MATIUS 16:27 - KITAB NU TUMPU ALLA LELE MA'IMAI'

²⁷ Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 16:27 ပူးပေါင်းရင်းမြစ်များ

AYUB 34:11

Hukuman anu bau pohukumnyo manusia, anu ahi' mompahatimbangmo tiba apaa na anu binaumo nu manusia, mohukum ia nu hukuman anu singgoma'mo tiba kalakuannyo.

MAZMUR 62:12

Pa' piniangkukamo na aku nohongomo Tumpu notatae, tukoonyo, kakuasa'an nolengkat mae hi Ia,

AMSAL 24:12

Timbali na beleyum motatae, “Atina' misa' ulusanku.” Panyo Tumpu Allah mompalahatikan beleyum. Ia na monsumbu' ka' momputusi pikilan nu beleyum. Ia mombalosakon manusia sitimbang palabuatannyo.

ANU MOMPOLELE POTATAE NU TUMPU 3:17

Kututugi Tumpu momputusi mian anu ma'ima' na gau'nyo ka' mule' mian anu ma'idek na gau'nyo kalana toto sa'angu' na han ka' toto sa'angu' na han anu obau tionyo ahi' jadi i tempo anu tinantukanmo nu Tumpu.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 32:19

Sinin na tanga'an nu Belento opalias hondo ka' apa-apaa na anu nu bau nu Belento akabangangi hondo; Nu toa iwi-iwi'na anu nu bau nu manusia ka' mombalosakon aha sitimbang tiba palabuatan nu aha.

YEHEZKIEL 18:20

Mian anu mombau dosa' ia ahi' na silaka. Anak na madi' ahi' tionyo montanggung hukuman anu binaumo nu tuumanyo na kasala'an, ka' suele tuuma madi' ahi montanggung hukuman kalana dosa' iwi-iwi' anu binaumo nu anaknyo. Mian anu manonong na mohumpak ahi' hukuman anu ma'ma' kalana palabuatannyo ma'ima'. Ka' mian anu palabuatannyo ma'idek na monta'up ahi' hukuman kalana palabuatannyo anu ma'i-ma'idek.

YEHEZKIEL 7:27

Itomundo' tumando'mo na lewa' humang, anak mo'ane nu tomundo' madi'mo ko anu otaha'imani ka' mule aha mian da'isan lengkatanmo bau nu buhuk. Aku mohukumo beleyum sitimbang tiba palabuatan iwi-iwi' nu beleyum ka' momputusimo hukuman nu beleyum susumo belemiu mombee'i hukuman hi mian sangga'at. Sahingga nu sumbu'je nu beleyum taalu' Akumo ahi' na Tumpu.”

DANIEL 7:10

ka' apu aijo' molele mae lengkat i kadela nu tomundo' ai-aijo'. Momada-madala na mian anu molayani Ia, ka' juta'an nu mian tinuminjomo i ahop-Nyo. Lapas aijo' tinampu'unanmo na nomputusi ka' iwi-iwi' na kitab pinaha buka'mo.

ZAKHARIA 14:5

Belemiu mopalaije mamba motulu i bangka'nyo anu nobagimo ohua' na puge'nyo titinimbalimo ohua'. Belemiu mopalaije susumo mompolee' nu belemiu kikinolulu'mo tempo'nyo kapalentahan i Uzia, tomundo' nu Yehuda. Lantas tokamo na Tumpungku nutuntuni mae nu malaekat iwi-iwi'.

MATIUS 13:41

Anak nu Mian monsaije to mala-malaikat-Nyo molimu' miannyo iwi-iwi' anu nonsaduakonmo mian nombau dosa', ka' iwi-iwi' mian sangga'at anu nombau ka'idekan.

MATIUS 13:49

Sumo aitumo na tempo' nu Sinaa Kiamat, to mala-malaikat mambaje mompo'i-po'iwi to mia-mian ma'idek, tiba to mia-mian anu mombau kahanda' nu Tumpu.

MATIUS 24:30

Lapas aijo' tanda Anak nu Mian otoamo aita' i langit. Tempo'nyo aitu iwi-iwi' na bansa i dunia humaangmo. Aha montoamo Anak nu Mian toka aita' i bawo nu kundom tiba kuasanyo anu daka' hondo.

MATIUS 25:31

“De Anak Mian toka sumo Tomundo nu sampo jaalan nu malaikat-Nyo iwi-iwi', Ia sumuhang i kasuhangan-Nyo anu opopodaka'.

MATIUS 26:64

I Yesus nontaami, “Sumo itina' anu tinaloakonumo. Panyo palesayamo: Mulai uuka, aiya komiu montoaje Anak nu Mian sumuhangmo i sasu koanan nu Tumpu Anu Talalo ko Kuasa, ka' toka mae aita' i kundom, i langit!”

MATIUS 8:20

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

MARKUS 14:62

“Akumo na Ia,” tinaaman i Yesus, “ka' komiu iwi-iwi' montoaje Anak nu Mian sumuhang i sasu koanan nu Tumpu Anu Talalo Susi' ka' toka mae i uno nu sehu' lengkat i langit!”

MARKUS 8:38

De toto samian ma'ambang na mongakui Aku ka' pangajalan-Ku, i tempo' nu duluhaka ka' ka'idekan aiya, Anak nu Mian suele ma'ambang na mongakui mian aijo', tempo'nyo Ia po'ule' toka tiba kuasa nu Tuuma-Nyo, tiba to mala-malaikat anu susi'.”

LUKAS 21:27

I tempo'mo aitu na Anak nu Mian toka i uno nu kundom tiba kuasa-Nyo anu o angga'i.

LUKAS 22:69

Panyo otampu'uni uuka, Anak nu Mian sumuhangmo i sasu koanan nu Tumpu anu talalo Mongkuasai.”

LUKAS 9:26

De mian ma'ambang mongakui Aku tiba pangajalan-Ku, Anak nu Mian suele ma'ambang na mongakui mian aijo', de Ia po'ule'mo toka tiba kuasa-Nyo, ka' tiba kuasa nu Tumpu hingga-hinggat kuasa nu to mala-malaikat anu susi'!

YOHANES 21:22

I Yesus nontaami, “Maluannyo Ku kahanda'i ia satumuu'nyo sampe Aku toka, aijo' misa' ponsumbu'anum. Panyo beleyum batuki mae na Aku!”

YOHANES 21:23

Sahingga tinogilele hi anu saja' mombatuki Yesus, au' aitu anu saja' mombatuk madi' silaka. Padahan i Yesus madi' nontaloakon anu saja' mombatuki aijo' madi' silaka. Ola ahi', “Maluannyo Ku kahanda'i ia satumuu'nyo sampe Aku toka, aijo' misa' ponsumbu'anum.”

SISIKON NU TO RASUL-RASUL 1:11

“Hee, to mia-mian nu Galilea,” koonyo nu ua'aha na mian haha aijo', “kadaka' komiu ola tuminjo atina' monsinda langit? I Yesus anu tinoa miu tinalahangkatmo nokiita' i suluga' atina' i ahop miu, po'ule'je minsusule' mae susumo atina' anu tinoamo miu u'uka aiya.”

ROMA 14:12

Jadi kita toto samian tionyo mongakui iwi-iwi' apaa na anu binauntomo hi Tumpu.

ROMA 2:6

Kalana Tumpu mombalosakonmo hi toto samian pokakana tiba apaa na anu binaunyomo.

1 KORINTUS 15:23

Panyo toto samian po'ule' opotumuu' ko posi tempo-tempo'nyo; momonanyo i Kristus; lapas aijo' de po'ule'mo Ia toka mae, sueleje to mia-mian anu i Kristusmo na tumpunyo.

1 KORINTUS 3:13

Kalaja nu batu-batu mian otoaje saidi' mae de i Kristus po'ule'mo toka. Kalana i sinaa aijo' apu mokalajamo da toto samian kantoanmo. Apu monguji'mo ka' mompotantumo angga'nyo nu kalaja aijo'.

1 KORINTUS 8:8

Sabenannyo de ola kaanon madi' monsabapi pompahasumbu'anto tiba Tumpu timbali lebe ma'ima'. De kita mongkaan kaanon aijo', kita madi' mohumpak ka'untungan apa-apaa. Panyo mule' de kita madi' mongkaan kaanon aijo', kita mule' madi' ko lugi'nyo apa-apaa.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

EFESUS 6:8

Jaga saba' batu-batu mian, mau mule' botuan kabai mian bebas saidi' mae montalima pombalosi lengkat mae hi Tumpu mongkona hahan anu ma'ima' apaa na anu binaunyomo.

KOLOSE 3:25

Ka' mau mule' ihe na anu mombau kasala'an, tionyo ahi' monsimbu iwi-iwi' na kasala'annyo aijo'; kalana Tumpu madi' mompile'i ohup nu mian.

1 TESALONIKA 1:10

Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

1 TESALONIKA 4:16

Malaikatje anu talasanggo hondo atina'je na motatae daka-daka', ka' tolompet nu Tumpu opo onyi'mo salaku bau sa'angu' na tanda. Lantas i Tumpu Yesus mintatau'mo lengkat mae i suluga', ka' to mia-mian Kristen anu sinilakamo na po'ule' opotumuu' momona.

YAKOBUS 5:7

Kalana aitu, osabalakon to Utu-utus, sangkutnyo Tumpu toka. Toa mosia na kosabaannyo na samian anu topo ale' montanda'i sampe tano'nyo mohasinakon anu ko olinyo hi ia. Ia sabaan na montanda'i ujan loonu nu mohudu' na hon nu kau' ka' ujan loonu nu mimbunga na kau'.

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.

YUDAS 1:14

I Henokh, lee'mo ko popitu'nyo lengkat mae hi Adam, naipuan mae toho'mo nonsisikakon kantumuu'an nu mian haha aijo'. I Henokh notatae, “Toa, Tumpu tokaje mae tiba to mala-malaikatnyo anu susi' i mada-madalannyo

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

ANU PINOTO'I HI YOHANES 20:12

Ka' aku nontoamo to mia-mian anu sinilakamo, anu daka'mo ka' anu daagi' ise', tinuminjo i ahop nu kasuhangan aijo'. Sahingga to kita-kitab suele pinaha buka'mo. Lantas sa'angu' na kitab sangga'at binuka'mo, atina'mo Kitab nu Mian anu Tumuu'. Lapas aijo' hukuman inabu'akonmo hi mian anu sinilakamo, sitimbang tiba anu binaumo nu aha susumo anu tinulismo i uno nu kitab haha aijo'.