MATIUS 16:24 - KITAB NU TUMPU ALLA LELE MA'IMAI'

²⁴ Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

MATIUS 16:24 ပူးပေါင်းရင်းမြစ်များ

MATIUS 10:38

Ka' mian anu madi' mongka'oho' monsimbu salibnyo, ka' mombatuki Aku madi' pantas timbali anu mombatuki Aku.

MATIUS 27:32

I totonga' nu jalan, aha nompahakabot tiba samian anu lengkat mae i Kirene, sanggonyo i Simon. Aha nompakisa mian aijo' monsimbu salib i Yesus.

MARKUS 10:21

I Yesus noliibosmo na nontoa mian aijo' lantas notatae, “Me sa'angu' na han mule' anu daagi' opalalui nu beleyum. Lako'mo pobaluk iwi-iwi' na halata'um; bee' na doinyo hi mian anu kasiasi, ka' beleyum mohumpakje halata' i suluga'. Lapas aijo' tokaje mae mombatuki Aku.”

MARKUS 15:21

I tonga' nu jalan aha nompakisamo samian da monsimbu salib i Yesus. Mian aijo' kakona anu sala'je lengkat mae i kampung mongkahanda'imo minsoop mokiijo' i kota. (Sanggonyo i Simon, – nolengkat mae i Kirene – tuuma i Aleksander ka' i Rufus.)

MARKUS 8:34

Lapas aijo' i Yesus nolaga mian da'isan anu daagi' i kiijo' tiba anu saja' mombatuki Ia. Lantas Ia notatae hi aha, “Mian anu mongka'oho' mombatuki Aku, tionyo mongkolilimi posi kapalaluannyo, lapas aijo' monsimbuje salibnyo, ka' lau-laus mombatuki Aku.

LUKAS 14:27

Mian anu madi' mongka'oho' monsimbu salibnyo ka' mombatuki Aku, madi' bisa timbali anu saja' mombatuki Aku.

LUKAS 23:26

Lantas i Yesus binoamo nu aha. I tonga' nu jalan aha siningkabotmo tiba samian, sanggonyo i Simon, anu lengkat mae i Kirene, anu hau-haunyo minsoopmo i kota. I hakop nu aha na ia ka' pinakisa nonsimbu kau' salib aijo' i hiku i Yesus.

YOHANES 19:17

I Yesus nosabat nosi simbu salib-Nyo nokiita' i tampat sanggonyo, “Tampat nu Popoke'.” (I uno nu sisik nu Ibrani o sanggohi Golgota.)

YOHANES 21:19

(Tiba potatae aijo' i Yesus nompoto'imo mosia na i Petrus silaka saidi' mae mompopodaka' Tumpu.) Lapas aijo' i Yesus notatae hi Petrus, “Batuki mae na Aku!”

YOHANES 21:22

I Yesus nontaami, “Maluannyo Ku kahanda'i ia satumuu'nyo sampe Aku toka, aijo' misa' ponsumbu'anum. Panyo beleyum batuki mae na Aku!”

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

KOLOSE 1:24

Uuka aku sanang na mongoa'i sansala kalana komiu. Kalana sansala anu ingoa'anmo nu butongku, aku momposampa'mo apaa na anu tionyo daagi' nu oa'i i Kristus kalana jama'at-Nyo, aijo'mo butong-Nyo.

1 TESALONIKA 3:3

Tiba jalan anu sumo aijo' madi' ko samian pe'e itina' hi komiu na anu tolo sule' kalana saja' mongoa'i kasansala'an-kasansala'anto anu sumo aiya. Posi komiu monsumbu'mo saba' kasansala'an-kasansala'an anu sumo, aijo' ninsoopmo i uno nu tanga'an nu Tumpu kona hi kita.

2 TIMOTIUS 3:12

Memang iwi-iwi' mian anu mongka'oho' tumuu' monsombah ka' tumuu' mosa'angu' tiba i Kristus Yesus saidi' mae okabisa'i,

1 PETRUS 2:21

Aijo' na kahanda'nyo Tumpu nolagamo belemiu. Kalana posi Kristus nongoa'imo sansala kalana bau kapentingan miu, tiba jalan anu sumo aijo' Ia nombee'imo belemiu sa'angu' na sonto', da belemiu mombatuki sonto' i uno nu kantumuu'an-Nyo.