MATIUS 19:13 - KITAB NU TUMPU ALLA LELE MA'IMAI'

¹³ Daagi' ko to mia-mian anu nomboa to ana-anak hi Yesus da Ia mompotudu lima-Nyo i buan nu ubak nu aha, ka' mondo'akon aha. Panyo anu saja' mombatuki Yesus nontambuha'i to mia-mian aijo'.

MATIUS 19:13 ပူးပေါင်းရင်းမြစ်များ

KAJADIAN 48:1

Madi' pinin ilapas na aijo' pinolelemo hi Yusuf na tuumanyo, sakitnyo naboatmo. Jadi nambamo na ia tiba ua-ua aha na anaknyo, aitumo i Manasye ka' i Efraim da mamba montoa i Yakub.

YEREMIA 32:39

Ku bee'imo na aha tujuan nu kantumuu'an samata-mata ola sa'angu': aijo'mo, moholomati mae Aku sampe toka sidu-sidutu'; han aijo' na mombee'i ka'ima'an nu kantumuu'an nu aha, ka' suele kona hi lee' nu aha.

MATIUS 16:22

Lantas i Petrus nohambet i Yesus i sohipi' ka' nontaloakon Ia, tukoonyo, “Bisa-bisa' Tumpu mompojo'onakon han aijo', Tumpu! Boli sampe han aijo' timbali hi Tumpu!”

MATIUS 19:12

Kalana daagi' ko mian anu madi' timbali mo'osoa, kalana aha memang pinohampe sumo aijo'. Daagi' suele ko anu madi' timbali mo'osoa, saba' ia binaumo nu mian sangga'at sumo aijo'. Ka' daagi' mule' ko anu mosi pile'i da madi' mo'osoa, da timbali mompojalan palentah nu Tumpu. Mian anu moko ala montalima pangajalan aiya, bakas da ia montalima.”

MATIUS 20:31

Mian da'isan anu daagi' i kiijo' nontambuha'i aha, ka' nontewa'aha pomohokot. Panyo aha noloboo' nompaka pantiilan, “Kita Tuan, Anak i Daud, kalibosi mae na kami!”

SISIKON NU TO RASUL-RASUL 2:39

Kalana anu jinanji'mo nu Tumpu aijo' bau bagi miu tiba lee' miu, tiba bau bagi nu to mia-mian anu daagi' kiijo' mae i tampat-tampat anu majo'on – aijo'mo iwi-iwi' na mian anu i laga nu Tumpu Tumpunto da toka hi Ia.”

1 KORINTUS 7:14

Kalana langkai' anu madi' palesaya opobee' timbali mian palesayamo hi Tumpu, kalana po'osoannyo tiba bengkele'nyo anu tinimbalimo, mian anu pinalesayamo hi Tumpu. Sumo aitu mule' bengkele' anu madi' palesaya, opobee' timbali mian anu palesayamo hi Tumpu, kalana po'osoannyo tiba langkai'nyo anu tinimbalimo, mian anu pinalesayamo hi Tumpu. De madi' sumo aijo', to ana-anak nu aha tantu sumo to ana-anak nu mian daagi' halipulu, padahan to ana-anak haha aijo' sumo-sumomo mian anu palesayamo hi Tumpu.

1 SAMUEL 1:24

Salatan i Samuel madi'mo nonsusu ia binoamo nu tinanyo i Laigan nu Tumpu kiijo' mae i Silo. Tempo'nyo aitu ia daagi ise'hondo. I Hana nomboa suele sa'angu' na sapi' lakinyo anu totolu'mo na taun na umunnyo, gandum sampulu' na kilogram, ka' sa'angu' na botutu kilit na binau anu ingisianmo pinobuke nu anggur.