampahuan Tumpu Allah nanintoamo hi tomundo aijo' i uno nu ipion ka' notatae, “Beleyum silakamo, kalana ingalamo nu beleyum na boune aijo'; kalana ia ko langkai'nyomo.”

2 TAWARIKH 21:11

Ka' mule' ia nombaumo to pia-piangkuka na tampat ponsomban pilogot i da'erah anu i bungkutnyo nu Yehuda ka' nonsaduakonmo mian da'isan nu Yehuda ka' nonsaduakonmo mian da'isan nu Yehuda Yerusalem binaladosa'mo hi Tumpu.

YEREMIA 3:1

Tumpu notatae, “De samian na bengkele' gina'atakonmo nu langkai'nyo, lantas boune aijo' timbalimo bengkele' nu mian sangga'at, saba' langkai'nyo anu momona aijo' madi'mo timbali po ule' mongala bau bengkele'nyo kalana aijo' timbali mongidei lipu' aiya. Beleyum Israel nanjoo'mo hondo na sindua'an nu beleyum, kadaka' uuka aiya beleyum kahanda' mule' minsusule' mae hi beleng-Ku!

YEHEZKIEL 16:15

Panyo sinala'mo na beleyum nonggunakon butong nu beleyum anu sumo atina' na kohandanyo ka' mule' sanggo nu beleyum titinalasanggomo atina'. Yayamo na mo'ane anu motulu beleyum moduhusmo tiba ia.

YEHEZKIEL 16:29

Lantas beleyum tinimbalimo mian anu saja' masala' tiba aha mian nu Babel, bansa anu saja' badagang haha aijo'. Panyo aha suele madi' ahi' moko ala mompopa'osa beleyum.”

MATIUS 19:10

Sahingga anu saja' mombatuki Yesus notatae hi Ia, “De han po'osoan moto bengkele' sumo aijo', sahanyo bolimo mo'osoa.”

MATIUS 19:8

I Yesus nontaami, “I Musa mompoloas komiu mongga'atakon bengkele' miu, kalana komiu talalo susa' na o ajan. Panyo sabenannyo misa' sumo aitu na momonanyo.

MATIUS 5:32

Panyo uuka Aku motatae hi beleyum: De ihe na mongga'atakon bengkele'nyo, padahan boune aijo' madi' noteeba', monsaduakon bengkele'nyo aijo' masala', de bengkele'nyo mo'osoa mule'. Ka' ihe na mo'osoa tiba boune anu gina'atakon aijo' suele masala'.”

LUKAS 16:18

Ihe na mongga'atakon bengkele'nyo, ka' mo'osoa tiba boune sangga'at, mian aijo' masala'. Ka' mian anu mongosoai boune anu gina'atakonmo, masala' suele.”

1 KORINTUS 5:1

Aku sabenannyo nohumpakmo lele daagi' ko anu nonsisik, tukoonyo itina' hi komiu daagi' ko anu nombaumo anu mahenyu, anu talalomo hondo: Daagi' ko anu itina' hi komiu Utus anu nasala'mo tiba bengkele' nu tuumanyo te silabo'nyo. To mia-mian pe'e anu madi' monsumbu' Tumpu, madi'mo mombau sumo aijo'!

1 KORINTUS 7:39

Samian na boune anu mo'osoamo totoongmo hi langkai'nyo, de langkai'nyo daagi' tumuu'. De langkai'nyo silakamo, boune aijo' bebasmo na mo'osoa mule' tiba mian anu nuka'ima'i, asan po'osoan aijo' po'osoan nu Kristen.

1 KORINTUS 7:4

Bengkele' madi' moko ala mombau apa-apaa i posi butongnyo; anu moko ala mombau apa-apaa i butongnyo aijo'mo langkai'nyo. Sumo aitu mule' langkai' madi' moko ala mombau apa-apaa i posi butongnyo; anu moko ala mombau apa-apaa i butongnyo aijo'mo bengkele'nyo.