MATIUS 18:10 - KITAB NU TUMPU ALLA LELE MA'IMAI'

¹⁰ “Jaga! Boli mompopo'ambang sala'samian na to mia-mian anu ise' aijo'. Kalana, o inau'mo, na to mala-malaikat, aha saja' i ahop nu Tuumang-Ku i suluga'. [

MATIUS 18:10 ပူးပေါင်းရင်းမြစ်များ

2 SAMUEL 14:28

Ohua'mo na taun na i Absalom jinojoong i Yerusalem, panyo ma'isa toho' siningkabot tiba i tomundo'.

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

ESTER 1:14

To mia-mian anu lewa' mombee'i pokinde' sasaja' nulaga i tomundo aijo'mo: i Karsena, i Setar, i Admata, i Tarsis, i Meres, i Marsena ka' i Memukan. Aha mian anu singkap ko pangkatnyo kiijo' i Persia ka' i media anu ko pangkatnyo matangkas hondo i uno nu kalaja'an.

MAZMUR 15:4

anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 34:7

Mian anu sinoe'mo na kantumuu'annyo nomoitamo tulung ka' tinaamanmo mae nu Tumpu nompobebasmo ia da madi'mo nongoa'i iwi-iwi na kasusa'annyo.

MAZMUR 91:11

Tumpu Allah nonsaimo mae malaekatnyo monjagai beleyum, da monjagai beleyum maumo pa' moya na beleyum mamba.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

MATIUS 1:20

Hau-haunyo i Yusuf mompopikilakon han aijo', ia nongipi. I uno nu ipionnyo aijo', ia nontoa samian na malaikat nu Tumpu anu notatae hi ia, “Yusuf, tulunan i Daud, boli mabuhuk monika'i Maria; sabab anak anu i uno nu ma'alumnyo aijo' kuasa nu Roh nu Tumpu.

MATIUS 12:20

Balo anu mopekok madi' o pato'akon, pansona' anu mokokihom madi' o poho'. Ia bala usaha sampe ka'adilan o humpak;

MATIUS 18:14

Sumo aitumo na Tuumaum i suluga' madi' mongka'oho' sala'samian lengkat hi to mia-mian anu sala'je palesaya hi beleng-Ku aiya, sala' jalan.”

MATIUS 18:6

“Ihe na anu monsaduakon sala'samian na to mia-mian anu ise' aiya madi'mo palesaya hi beleng-Ku, lebe ma'ima' de batu ponggilingnyo o popuut i bokoko'nyo ka' ia o tua i ambai anu maleeng.

MATIUS 2:13

Salatan to pande-pande anu monsumbu' mandala' aijo' i nambamo, Malaikat nu Tumpu nanintoamo hi Yusuf i uno nu ipion. Malaikat aijo' notatae, “I Herodes ko kahanda' molio Anak aijo' da o patei na Ia. Kalana aijo' bulamo, boa na Anak aijo' tiba tina-Nyo malai nokiijo' i Mesir. Jojoong i kiijo' mae sampe-Ku poto'ije mule' hi beleyum.”

MATIUS 2:19

Noko sinilaka na i Herodes, tempo'nyo i Yusuf daagi' i Mesir samian na malaikat nu Tumpu nanintoa mule' hi Yusuf i uno nu ipion.

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

LUKAS 1:19

Malaikat aijo' nontaami, “Aku aiya i Gabriel. Aku mombau apaa na pinoto'i nu Tumpu, ka' iamo na nompokau aku mompotokakon lele ma'ima' aiya hi beleyum.

LUKAS 10:16

Lantas i Yesus notatae hi anu saja' mombatuki Ia, “Mian anu mohongo komiu, mohongo Aku. Mian anu madi' montalima komiu, madi' montalima Aku. Ka' mian anu madi' montalima Aku, singkona madi' montalima Ia anu nonsai mae Aku.”

LUKAS 16:22

Mian kasiasi aijo' imihinyo mae natemo, lantas binoa nu malaikat i tampat anu ko angga'nyo i sohipi' i Abraham i suluga'.

SISIKON NU TO RASUL-RASUL 10:3

Daagi' kino sansinaan kila-kila jam totolu' ohanimo mopatas ia nontoa manasa hondo samian na Malaikat nu Tumpu tinoka ka' nolaga ia, “Kornelius!”

SISIKON NU TO RASUL-RASUL 12:15

“Beleyum ulawon!” na koonyo nu aha. Panyo i Rode monggagakon tukoonyo aijo' totu-totu'u i Petrus. Sahingga aha notatae, “Itina' malaikatnyo!”

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

SISIKON NU TO RASUL-RASUL 27:23

Kalana na'utu pihi-pihi malaikat nu Tumpu anu ku sombah, aijo'mo Tumpu anu monjagai aku, tinoka hi belengku.

SISIKON NU TO RASUL-RASUL 5:19

Panyo pihi-pihi, samian na malaikat nu Tumpu nombuka'i iwi-iwi' na tumban nu talungku', lantas nomboa to rasul-rasul aijo' nosabat. Malaikat aijo' notatae hi to rasul-rasul haha aijo',

ROMA 14:10

Jadi, to Utu-utus! Bau apaa na mompisala'i utusum anu sa'a-sa'angu' na kapalesaya'an? Ka' bau apaa na kita Utus monsangka ia madi' ko angga'nyo? Kita iwi-iwi' mo'ahopje hi Tumpu Allah da o putusi.

ROMA 14:21

Sahanyo bolimo okaan na ponoha' kabai monginum anggur, kabai mombau pa'apaa, de han aijo' monsaduakon samian na utus anu sa'a-sa'angu' na kapalesaya'an timbali baladosa'.

ROMA 15:1

Kita anu totu-totu'u junjuhi' i anu opalesayanto, tionyo sabaan i kabalatan-kabalatan nu mian anu ola tudu-tudu na kapalesaya'annyo. Boli ola kita momposanang posi butongto.

1 KORINTUS 11:22

Kadaka' sumo aitu? Te madi' kita Utus ko laigan ahi'? Kita Utus timbali mongkaan ka' monginum i kiijo'! Kabai o kita Utus mongka'oho' mompopo'ise' jama'at nu Tumpu, ka' mongambangi to mia-mian kasiasi? Apaa na anu tionyo kutaloakon hi komiu? Pa' tionyo aku mompuji' komiu? Madi'! I madi' hondo-hondo aku mompuji' komiu.

1 KORINTUS 16:11

Boli ko anu ola montee ia. Tulungi na ia da ia timbali moko ala molausakon lajangnyo minsusule' mae hi belengku ma'i-ma'ima' kalana aku montanda'i katokaannyo tiba to Utu-utus sangga'at.

1 KORINTUS 9:22

Hi aha to mia-mian anu kapalesaya'annyo madi' mahoson, aku mule' montiho sumo samian anu kapalesaya'annyo madi' mahoson, da aku timbali moko ala mongendei aha da timbali mombatuki i Kristus. Memang, aku tinimbalimo sumo anu iwi-iwi' aijo', kalana kapalaluan nu iwi-iwi' mian da mau mule' mosiamo na jalan timbali na aku momposalamat sambagian na aha.

2 KORINTUS 10:1

Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

2 KORINTUS 10:10

Mian notatae, “Sulat i Paulus haha aijo' talalo hondo mapohos ka' o'adati hondo, panyo de posi ia na aiya hi kita, butongnyo mangkuyu ka' potataenyo madi' ko alati'nyo apa-apaa!”

GALATIA 6:1

To Utu-utus! De daagi' ko samian o humpak mombau dosa', sahanyo komiu anu tumuu' mombatuki Roh nu Tumpu mompotiju' mian aijo' minsusule' i jalan anu totu'u. Panyo komiu mompotiju' aijo' boli kopesa-pesa ka' jaga da boli sampe posi komiu tagoda mule'.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

1 TIMOTIUS 4:12

Boli mompojohok maumo ola samian na monsangka beleyum madi' kogunanyo kalana beleyum daagi' olitau. Panyo ola ahi' tionyo beleyum timbali bau sonto' hi to mia-mian anu palesayamo i sisik nu beleyum ka' kalakuan nu beleyum i uno nu han beleyum mongkalibosi sangko mian ka' palesaya hi Yesus Kristus, ka' kantumuu'anum mule' ma'ima'.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.

ANU PINOTO'I HI YOHANES 8:2

Lantas aku nontoa malaikat ko popitu'nyo tinuminjomo i ahop nu Tumpu, ka' aha binee'anmo popitu' na tolompet.