MATIUS 19:14 - KITAB NU TUMPU ALLA LELE MA'IMAI'

¹⁴ Sahingga i Yesus notatae hi anu saja' mombatuki Ia, “Bakas na to ana-anak aijo' toka hi beleng-Ku! Boli montewa' aha, kalana to mia-mian anu susumo aiya na timbali mian anu palesayamo hi Tumpu.”

MATIUS 19:14 ပူးပေါင်းရင်းမြစ်များ

KAJADIAN 21:4

ka' salatan i Ishak umunnyo uwalunsinaamo, sinunatmo i Abraham susumo anu pinalentahkonmo nu Tumpu Allah.

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

MATIUS 18:3

Lantas i Yesus notatae, “Palesayamo! Ola ahi' de komiu mongabali' ka' timbali susumo to ana-anak, komiu timbali minsoop mian anu palesayamo hi Tumpu.

MATIUS 19:15

Lantas i Yesus nompotudu lima-Nyo i buan nu ubak nu to ana-anak aijo', ka' binalakatannyo na aha. Lapas aitu Ia nambamo lengkat i kiijo'.

MATIUS 5:10

Bila-bilahi na mian anu mongoa'i ponsakisa kalana mombau kahanda' nu Tumpu; aha minsoopmo mian anu palesayamo hi Tumpu!

MATIUS 5:3

“Bila-bilahi na mian anu mongoa'i madi' moko ala, ka' ola montaha'imani Tumpu samata-mata; aha ninsoopmo mian anu palesayamo hi Tumpu!

MARKUS 10:14

Montoa han aijo', i Yesus pinusa lantas Ia notatae hi anu saja' mombatuki Ia, “Pojohok da to ana-anak aijo' toka hi beleng-Ku! Boli montewa' aha, kalana to mia-mian anu susumo aiya na timbali minsoop mian anu palesayamo hi Tumpu.

MARKUS 10:15

Inau'mo na aiya! Ihena madi' mangadap hi Tumpu sumo samian na anak, madi' timbali minsoop mian anu palesayamo hi Tumpu.”

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

TO MIA-MIAN KOPIAN 13:7

Panyo ia notataemo tukoonyo aku poboamo ka' mohumpakmo samian na anak mo'ane. Ia mule' notatae tukoonyo aku madi' timbali monginum anggur kabai anu moko palangu, kabai mongkaan apa-apaa anu madi' toho' okaan, kalana anak aijo' tionyo ahi' o bee' hi Tumpu Allah da timbali mian anu mombau apaa na anu nupalentahkon nu Tumpu i uno nu kantumuu'annyo.”

1 SAMUEL 1:11

Lapas aijo' i Hana nonjanji'mo, ia notatae, “O Tumpu Anu Daka'na kuasanyo, toakon mae na posaihon nu belento aiya! Toakon mae na kasusa'anku aiya. Inau'akon mae na aku ka' boli mae okolilimi na aku! De belento Tumpu mombee'i mae hi belengku aiya samian na anak mo'ane, aku mojanji ku bee'je na anak aijo' hi belento Tumpu na kantumuu'annyo sidu-sidutu'. Aku mojanji' mule' da ubaknyo madi' timbali ogunting.”

1 SAMUEL 1:22

Panyo tempo'nyo aijo' i Hana madi'mo nombatuki. Ia notatae hi langkai'nyo, “Tanda'i pe'e da ia madi'mo monsusu, i Samuel ku boaje i Laigan nu Tumpu, ka' ia jojoongmo kiijo' mae sidu-sidutu'.”

1 SAMUEL 1:24

Salatan i Samuel madi'mo nonsusu ia binoamo nu tinanyo i Laigan nu Tumpu kiijo' mae i Silo. Tempo'nyo aitu ia daagi ise'hondo. I Hana nomboa suele sa'angu' na sapi' lakinyo anu totolu'mo na taun na umunnyo, gandum sampulu' na kilogram, ka' sa'angu' na botutu kilit na binau anu ingisianmo pinobuke nu anggur.

1 SAMUEL 2:18

Hau-haunyo aijo' i Samuel anu daagi anak aijo' saja'mo nokalaja apaa na anu nu palentahkon nu Tumpu. Ia nompusokmo baju' anu opake mokalaja, lenan na kina'ut susumo baju anu nu pusok nu to ima-imam de aha monsombahmo Tumpu.