MATIUS 17:1 - KITAB NU TUMPU ALLA LELE MA'IMAI'

¹ Ilapas anon sinaa, i Yesus nomboamo i Petrus ka' i Yakobus tiba utusnyo i Yohanes, ola posi aha na nokiijo' i sa'angu' na bungkutnyo anu matangkas.

MATIUS 17:1 ပူးပေါင်းရင်းမြစ်များ

MATIUS 17:2

I ahop nu aha, i Yesus nongabali'mo, misa'mo sumo butongnyo biasa: Ohup-Nyo tinimbalimo najingka sumo sinaa, ka' pakean-Nyo mopute' jongkilaban.

MATIUS 26:37

Lantas Ia nonsale'i Petrus ka' ua'aha na anak i Zebedeus mamba mohingga-hinggat tiba Ia. Ia nomulaimo nongoa'i nolibos ka' madi' sanang.

MARKUS 13:3

Lapas aitu i Yesus namba i Bungkut nu Zaitun, ka' sinumuhang i tampat anu mompaha ahop tiba Laigan nu Tumpu. Lantas i Petrus, i Yakobus, i Yohanes, ka' i Andreas tinoka hi Ia da basisik tiba Ia ola posi aha.

MARKUS 5:37

Lantas i Yesus i lumajang lau-laus, panyo Ia madi' mompobee' mau samian pe'e na anu mombatuki Ia, ola sambiha'nyo i Petrus tiba i Yakobus ka' i Yohanes moto utus.

LUKAS 8:51

Salatan tinoka i laigan i Yairus, i Yesus madi' nompobee' mau samian pe'e minsoop tiba Ia, boli mompiakon i Petrus, i Yohanes, i Yakobus ka' tina tuuma nu anak aijo' samata-mata.

2 KORINTUS 13:1

Aiyamo na ko pintolunnyo aku toka molenga komiu. I uno nu Kitab nu Tumpu tinulismo, “Batu-batu palakala tionyo nu tinjohi nu sakisi ua'aha kabai totolu' na mian monsakisi, atina'je ka' palakala aijo' opototu'u.”

2 PETRUS 1:16

Tempo'nyo kami nompoto'i hi belemiu i Yesus Kristus Tumpunto toka talasanggo hondo, kami madi' nohongo hi sisik anu toto bale-baleko' anu ola pohumpakan puji' nu mian. Katalasanggoan i Kristus aijo' tinoamo mami nu posi mata mami.

2 PETRUS 1:18

Posi kami na nohongo potatae aijo' tinoka lengkat mae i suluga' tempo'nyo kami daagi' hingga-hinggat tiba Ia kiita' mae i bungkut-Nyo anu susi' aijo'.