MATIUS 16:21 - KITAB NU TUMPU ALLA LELE MA'IMAI'

²¹ I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

MATIUS 16:21 ပူးပေါင်းရင်းမြစ်များ

MATIUS 12:40

I Yunus jinojoong tolunsinaa ka' tolumpahu i uno nu kompong nu ikan daka'. Sumo aitumo na Anak nu Mian jojoong tolunsinaa tolumpahu i uno nu kompong nu tano'.

MATIUS 16:22

Lantas i Petrus nohambet i Yesus i sohipi' ka' nontaloakon Ia, tukoonyo, “Bisa-bisa' Tumpu mompojo'onakon han aijo', Tumpu! Boli sampe han aijo' timbali hi Tumpu!”

MATIUS 16:28

Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

MATIUS 17:12

Panyo Aku motatae hi komiu, i Elia tinokamo, panyo to mia-mian madi' monsumbu' ia; aha nombau ia, iyamo pongka'oho' nu aha. Ka' sumo aitumo na aha suele mombau Anak nu Mian.”

MATIUS 17:9

Salatan aha nintatau'mo lengkat mae i bungkutnyo aijo', i Yesus nompo'ingat aha, “Boli mompoto'i mau mule' pa' hi hehemo apaa na anu tinoa miu, de ma'isa pe'e Anak nu Mian po'ule' opotumuu' lengkat i kasilakan.”

MATIUS 20:28

Pokakana sumo Anak nu Mian aijo' suele Ia toka misa' da okalibosi, panyo da mongkalibosi, ka' mombee' nyawa-Nyo bau pompobebas mian da'isan.”

MATIUS 26:2

“Osumbu' miu daagi' uansinaa na Sinaa Daka' nu Paskah, ka' Anak nu Mian obee'mo da o salib!”

MATIUS 26:47

Hau-haunyo i Yesus daagi' basisik, i Yudas sala'samian anu sampulu' ka' ohua' na anu saja' mombatuki Ia aijo' tinokamo. Nohingga-hinggat mae tiba ia, tinoka suele da'isan na mian anu nomboa mae bajak ka' amangkun. Aha sinai nu Kapala nu to Ima-imam ka' to pola-polaya' nu Yahudi.

MATIUS 27:12

Panyo tempo'nyo Kapala nu to Ima-imam ka' to pola-polaya' nu Yahudi nontaloakonmo posala' anu manjoo' hondo kona hi Yesus, Ia madi' montaami apa-apaa.

MATIUS 27:63

ka' notatae, “Kita Tuan, kami tinonginau'mo tempo'nyo mian anu baleko' aijo' daagi' tumuu', Ia toho' notatae, ‘Sailapas tolunsinaa, Aku po'ule'mo tumuu'.’

MATIUS 28:6

Ia madi'mo ko anu i aiya. Ia po'ule'mo tinumuu', sumo anu Tinaeakon-Nyomo u'utu mae. Imbo' ka' toa na tampat-Nyo pinompomale'an Ia.

MARKUS 8:31

Lapas aijo', i Yesus nontampu'unimo nongajan anu saja' mombatuki Ia tukoonyo, Anak nu Mian tionyo mongoa'i manjoo' na kasansala'an, ka' ogagakon nu to pola-polaya', kapala nu to ima-imam, ka' to gulu-gulu' agama. Ia opatei, panyo i sinaa kototolu'nyo Ia po'ule' opotumuu'.

MARKUS 9:12

Tinaaman i Yesus, “I Elia memang toka tongkoimoona da mompobeles anu sangga'atan. Panyo mosiamo na han tiba Anak nu Mian? Apaa na sababnyo i uno nu Kitab nu Tumpu tinulis tukoonyo Ia mongoa'i manjoo' na kasansala'an ka' nupopo ise' nu mian?

LUKAS 17:25

Panyo momonanyo Ia tionyo mongoa'i manjoo' na kasansala'an ka' madi' otalima nu to mia-mian tempo' uuka.

LUKAS 24:46

Lantas Ia notataemo hi aha, “I uno nu Kitab nu Tumpu tinulis, tukoo-Nyo, ‘Tomundo anu Momposalamat tionyo mongoa'i sansala ka' tionyo pu'ule' tumuu' lengkat i kasilakan i sinaa kototolu'nyo.’