MATIUS 17:2 - KITAB NU TUMPU ALLA LELE MA'IMAI'

² I ahop nu aha, i Yesus nongabali'mo, misa'mo sumo butongnyo biasa: Ohup-Nyo tinimbalimo najingka sumo sinaa, ka' pakean-Nyo mopute' jongkilaban.

MATIUS 17:2 ပူးပေါင်းရင်းမြစ်များ

MAZMUR 104:2

Belento nibaju'mo nu jingkele'an ka' kaholomatan, ka' ningkukumbungmo nu jingka.

NYANYIAN ANU TALASANGGO 6:10

ihe na ia anu tinoka mae aijo' mimimbalu-balu' jingka anu bete'mo mae, sumomo bitu'on tumba na ko ima'nyo, ka' mule' sumomo jingka nu batu nu sinaa? Ia talalo hondo momposanang nyawa, sumomo suludadu tiba bandela'nyo.

MATIUS 17:1

Ilapas anon sinaa, i Yesus nomboamo i Petrus ka' i Yakobus tiba utusnyo i Yohanes, ola posi aha na nokiijo' i sa'angu' na bungkutnyo anu matangkas.

MATIUS 17:3

Lapas mule' aha totolu' anu saja' mombatuki Ia aijo' montoamo i Musa ka' i Elia notatae tiba i Yesus.

MATIUS 28:3

Ohupnyo nu Malaikat aijo' sumo kilat ka' pakeannyo pute' hondo.

MARKUS 9:3

Pakean-Nyo tinimbalimo nopute' ka' binakongkilap. Madi' ko samian na anu saja' mombaso'i hude i dunia aiya anu moko ala mombaso'i sumo ko pute'nyo aijo'.

LUKAS 9:29

Hau-haunyo i Yesus balado'a i kiijo', ohup-Nyo sinangalasanmo tiba baju'-Nyo nopute'mo lonyi-lonyingkaban.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

ANU PINOTO'I HI YOHANES 10:1

Lantas aku nontoamo samian na malaikat anu baani sangga'at nintau' mae lengkat i suluga'. Ia sinaput mae nu kundom, ka' sa'angu' na tandalo' nongkalekodi ubaknyo. Ohupnyo mangkunining sumo batu nu sinaa ka' tengkenyo tinjo-tinjo moak sumo apu.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.