MATIUS 16:18 - KITAB NU TUMPU ALLA LELE MA'IMAI'

¹⁸ Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai!

MATIUS 16:18 ပူးပေါင်းရင်းမြစ်များ

KAJADIAN 22:17

Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha.

2 SAMUEL 18:4

Lantas notataemo na i tomundo' “Ma'ima'mo de sumo itina', yayamo belemiu.” Lapas aijo' ia tinuminjomo isohipi' nu sabatan daka' nu kota' ka' to sulu-suludadu nojiji'mo na nosabat toto sanggombu daagi ko anu sa madala na mian, ka' sa'atu na mian.

AYUB 38:17

Pa' toho'mo mian nompotoa hi beleyum sabatan daka' i ahop nu dunia nu mian anu sinilakamo anu pikat hondo?

MAZMUR 107:18

Aha bubunmo nongoa'i iwi-iwi na anu okaan, ukun nu aha silaka, ohanimo.

MAZMUR 127:5

Mohumpak ka'ima'an na mian anu ko posadiaon manjoo' na pana' susumo aijo'! Ia madi' opoko ala opatundu' tempo'nyo mongahopimo anu mongewa i ahop nu ulusan nu mian kopian.

MAZMUR 129:2

“Aku sinakisamo nu mian anu nonsampobali' mae salatanmo pe'e aku daagi' olitau, panyo aha madi' noko ala nompatundu' aku;

MAZMUR 69:12

Aku nompusokmo kalung salaku tanda ko anumo sinilaka, panyo aha moletakon aku.

MAZMUR 9:13

Kalana Ia monginau' mian anu nongoa'imo kasansala'an ka' madi' mongkolilimi aha anu tinolokihismo; mian anu talalo buhingison hi sangko mian mohumpak hukuman hi Ia.

AMSAL 24:7

Mian anu ponga' madi' moko ala monsumbu' kapandean bapikin. Ia madi' moko ala montaeakon apa-apaa de mian hau-haunyo mombisalakon hahan anu penting.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YESAYA 28:6

Tumpu mombalakatimo da adin na to mia-mian kopian ka' mule' da baani na to mia-mian anu monjaga kota' de bisuanyo ko anu mae montumbuhi.

YESAYA 38:10

“Aku notataemo, salaje' mohintonga' na umunku, aku tionyo ahi' mambamo, mompomingkotmo kantumuu'anku anu daagi' tinontuha' idunia nu mian anu sinilakamo.

YESAYA 54:17

Panyo toto sa'angu' na toongon anu tinutukmo mongewa beleyum, madi' kino hasinnyo. Ka' toto sa'angu' na tuduhan i uno nu pomputusianmo palakala nu pobukutimo taalu aijo' sala'. Ku bee'ije palasen salaku tanda imenangmo hi to posa-posaihon-Ku,” sumo aijo' na koonyo nu Tumpu.

YUNUS 2:6

Aku binoanyomo i aluknyo nu dunia anu i aluknyo, Idunia anu tumbannyo ginunsingmo sampe toka sidu-sidutu'. Napasku madi'mo sawe' i unonu butongku, lantas aku tinolo inau'mo ka' notataemo hi Belento. Sahingga tinokamo na do'angku hi Belento, i uno nu Laigan nu Belento anu Susi'. Lantas ihangkatmo nu Belento na aku lengkat akaong mae i uno nu ambai, O Tumpungku!

MATIUS 10:2

Sanggo nu sampulu' ka' ohua' na rasul aijo' atina'mo: momonanyo i Simon (anu osa sanggohi Petrus) tiba utusnyo i Andreas, lantas i Yakobus tiba utusnyo i Yohanes, aijo'mo to ana-anak i Zebedeus.

MATIUS 11:23

Ka' komiu, Kapernaum! Apaa komiu timbali opotangkas toka i suluga'? Madi'! Ola komiu o alin mokiijo' i naraka! Kalana ande-andenyo anu okabangangi binau atina' hi komiu, aijo' binaumo i Sodom, Sodom aijo' daagi' sampe tempo' uuka aiya?

MATIUS 18:17

De ia madi' montalima pokinde' nu to mia-mian aijo', poto'i na han aijo' hi jama'at. Ka' kahimpusannyo de ia madi' mongka'oho' montalima pokinde' nu jama'at, anggapmo na ia sumomo anu montage hasin, ka' samian anu madi' monsumbu' Tumpu Allah.”

MATIUS 4:18

Tempo'nyo i Yesus hau-haunyo i lumajang i biwi nu bone' Dowiwi Galilea, Ia nontoa ua'aha na topo meka, aijo'mo i Simon (anu o sanggohi mule' i Petrus) tiba utusnyo ise' i Andreas. Aha hau-haunyo mompagala ikan i dowiwi aijo' nu buani'.

MATIUS 7:24

“Yoh, mian anu mohongo potataeng-Ku aiya, ka' montuluti, pokakana sumo mian pande anu mompotinjo laigannyo i bawo nu batu.

YOHANES 1:42

I Andreas nolaya' i Simon namba hi Yesus. I Yesus nondin i Simon, lantas notatae, “Beleyum i Simon anak i Yona. Beleyum osanggohije i Kefas.” (Kefas pokakanamo i Petrus, alati'nyo: bungkut nu batu.)

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

SISIKON NU TO RASUL-RASUL 8:1

Ka' i Saulus suele sinanangmo kalana mian aijo' pinateanmo. Sinaa aitu mule' jama'at i Yerusalem mulaimo saja' o loloi', sahingga iwi-iwi' mian anu palesayamo, me sambiha'nyo to rasul-rasul, noga'a-ga'atmo nokiijo' i songko-songko na tano' nu i Yudea ka' i Samaria.

1 KORINTUS 15:55

“O kasilakan, iyamo na ka'untunganum? O Kasilakan, iyamo na bisa'um?”

GALATIA 2:9

I Yakobus, i Petrus ka' i Yohanes anu lupanyo tinimbalimo to pola-polaya' nu jama'at, nongakuimo tukoonyo Tumpu nombee'imo hi belengku palentah anu ola samata-mata aiya na obau. Sahingga aha nompaha kawamo tiba i Barnabas ka' aku, salaku tanda nosangalumo. Lantas aha ka' kami nompahakonamo jadi kami mokalajamo hi aha aijo' to bansa-bansa anu misa' Yahudi, ka' aha na hi mian nu Yahudi.

EFESUS 3:10

Pongka'oho' nu Tumpu aijo'mo da tempo' uuka, montului jama'at, iwi-iwi' na anu montoongi kakuasa'an i langa monsumbu' kapandean nu Tumpu anu lupa-lupa na ngahannyo toto sa'angu'.

EFESUS 5:32

Ayat nu kitab anu sinanggo aijo' maleeng na alati'nyo. Ka' aijo' kupogoma' tiba pompaha sumbu'an i Kristus tiba jama'at.

KOLOSE 1:18

Iamo na kapala nu butong-Nyo, aijo'mo jama'at, kalana Ia na pinolengkatan nu kantumuu'an nu jama'at aijo'. Iamo na anak anu tumpe, anu sini-sinilaka ka' momonanyo po'ule' pinotumuu', da ola posi Ia na anu timbali tahahumo penting molingkudui iwi-iwi na apaa.

1 TIMOTIUS 3:15

da de aku ma'isa malia' toka nusumbu'mo nu beleyum mosia na kita tionyo ahi' tumuu' salaku sampoto utusan nu Tumpu, aijo'mo jama'at nu Tumpu anu tumuu'. Aiyamo na jama'at anu sumo salaku ahi' montinjohakon ka' ponsoko pangajalan anu totu'u lengkat mae hi Tumpu.

1 TIMOTIUS 3:5

Kalana de mian madi' monsumbu' mongatun posi auwannyo, mosia na ia timbali mongatun jama'at nu Tumpu?

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 21:14

Mesen nu kota aijo' pinotinjo i bawo nu sampulu' ka' ohua' na batu katinjoannyo. I batu katinjoannyo haha aijo' tinulis na iwi-iwi' na sanggo nu sampulu' ka' ohua' na rasul nu Anak nu Domba aijo'.