MATIUS 18:5 - KITAB NU TUMPU ALLA LELE MA'IMAI'

⁵ Ka' mian anu montalima anak anu sumo aiya kalana Aku, bala alati' montalima Aku.”

MATIUS 18:5 ပူးပေါင်းရင်းမြစ်များ

MATIUS 18:4

Mian anu mompota'aluk butongnyo ka' timbali susumo anak aiya, iamo na anu talalo daka' hi mian anu palesayamo hi Tumpu Allah.

MATIUS 18:6

“Ihe na anu monsaduakon sala'samian na to mia-mian anu ise' aiya madi'mo palesaya hi beleng-Ku, lebe ma'ima' de batu ponggilingnyo o popuut i bokoko'nyo ka' ia o tua i ambai anu maleeng.

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

MATIUS 25:45

Tomundo aijo' nontaami, ‘Da osumbu'mo: de komiu madi' ka'oho' montulungi, sala'samian anu talalo kanteles aiya, alati'nyo komiu madi' mongka'oho' montulungi Aku.’

MATIUS 7:8

Kalana mian anu momoita tionyo montalima; mian anu molio tionyo mohumpak; ka' mian anu mongkutetek tionyo o tuhea'akon na pontumban.

MARKUS 9:37

“Mian anu montalima samian na anak sumo aiya kalana Aku, alati'nyo montalima Aku. Ka' mian anu montalima Aku, ia misa' ola montalima Aku, panyo montalima suele Ia anu nonsai Aku.”

MARKUS 9:41

Inau'mo! Mian anu mombee'i monginum hi komiu, kalana komiu mombatuki Tomundo anu Momposalamat, ia tantu montalimaje tamboonyo.”

LUKAS 9:48

Lantas Ia notatae hi anu saja' mombatuki Ia, “Mian anu montalima anak aiya kalana Aku, alati'nyo ia montalimamo Aku. Ka' mian anu montalima Aku, montalimamo Ia anu nonsai mae Aku. Sabab mian anu talalo ise' i totonga' miu, iamo na anu talalo daka'!”

YOHANES 13:20

Totu-totu'u hondo na potataeng-Ku aiya: Ihena montalima mian anu Kusa-kusai, montalima Aku. Ka' ihe na montalima Aku, montalima Ia anu nonsai mae Aku.”

GALATIA 4:14

Tempo'nyo aitu komiu madi' nongkahumimi'i aku, maumo ka'ada'an nu butongku sumomo salaku bau ponsobai anu talalomo hondo hi komiu. Komiu ola ahi' nontalimamo aku sumo montalimamo malaikat nu Tumpu kabai sumo nontalimamo i Kristus Yesus.