MATIUS 17:23 - KITAB NU TUMPU ALLA LELE MA'IMAI'

²³ Ia o patei, panyo sinaa ko totolu'nyo Ia po'ule'mo opotumuu'.” Jadi anu lewa' mombatuki Ia nolibosmo hondo.

MATIUS 17:23 ပူးပေါင်းရင်းမြစ်များ

MAZMUR 16:10

Kalana Belento madi' mompojohok aku da silakamo; mian anu nukalibosi nu Belento madi' nupojohok nu Belento da silakamo.

MAZMUR 22:15

Kahosonanku iningkotmo sumomo uee anu tinombulokmo, iwi-iwi' na bukungku tinalabakasmo i losuannyo, kinyonyoangku jinumujumo susumo lilin.

YESAYA 53:7

Talalo ahi' pinoko idek na nombau ia, panyo tinanggung nyomo ahi' nu sabaan. Ia madi' nombuka' nganga'nyo susumo anak nu domba anu oboamo i pongkolotan kabai tina nu domba anu okiismo na bulunyo.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

MATIUS 16:21

I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

MATIUS 17:9

Salatan aha nintatau'mo lengkat mae i bungkutnyo aijo', i Yesus nompo'ingat aha, “Boli mompoto'i mau mule' pa' hi hehemo apaa na anu tinoa miu, de ma'isa pe'e Anak nu Mian po'ule' opotumuu' lengkat i kasilakan.”

MATIUS 20:19

lapas aijo' obee' hi to mia-mian anu misa', Yahudi. Aha mompopo'ambangmo Ia, ka' mongkabisa'i Ia, ka' mule' monsalibmo Ia. Panyo ko totolu'nyo na sinaa, Ia po'ule'mo o potumuu'.”

MATIUS 27:63

ka' notatae, “Kita Tuan, kami tinonginau'mo tempo'nyo mian anu baleko' aijo' daagi' tumuu', Ia toho' notatae, ‘Sailapas tolunsinaa, Aku po'ule'mo tumuu'.’

MARKUS 8:31

Lapas aijo', i Yesus nontampu'unimo nongajan anu saja' mombatuki Ia tukoonyo, Anak nu Mian tionyo mongoa'i manjoo' na kasansala'an, ka' ogagakon nu to pola-polaya', kapala nu to ima-imam, ka' to gulu-gulu' agama. Ia opatei, panyo i sinaa kototolu'nyo Ia po'ule' opotumuu'.

MARKUS 9:30

I Yesus ka' anu saja' mombatuki Ia nompala'i tampat aijo' ka' nolausakon lumambanan nu aha nontulu i Galilea. I Yesus madi' mongka'oho' nusumbu' nu mian iyame na kajojoongan-Nyo,

YOHANES 16:6

Uuka ola o kinyonyoaum timbalimo susa' kalana Aku nontaloakonmo aijo' hi beleyum.

YOHANES 2:19

I Yesus nontaami, “Hobo'akon na Laigan aiya, ka' i uno nu tolun sinaa po'ule'je Ku potinjo.”