MATIUS 16:4 - KITAB NU TUMPU ALLA LELE MA'IMAI'

⁴ “Ibeh na ko ideknyo ka' ko geguannyo na to mia-mian tempo' aiya. Komiu mompoita Aku mombau anu okabangangi. Komiu madi' obee'i sa'angu' na anu okabangangi, boli mompiakon anu okabangangi i Nabi Yunus.” Salatan notatae sumo aitu, i Yesus nompala'imo aha, lantas i nambamo.

MATIUS 16:4 ပူးပေါင်းရင်းမြစ်များ

KAJADIAN 6:3

Sahingga notataemo na Tumpu, “Aku madi'mo situju manusia tumuu' sampe toka sidu-sidutu'; aha anu ko nyawanyo madi'mo tumuu' sampe toka sidu-sidutu', aha tionyo ahi' silaka. Otampu'uni uuka aiya umun nu aha madi'mo molabii 120 na taun.”

YESAYA 57:3

Panyo belemiu mian anu baladosa', po'ukamo mae da oputusimo! Belemiu aiya madi' lebe ma'ima' molingkudui miana nu pa ilimu' mombau anu okahelani, mian anu masala' ka' boune anu molio kantumuu'annyo ola mombau masala'!

HOSEA 4:17

Mian nu Israel talalomo hondo tinoongan nu pilogot. Kalana aijo' pojohokmo na aha.

HOSEA 9:12

Panyo maumo ahi' daagi ko to ana-anak anu ohampeakon ka' opodaka'mo, aha po ule' ahi' Ku ala; madi' ko samian pe'e na Ku pobee' tumuu'. Silakamo na belemiu o bansa Israel de Ku pala'imo na belemiu!”

YUNUS 1:1

Daagi kino sansinaan, Tumpu notataemo hi Yunus anak i Amitai.

YUNUS 1:17

Hau-haunyo aijo' Tumpu nompalentahmo mae sa'angu' na ikan anu talalo hondo daka' ka' ilonyomnyomo na i Yunus. Sahingga jinojoongmo na i Yunus i unonu kompong nu ikan tinolumpahu ka' tinolunsinaa na kinopinnyo.

MATIUS 15:14

Madi' timbali opalahatikan na to mia-mian Farisi aijo'. Aha aijo' mapisok montaka' anu mapisok; jadi, de mian mapisok montaka' mian mapisok ua-ua'aha timbali manabu' i uno nu bolo'.”

MATIUS 16:5

Tempo'nyo anu saja' mombatuki Yesus tinokamo i santoa nu dowiwi, sinumbu'je nu aha, taalu' aha nongkolilimimo nomboa roti.

MARKUS 8:12

I Yesus nongoa'i sinusa' lantas nontaami, “Apaa na sababnyo mian tempo' uuka momoita Aku da mombau anu okabangangi? Madi'! Aku madi' mombee'i tanda anu sumo aijo' hi aha!”

MARKUS 8:38

De toto samian ma'ambang na mongakui Aku ka' pangajalan-Ku, i tempo' nu duluhaka ka' ka'idekan aiya, Anak nu Mian suele ma'ambang na mongakui mian aijo', tempo'nyo Ia po'ule' toka tiba kuasa nu Tuuma-Nyo, tiba to mala-malaikat anu susi'.”

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”

SISIKON NU TO RASUL-RASUL 2:40

Sumo aitumo na i Petrus nompotalangakon hi aha. Ka' manjoo' na potatae sangga'at, suele pinoto'inyo hi aha da butong nu aha boli maninggalo' i bansa anu ma'idek aiya, anu nu hukumje nu Tumpu.