MATIUS 17:6 - KITAB NU TUMPU ALLA LELE MA'IMAI'

⁶ Salatan anu saja' mombatuki Yesus nohongomo potatae aijo', aha nabuhukmo, sahingga tinolodadupumo i tano'.

MATIUS 17:6 ပူးပေါင်းရင်းမြစ်များ

1 TAWARIKH 21:16

I Daud nontoa mule malaikat ata i kalangan olot nu langit tiba katano'an totoong na bajak i limanyo nu malaikat mongkahanda'i mohopu'i Yerusalem. Nontoa aitu na i Daud tiba o tana tanasnyo anu lewa mompimpin mian laayat anu temponyo aitu hau-haunyo pake-pake na hude kalung bau tanda nompele pele'o singkap tindolo da dupu no kayong i tano.

YEHEZKIEL 3:23

Sahingga aku nambamo i bangka'nyo ka' ikiijo' tinoangkumo na jingka jongkilaban hondo anu montandai Tumpu daagi'mo ikiijo' susumo anu toho'mo tinoangku isonibi nu Kaunyo Kebar. Lantas aku tinombahangkangmo dumo-dumon itano',

YEHEZKIEL 43:3

Anu tinoa aijo' pokakanamo susumo anu tinoangku tempo'nyo Tumpu tinoka mae nohansuni Yerusalem, ka' mule' pokakana susumo anu tinoangkumo i Kaunyo Kebar. Lantas aku tinolodadupumo ka' nonsombah.

DANIEL 8:17

Lantas i Gabriel anu tinuminjo i ahopku aijo' nongohanimo mae aku. Aku na buhukmo hondo sahingga aku notua'mo. Koonyo i Gabriel hi belengku, “O, mian anu madi' tumuu' sampe toka sidu-sidutu' beleyum tionyo ahi' monsumbu' saba' anu tinoa aijo', aijo'mo na sinaa kakiamatan.”

IMAMAT 9:24

Monti-montik Tumpu montau'akonmo mae apu anu montoyo'i sampe mingkot na koloban anu opotunu ka' baha-bahagiannyo anu ko lompo'nyo i mezbah. Salatan aha mian Israel nontoamo, aha lewa'mo nontaligalai lantas tinolodadupumo nonsombahmo.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 17:7

Panyo i Yesus tinoka ka' nohenggo aha. “Pobulamo”, koo-Nyo, “boli mabuhuk!”

SISIKON NU TO RASUL-RASUL 22:7

Aku notua' i tano' lantas aku nohongo ko potatae nontaeakon hi belengku, ‘Saulus, Saulus! Kadaka' beleyum monsakisa Aku?’

SISIKON NU TO RASUL-RASUL 26:14

Lantas aku nohongo potatae anu notatae mae hi belengku i uno nu basa' Ibrani, ‘Saulus, Saulus! Kadaka' beleyum saja' monsakisa Aku? Beleyum mongoa'ije sakit, de ola saja' mongewa tuanum anu tinimbalimo polaya'um.’

2 PETRUS 1:18

Posi kami na nohongo potatae aijo' tinoka lengkat mae i suluga' tempo'nyo kami daagi' hingga-hinggat tiba Ia kiita' mae i bungkut-Nyo anu susi' aijo'.

TO MIA-MIAN KOPIAN 13:20

Hau-haunyo apu i noakmo nokiita' lengkat i batu aijo', i Manoah tiba bengkele'nyo nontoamo malaekat nu Tumpu aijo' noliba'mo nokiita i uno nu apu anu i noakmo aijo', nokiita'mo i langit. Atina'je ka' sinumbu' i Manoah taalu' aijo' malaekat nu Tumpu; sahingga ia tiba bengkele'nyo tinolodadupumo nonsombahmo. Madi'mo daagi' toho' aha nontoa malaekat aijo'.

TO MIA-MIAN KOPIAN 13:22

Lantas i Manoah notatae hi bengkele'nyo, “Kita tantu silakamo kalana nontoamo Tumpu Allah!”