MATIUS 19:12 - KITAB NU TUMPU ALLA LELE MA'IMAI'

¹² Kalana daagi' ko mian anu madi' timbali mo'osoa, kalana aha memang pinohampe sumo aijo'. Daagi' suele ko anu madi' timbali mo'osoa, saba' ia binaumo nu mian sangga'at sumo aijo'. Ka' daagi' mule' ko anu mosi pile'i da madi' mo'osoa, da timbali mompojalan palentah nu Tumpu. Mian anu moko ala montalima pangajalan aiya, bakas da ia montalima.”

MATIUS 19:12 ပူးပေါင်းရင်းမြစ်များ

YESAYA 39:7

Mompolee' nu beleyum daagi' ko anu o, ala ka' ohangkatmo bau pagawe da mokalaja ilaigan nu tomundo' da mombau apaa na anu nu pokauhakon nu tomundo' Babel.’ ”

MATIUS 19:11

I Yesus nontaami, “Madi' iwi-iwi' na mian timbali montalima potatae aiya, ola to mia-mian anu tinantukanmo nu Tumpu.

MATIUS 19:13

Daagi' ko to mia-mian anu nomboa to ana-anak hi Yesus da Ia mompotudu lima-Nyo i buan nu ubak nu aha, ka' mondo'akon aha. Panyo anu saja' mombatuki Yesus nontambuha'i to mia-mian aijo'.

1 KORINTUS 9:15

Panyo ma'isa toho' aku nompake hak haha aijo' mau pe'e sangahan. Ka' aku nontulis sulat aiya misa' mule' ko kahanda' da anu haha aijo' obee'mo uuka hi belengku. Lebe ma'ima' aku silaka ka' de mule' ola talabakas na anu ku kabubuulakon aijo'.

1 KORINTUS 9:5

Te aku madi' ko hak momboa samian na bengkele' Kristen mojajalan tiba aku, momoya susumo anu binaumo nu to Utu-utus i Tumpu Yesus ka' to rasul-rasul sangga'atannyo, sagala i Petrus?

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.