MATIUS 17:12 - KITAB NU TUMPU ALLA LELE MA'IMAI'

¹² Panyo Aku motatae hi komiu, i Elia tinokamo, panyo to mia-mian madi' monsumbu' ia; aha nombau ia, iyamo pongka'oho' nu aha. Ka' sumo aitumo na aha suele mombau Anak nu Mian.”

MATIUS 17:12 ပူးပေါင်းရင်းမြစ်များ

MATIUS 11:2

I Yohanes anu Mompalamandikan anu hau-haunyo kiijo' i talungku' nohongo mongkona pakalaja'an i Kristus. Lantas ia nonsai aha sangkuka na anu lewa' mombatuki namba hi Yesus da mompokilawa,

MATIUS 16:21

I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

MATIUS 17:11

I Yesus nontaami, “Memang i Elia toka, ka' ia na mompotimbali iwi-iwi' aijo'.

MATIUS 17:13

Lantas anu saja' mombatuki Ia nonsumbu'mo taalu' i Yesus notatae mongkona i Yohanes anu Mompalamandikan.

MATIUS 17:22

Tempo'nyo anu saja' mombatuki Yesus sinihukmo i Galilea, i Yesus notatae hi aha, “Madi'mo pin, Anak nu Mian o bee'mo hi kuasa nu mian.

MATIUS 17:9

Salatan aha nintatau'mo lengkat mae i bungkutnyo aijo', i Yesus nompo'ingat aha, “Boli mompoto'i mau mule' pa' hi hehemo apaa na anu tinoa miu, de ma'isa pe'e Anak nu Mian po'ule' opotumuu' lengkat i kasilakan.”

MATIUS 21:32

Kalana i Yohanes anu Mompalamandikan tinoka, ka' nompotiju' hi komiu mosia na tumuu' anu nu kahanda'i nu Tumpu, panyo komiu madi' mongka'oho' palesaya i pangajalannyo; panyo anu saja' montage hasin ka' to bou-boune masala' palesaya hi ia. Panyo mau mule' komiu nontoamo iwi-iwi' aijo', komiu madi' ahi' mombali'i pikilan miu ka' madi' palesaya hi Tumpu.”

MATIUS 8:20

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

LUKAS 7:33

I Yohanes anu Mompalamandikan tinoka – ia bapuasa' ka' madi' monginum anggur – ka' komiu notatae, ‘Ia sinoku'onmo nu setan!’

YOHANES 1:11

Ia tinoka i posi lipu'-Nyo panyo bansa-Nyo madi' montalima Ia.

SISIKON NU TO RASUL-RASUL 2:23

Posi pongka'oho'-Nyo na Tumpu nomputusi da obee' na i Yesus hi komiu. Ka' salatan binee' na Ia, komiu nompateimo Ia ka' nompojohokmo to mia-mian ma'idek nonsalib Ia.

SISIKON NU TO RASUL-RASUL 4:10

Jadi, to Tutuuma iwi-iwi' tionyo monsumbu' ka' iwi-iwi' bansa Israel tionyo monsumbu' saba' mian aiya tuminjo uuka aiya tiba butong anu sehat i ahop nu to Tutuuma, kalana kahosonan ka' kakuasa'an lengkat mae hi Yesus Kristus mian nu Nazaret aijo'. To Tutuuma nonsalibmo i Yesus aijo', panyo Tumpu po'ule' nompotumuu' Ia.

SISIKON NU TO RASUL-RASUL 7:52

Apaa daagi' ko nabi anu madi' sinakisa nu mompolee' miu? Aha nompateimo to posa-posaihon nu Tumpu anu u'utu pe'e mae nombebakonmo tukoonyo. Posaihon nu Tumpu anu totu'u, tokaje mae. Ka' uuka aiya komiu nongkabisa'imo ka' nompateimo Posaihon nu Tumpu aijo'.