MATIUS 19:19 - KITAB NU TUMPU ALLA LELE MA'IMAI'

¹⁹ o adati na tuumaum ka' tinaum; ka' okalibosi na sangko mian sumo beleyum mongkalibosi posi butongum.”

MATIUS 19:19 ပူးပေါင်းရင်းမြစ်များ

NOSABATMO 20:12

O adati na tuuma ka' tina nu belemiu da belemiu mohumpak ka'ima'an ka' mantan nu umun i lipu' anu Ku bee' hi belemiu.

AMSAL 30:17

Mian anu lewa' mongalu tuumanyo kabai tinanyo anu i langkai'mo ka' binengkele'mo, pantasmo ahi' na o'alin i sambiha'nyo da matanyo nu tungkugi nu papaa' ka' bangke'nyo nu kaanmo nu bonyia'.

IMAMAT 19:18

Boli mombalosi kasala'an nu mian ka' boli mongka'ideki mian sangga'at, panyo kanonongi na sangko mian susumo belemiu mongkanonongi posi butong nu belemiu! Akumo na Tumpu.

IMAMAT 19:3

Toto samian tionyo ahi' mongadati tuuma ka' tinanyo ka' molame'akon sinaa nu Sabat susumo anu pinalentahkon-Kumo. Akumo na Tumpu Allah nu belemiu.

MATIUS 19:20

“Iwi-iwi' na palentah aijo' binatukankumo,” tinaaman nu mian olitau aijo'. “Apaa mule' na anu opalalui?”

MATIUS 22:39

Palentah anu ko'ohua'nyo pokakanamo tiba anu i moona aijo'. Kalibosi na bubuu' komiu, sumomo beleyum mongkalibosi posi butongum.

MATIUS 5:43

“Komiu monsumbu' saba' daagi' mule' ko ajalan sumo uuka: Kanonongi na to sanga-sangaluyum, ka' oka'ideki na to sampo-sampo bali'um.

LUKAS 10:27

Mian aijo' nontaami, “ ‘Kalibosi na Tumpu-Um nu kinyonyoaum iwi-iwi', ka' totu-totu'u na santuu'um, ka' kahosonanum, tiba iwi-iwi' na kapandeanum,’ tiba ‘Kalibosi na sangko kita mian, sumo beleyum mongkalibosi posi butongum.’ ”

ROMA 13:9

Kalana atulan nu agama Yahudi, aijo'mo: Boli masala', boli mompatei, boli mombuling, boli mongkamilui anu nu mian; iwi-iwi' aijo' naninggalumo tiba to atu-atulan sangga'at, kinodo'anmo sahingga pinosa'angu'mo na atulan, aijo'mo, “Kalibosi na sangko mian sumo beleyum mongkalibosi posi butongum.”

GALATIA 5:14

Iwi-iwi' na atulan nu agama pinosa'angu'mo i uno nu palentah anu sa'a-sa'angu'nyomo aiya, “Tionyo beleyum mongkalibosi sangko manusia susumo beleyum mongkalibosi posi butongum.”

PO'ULE' INGULIT 5:16

O'adati ka' opalakai na tuuma ka' tina nu belemiu, aijo'mo na palentah-ngKu, Tumpu Allah nu belemiu, da belemiu mohumpak ka'ima'an ka' mantan na umun i lipu' anu Ku bee'mo hi belemiu.

YAKOBUS 2:8

Komiu nombaumo anu totu'u, de komiu nontulutimo atulan nu Kalaja'an anu tuli-tulis i uno nu ayat nu Kitab nu Tumpu aiya, “Okalibosi na sangko mian, sumo komiu mongkalibosi posi butong miu.”