MATIUS 19:28 - KITAB NU TUMPU ALLA LELE MA'IMAI'

²⁸ I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

MATIUS 19:28 ပူးပေါင်းရင်းမြစ်များ

1 TOMU-TOMUNDO' 18:31

Ia nongala sampulu' ka' ohua' na batu, toto sa'angu' na batu mowakini sa'angu' na lee' mae i Yakub, aijo'mo mian anu sinanggohanmo nu Tumpu Israel.

2 TAWARIKH 9:19

I puusnyo nu kowi ka' puusnyo nu koanan toto sa'angu' na langku-langku' i ojan nu kadela aijo' ko patongnyo singa – iwi-iwi' sampulu' ka' ohua'. Madi' ko kadela anu sumo aijo' i kalaja'an sangga'at maumo pa' iya mae.

EZRA 6:17

I lamean aijo' aha nonsombahkonmo hi Tumpu 100 na sapi' lakinyo, 200 na domba lakinyo ka' 400 na anak nu domba. Bau koloban pongampuni dosa' sinombahkonmo sampulu' ka' ohua' na mee' lakinyo, anu tinanggungkan mae hi aha totosa'angu' natulunan nu bangsa Israel sa'angu'na mee' lakinyo.

NOSABATMO 15:27

Lapas aijo' aha tinokamo i tampat sanggonyo Elim. Ikiijo' daagi' ko mata nu uee sampulu' ka' ohua', ka' kau' korma pitumpulu' na pu'unnyo. Aha nombaumo kemah koko uee aijo'.

NOSABATMO 24:4

Lapas aijo' i Musa nontulismo iwi-iwi' na palentah nu Tumpu. Dodododopnyo subu-subu pinotinjonyomo na mezbah sa'angu' tiba sampulu' ka' ohua' na batu i tengke nu bungkutnyo aijo'; toto sa'angu' na batu mowakini sala'sa'angu' na bansa Israel.

NOSABATMO 28:21

Toto sa'angu' na mainan aijo' tionyo ahi' otulisi sala'sa'angu' na sanggo nu anak i Yakub anu sampulu' ka' ohua' salaku tanda da boli okolilimi na tulunan nu bansa Israel.

YESAYA 65:17

Tumpu notatae, “Aku mombaumo langit anu obauje mule' ka' dunia suele anu obauje mule'. Anu binaumo momona okolilimimo, ka' madi'mo daagi' o'inau'.

YESAYA 66:22

Susumo langit anu salaje binau tiba tano' anu salaje binau satataapnyo madi' ko kamingkotannyo kalana kuasang-Ku, sumo aijo' mule' na lee' nu beleyum tiba sanggo nu beleyum satataapnyo madi' ko kamingkotannyo.

IMAMAT 24:5

O'ala sampulu' ka' ohua' na kilogram na labu anu ma'ima' hondo ka' baumo sampulu' ka' ohua' na roti anu timpodon, toto sa'angu', sa'angu' na kilogram na labu'anu obau.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 19:27

Lantas i Petrus notatae, “Toamo, kami nompala'imo iwi-iwi' apaa da mombatukimo Kita Tuuma. Ka' apaa na anu otalimaje mami?”

MATIUS 20:21

“Kita Tina, mongka'oho' apaa?” pinokilawa i Yesus. Bengkele' i Zebedeus aijo' nontaami, “Aku mongkahanda'i ohua' na anakku aiya, sumuhang i kowi ka' koanan nu Kita Tuuma, de Kita Tuuma saidi' mae timbali Tomundo mule'.”

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

MATIUS 8:20

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

MARKUS 10:37

Tinaaman nu aha, “Kami mongka'oho' sumuhang i koanan ka' i kowi nu kita Tuuma, de kita Tuuma sumuhangmo i kasuhangan anu talalo opopodaka'.”

SISIKON NU TO RASUL-RASUL 3:21

Ia tionyo jojoong i suluga' sampe Tumpu mompotimbalimo iwi-iwi' bu'ou sumo anu tinaloakonmo nu Tumpu hi to nabi-nabi-Nyo, anu pinotokanyo hi komiu daagi' pe'e u'utu mae.

2 TIMOTIUS 2:12

De kita tataap sabaan, kita mompalentahje suele tiba Ia. De kita madi'mo mongakui Ia, Ia suele madi'mo mongakui kita.

YOSUA 3:12

Uuka aiya pompile'imo na belemiu sampulu' ka' ohua' na mian toto samian anu o ala hi tulunan nu bansa Israel.

2 PETRUS 3:13

Panyo kita montanda'imo apaa na anu jinanji'mo nu Tumpu Allah, aijo'mo langit anu bu'ou ka' tano' anu bu'ou, anu daagi'mo ko ka'adilan-Nyo.

ANU PINOTO'I HI YOHANES 11:16

Sahingga ua-uampulu' ka' opat na polaya' anu suha-suhang i kasuhangan nu aha i ahop nu Tumpu, dinumaladupumo ka' nonsombahmo Tumpu.

ANU PINOTO'I HI YOHANES 12:1

Lantas tinoa i langit na apa-apaa anu okabangangi ka' anu opalias hondo. Samian na boune anu nompusokmo batu nu sinaa salaku baju'nyo, hau-haunyo tinjo-tinjo aita' i bitu'on. I ubaknyo daagi' ko sa'angu' na makota, sampulu' ka' ohua' na mandala' na binau.

ANU PINOTO'I HI YOHANES 20:4

Lantas tinoangkumo na to kasu-kasuhangan, ka' to mia-mian anu sinumuhang i to kasu-kasuhangan haha aijo' binee'anmo kuasa da momputusi hukuman. Aku nontoa suele santuu' nu to mia-mian anu kinolongmo na ubaknyo kalana aha nompototu'umo i Yesus, ka' nompolelemo potuunon lengkat mae hi Tumpu. Mian haha aijo' madi' monsombah binatang kabai patongnyo. Aha mule' madi' toho' nontalima tanda nu binatang aijo' i siakan kabai i lima nu aha. Sahingga aha po'ule'mo tinumuu' ka' po'ule'mo nompalentah salaku tomundo tiba i Kristus kopinnyo samadala na taun.

ANU PINOTO'I HI YOHANES 21:5

Lantas Ia anu sinumuhang aita' i kasuhangan aijo' notataemo, “Tempo' uuka Aku mompotimbalimo iwi-iwi' bu'ou!” Ia notatae mule' hi belengku, “Tulismo na aiya, kalana potatae haha aiya totu'u ka' timbali opalesaya.”

ANU PINOTO'I HI YOHANES 22:2

i totonga' nu jalan i kota aijo'. I sonibi nu kaunyo aijo', poti-potimbiha'nyo daagi' ko kau' pinolengkatan mae nu kantumuu'an, anu mimbua' pinsampulu' ka' ohua' sataun, aijo'mo minsan sambitu'on. Honnyo o'ala bau pakuli' pompa'alin sakit nu to bansa-bansa.

ANU PINOTO'I HI YOHANES 22:5

Aha madi'mo mompalalui sulu' kabai jingka nu batu nu sinaa, kalana madi'mo daagi' pihi, ka' Tumpuje na monjingkai aha. Sahingga aha saidi' mae mompalentahmo susumo tomundo sampe toka sidu-sidutu'.

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.

ANU PINOTO'I HI YOHANES 4:4

Anu montikubi kasuhangan aijo', uampulu' ka' opat na kasuhangan sangga'at. I kiijo' sinumuhang aha uampulu' ka' opat na to pola-polaya' anu nibaju'mo mopute', ka' nompakemo makota mosoni'.

ANU PINOTO'I HI YOHANES 7:4

Lantas pinoto'imo mae hi belengku tukoonyo konjoo'nyo 144.000 na mian anu binee'anmo tanda segen lengkat mae hi Tumpu i siakan nu aha. Mian haha aijo' ingala i anu sampulu' ka' ohua' na tulunan nu bansa Israel;