MATIUS 16:26 - KITAB NU TUMPU ALLA LELE MA'IMAI'

²⁶ Apaa na untungnyo hi toto samian de songko-songko na dunia aiya timbalimo anunyo, panyo madi'mo nu humpak na kantumuu'annyo? Timbali na kantumuu'an aijo' otolosi nu sambu-sambumo?

MATIUS 16:26 ပူးပေါင်းရင်းမြစ်များ

AYUB 2:4

Panyo Anu lewa' Monggoda nontaami, “Nyawa ka' butong mahoson na lebe ko angga'nyo molingkudui halata'. Manusia halala' na mongkolobanakon halata'nyo asan ia tataap sabole-bole tumuu'.

AYUB 27:8

Te daagi' mule' ko anu nutaha'imani nu mian anu ma'idek na kinyonyoanyo, de tokamo na tempo'nyo Tumpu Allah mongalamo nyawanyo?

MATIUS 16:25

Kalana mian anu mongka'oho' montoongi kantumuu'annyo, madi'mo mohumpak kantumuu'annyo. Panyo mian anu mombee' kantumuu'annyo kalana Aku, tionyo mohumpak kantumuu'an.

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 5:29

De mataum koanan monsaduakon beleyum baladosa', kubetakon ka' o alin na mata aijo'! Lebe ma'ima' molapus na sala'sa'angu' na pakakas nu butongum, ka' de mule' iwi-iwi' na butongum o alin i uno nu nalaka.

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

LUKAS 16:25

Panyo i Abraham nontaami, ‘Tutugi anakku: Salatanmo pe'e tinuu'um, beleyum nohumpakmo anu toto ima-ima'; sadang i Lazarus nohumpak anu toto ide-idek. Uuka ia sanangmo i aiya, ka' beleyumo na sansala.

LUKAS 9:25

Apaa na ka'untungannyo hi toto samian, de songko-songko na dunia aiya ia na tumpunyo, panyo ia mongidei ka' molapus na kantumuu'annyo?