MATIUS 19:21 - KITAB NU TUMPU ALLA LELE MA'IMAI'

²¹ I Yesus notatae hi ia, “De beleyum mongkahanda'i da timbali mian anu madi' kokasala'annyo, lako' pobaluk iwi-iwi' na halata'um. Bee' na doinyo hi mian anu kasiasi, ka' beleyum mohumpakje halata' anu i suluga'. Lapas aijo', tokajemae mombatuki Aku!”

MATIUS 19:21 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

KAJADIAN 6:9

Aiya na sisikon mongkona i Nuh. Ia kino anak mo'ane aha totolu', aitumo, i Sem, i Ham, ka i Yafet. I Nuh madi' nombau kasala'an ka' ola sa'a-sa'angu'nyomo ia na mian anu ma'ima' na kinyonyoanyo tempo'nyo aitu. Kantumuu'annyo mompaha kona hondo tiba Tumpu Allah.

AYUB 1:1

I tano' Us daagi' ko samian na mo'ane anu jinojoong sanggonyo i Ayub. Ia nonsombah Tumpu Allah ka' montuluti hondo Ia. Ia mian anu ma'ima' hondo na kinyonyoanyo ka' madi' hondo lewa' mombau anu ma'idek.

MAZMUR 37:37

Palahatikan na mian anu ma'ima' na kinyonyoanyo tiba anu hodi' na kinyonyoanyo; mian anu mongka'ima'i paladamean ko ka'ima'an nu humpak aiya mae i ahop.

MATIUS 16:24

Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

MATIUS 19:20

“Iwi-iwi' na palentah aijo' binatukankumo,” tinaaman nu mian olitau aijo'. “Apaa mule' na anu opalalui?”

MATIUS 19:22

Nohongo potatae aijo', olitau aijo' namba ka' sinusa' na kinyonyoa, kalana ia talalo kaya.

MATIUS 19:28

I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

MATIUS 4:19

I Yesus notatae hi aha, “Imbo' batuki na Aku. Aku mongajanmo komiu mombuani' mian.”

MATIUS 5:48

Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

MATIUS 8:22

Panyo i Yesus nontaami, “Batuki na Aku, ka' pojohokmo na mian anu sinilakamo molamun miannyo anu sinilakamo.”

MATIUS 9:9

Lapas aijo' i Yesus nompala'imo tampat aijo'. Hau-haunyo i lumajang, Ia nontoa samian topo tagi hasin, sanggonyo i Matius, hau-haunyo suha-suhang i kanton nu anu montage hasin. I Yesus notatae hi ia, “Imbo' batuk mae na Aku!” I Matius tinuminjo ka' nombatuki Yesus.

MARKUS 10:21

I Yesus noliibosmo na nontoa mian aijo' lantas notatae, “Me sa'angu' na han mule' anu daagi' opalalui nu beleyum. Lako'mo pobaluk iwi-iwi' na halata'um; bee' na doinyo hi mian anu kasiasi, ka' beleyum mohumpakje halata' i suluga'. Lapas aijo' tokaje mae mombatuki Aku.”

MARKUS 2:14

Hau-haunyo i Yesus i lumajang nokiijo', Ia nontoa samian na anu saja' montage hasin, sanggonyo i Lewi, anak i Alfeus, hau-haunyo suha-suhang i Kanton nu Hasin “Batukimo na aku”, koonyo i Yesus hi ia. Sahingga i Lewi tinuminjo ka' nombatuki Yesus.

MARKUS 8:34

Lapas aijo' i Yesus nolaga mian da'isan anu daagi' i kiijo' tiba anu saja' mombatuki Ia. Lantas Ia notatae hi aha, “Mian anu mongka'oho' mombatuki Aku, tionyo mongkolilimi posi kapalaluannyo, lapas aijo' monsimbuje salibnyo, ka' lau-laus mombatuki Aku.

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 14:33

Kahimpusannyo, i Yesus notatae, “Sumo aitu mule' na komiu. Madi' ko samian pe'e atina' hi komiu timbali mombatuki Aku, de ia madi' mongkulubanakon iwi-iwi na apaa.”

LUKAS 16:9

Lantas i Yesus po'ule' notatae, tukoo-Nyo, “Hongo! Pakemo na kakaya'an nu dunia aiya da mohumpak sangalu, da de kakaya'an nu dunia aiya madi'mo ko olinyo, komiu otalimaje i tampat kajojoongan anu sidu-sidutu'.

LUKAS 18:22

Nohongo aijo', i Yesus notatae, “Daagi' ko sa'angu' na han na anu tionyo nu bau: Pobaluk na anu iwi-iwi' hi beleyum, bee' hi mian kasiasi na doinyo, mohumpakje halata' i suluga' na beleyum. Lapas aijo' tokaje mae mombatuki Aku.”

LUKAS 5:27

Lapas aijo' i Yesus nosabat ka' nontoa samian anu topo tage hasin sanggonyo i Lewi, hau-haunyo suha-suhang i kantonnyo. I Yesus notatae hi ia, “Batuki na Aku.”

LUKAS 6:40

Madi' ko mulit anu molingkudui gulu'nyo. Panyo mulit anu binala gulu'mo pokakanamo sumo gulu'nyo.

LUKAS 9:23

Lapas aitu, i Yesus notatae hi mian iwi-iwi' anu daagi' i kiijo', “Mian anu mongka'oho' mombatuki Aku, tionyo mongkolilimi anu nu posi palalui, monsimbu salib sansina-sinaa, ka' saja' mombatuki Aku.

YOHANES 10:27

Domba-dombang-Ku mohongo potataeng-Ku. Aku monsumbu' aha, ka' aha nombatukimo Aku.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

SISIKON NU TO RASUL-RASUL 2:45

Aha nompobaluk to bala-balang ka' halata' nu aha, lantas obagi-bagimo nu aha na doinyo aijo' iwi-iwi', otoa i kapalaluan nu aha toto samian.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.