MATIUS 19:4 - KITAB NU TUMPU ALLA LELE MA'IMAI'

⁴ I Yesus nontaami, “Pa' komiu ma'isa nombasa' i uno nu Kitab nu Tumpu tukoonyo anu Nompojadi mian, momonanyo Nompotimbalimo aha mo'ane ka' boune?

MATIUS 19:4 ပူးပေါင်းရင်းမြစ်များ

KAJADIAN 1:27

Sumo aijo'mo na Tumpu nombau manusia ka' aha binau-Nyomo susumo butong-Nyo. Binau-Nyomo na aha mo'ane ka' boune.

KAJADIAN 2:18

Lantas Tumpu Allah notataemo, “Madi' ma'ima' na manusia tumuu' sausa'nyo. Ku-bauje na anu timbali sangalunyo anu mompahakona ka' montulungi ia.”

KAJADIAN 2:23

Sahingga notatae na manusia aijo', “Aiya ia, mian anu pokakana tiba aku – buku lengkat i bukungku, ka' antok lengkat i antok-ku. Ku sanggohimo na ia boune, kalana ia ingala lengkat i mo'ane.”

KAJADIAN 5:2

Binau-Nyomo na aha mo'ane ka' boune. Aha binalakatan-Nyomo ka' sinanggohan-Nyomo “Manusia”.)

2 TAWARIKH 24:3

I Yoyada nompile'iakonmo ua'aha na boune da bau bengkele' i Yoas, ka' aha nohumpakmo to ana-anak mo'ane ka' boune.

MALEAKHI 2:15

Temisa' Tumpu Anu olamo ahi' sa'a-sa'angu'nyo nompotimbalimo belemiu sa'a-sa'angu'nyo na butong, sa'a-sa'angu'nyo na santuu' tiba boune aijo'? Apaa na nu kahanda'i nu Tumpu i potatae aijo'? Madi' ko sangalasannyo alati'nyo da belemiu mohumpak to anak-anak anu timbali mian anu anu palesaya hi Tumpu anu sahondo-hondonyo ahi'. Jadi ojagai ahi' na butong nu belemiu, da boli ko anu atina' hi belemiu na madi' mompalakai bengkele'nyo.

MATIUS 12:3

I Yesus nontaami, “Te ma'isa toho' komiu nombasa' mongkona apaa na anu binau i Daud tempo'nyo ia ka' to mia-miannyo no'ohop?

MATIUS 21:42

Saba' i Yesus notatae hi aha, “Ma'isa toho' komiu nombasa' anu tinulis i uno nu Kitab nu Tumpu? ‘Batu anu madi' opake nu tukang bangunan tinimbalimo batu anu talalo o palalui. Sumo aijo' na palabuatan nu Tumpu; palias na ko ima'nyo!’ ”

MATIUS 21:6

Lapas aijo' ua'aha na anu saja' mombatuki Ia ka' nombaumo sumo anu pinotuunakon i Yesus hi aha.

MATIUS 22:31

Ma'isa toho' komiu nombasa' apaa na anu tinaeakonmo nu Tumpu Allah mongkona mian mate po'ule' opotumuu'? Tumpu notatae,

MARKUS 12:10

Komiu tantu nombasa'mo ayat aiya i uno nu Kitab nu Tumpu Allah, ‘Batu anu madi' opake nu anu mombau bangunan tinimbalimo batu anu talalo opalalui.

MARKUS 12:26

Ka' mongkona mian silaka po'ule' opotumuu', pa' ma'isa toho' nombasa' i uno nu kitab i Musa mongkona kumbung anu i noak aijo'? I uno nu to ayat-ayat aijo' tinulis saba' Tumpu notatae hi Musa, ‘Akumo na Tumpu i Abraham, Tumpu i Ishak, ka' Tumpu i Yakub.’

MARKUS 2:25

I Yesus nontaami, “Ma'isa toho' komiu nombasa', apaa na anu binau i Daud, tempo'nyo i Abyatar hau-haunyo nokalaja tinimbali imam daka'. Tempo'nyo i Daud ka' to mia-miannyo no'ohop, ka' madi' ko anu okaan, ia ninsoop i Laigan nu Tumpu Allah, ka' nongkaan roti anu sinombahkonmo hi Tumpu. Ka' roti aijo' binee'nyo hi to mia-miannyo. Padahan de koonyo nu agamanto, ola to ima-imam na timbali mongkaan roti aijo'.”

LUKAS 10:26

I Yesus nontaami, “Apaa na anu tinulismo i uno nu Kitab nu Tumpu? Mosia na pikilanum mongkona han aijo'?”

LUKAS 6:3

I Yesus nontaami, “Ma'isa toho' komiu nombasa' mongkona anu binau i Daud, tempo'nyo ia ka' to mia-miannyo no'ohop?