26 Posaihon aijo' nonsombah i ahop nu tomundo aijo', ka' nompoita, ‘Kita Tuan, ampuniakon pe'e mae na posaihonto. Posaihonto mompolunasje iwi-iwi' na samaya'.’
Aha ninsoop i uno nu laigan aijo', ka' nontoa Anak aijo' tiba i Maria, tina-Nyo. Aha tinolodupu ka' nonsombah Anak aijo', lantas nombukai tampat halata' nu aha, ka' nonsombahkon hi ia mosoni', kamangian, ka' mur.
Tempo'nyo aitu tinoka na samian anu ko panyakit kilit anu o kabuhuk. Ia tinolodupu i ahop i Yesus, lantas notatae, “Kita Tuuma, de kita Tuuma mongka'oho', kita Tuuma timbali mompa'alin aku.”
Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.