MATIUS 16:7 - KITAB NU TUMPU ALLA LELE MA'IMAI'

⁷ Nohongo potatae i Yesus aijo', anu saja' mombatuki Yesus nontampu'unimo notatae samian ka' samian, “Ia motatae sumo aijo', kalana kita madi' mae nomboa roti.”

MATIUS 16:7 ပူးပေါင်းရင်းမြစ်များ

MATIUS 16:6

I Yesus notatae hi aha, “Bala'ingati mae na ragi nu to mia-mian Farisi ka' Saduki.”

MATIUS 16:8

I Yesus monsumbu' apaa na anu binisalakon nu aha. Jadi Ia notatae, “Kadaka' komiu mombisalakon kalana madi' ko roti? Komiu madi' talalo palesaya!

MATIUS 21:25

I Yohanes mompalamandikan tiba hak ihe? Tumpu kabai mian?” Lantas Kapala nu to Ima-imam ka' to pola-polaya' nu Yahudi aijo' nontampu'unimo nombisalakon kiijo' hi aha, “De kita montaeakon, ‘Tiba hak nu Tumpu,’ Ia motatae, ‘Desumo aitu, kadaka' komiu madi' palesaya hi ia?’

MARKUS 9:10

Aha nohongo-hongo potuunon aijo', panyo de ola posi aha, aha montampu'unimo lewa' mombisalakon apaa na anu nukahanda'i Yesus nu potatae mompo'ule' “tumuu' lengkat i kasilakan”.

LUKAS 24:15

Hau-haunyo aha basisik ka' mompaha bebee'i pikilan, i Yesus tinoka ka' nojajalan hingga-hinggat aha.

LUKAS 9:46

Hi aha anu saja' mombatuki Yesus jinadimo na painggagaan mongkona ihe na anu aitu hi aha lebe daka'.

SISIKON NU TO RASUL-RASUL 10:14

Tinaaman i Petrus, “Madi', Tumpu! Ma'isa toho' aku nongkaan apa-apaa anu madi' timbali o kaan kabai anu pahengas.”