MATIUS 16:1 - KITAB NU TUMPU ALLA LELE MA'IMAI'

¹ Daagi' kino pia-piangkuka na mian nu Farisi ka' mian nu Saduki tinoka hi Yesus nonsobai Ia. Aha nompoita Ia mombau anu okabangangi da mompototu'u taalu' Ia tinoka lengkat mae hi Tumpu Allah.

MATIUS 16:1 ပူးပေါင်းရင်းမြစ်များ

AMSAL 26:5

Anu opokilawa nu ponga' tionyo ahi otaami nu pontaami anu ponga', da nusumbu' nu anu nompokilawa taalu' ia madi' ahi' pande susumo anu nu sangka.

MATIUS 12:14

Panyo to mia-mian nu Farisi nompala'i laigan pogalejaan aijo', lantas binasale' da opateimo na i Yesus.

MATIUS 15:1

Sanggombu na mian nu Farisi ka' toto piangkuka na Gulu' Agama lengkat mae i Yerusalem tinokamo hi Yesus. Aha nompokilawa hi Ia,

MATIUS 16:6

I Yesus notatae hi aha, “Bala'ingati mae na ragi nu to mia-mian Farisi ka' Saduki.”

MATIUS 19:3

Lantas to mia-mian Farisi tinoka kahanda' monsobai Ia. Aha nompokilawa, “Koonyo nu atulan nu agamanto, apaa timbali na mian mongga'atakon bengkele'nyo maumo sabab anu madi' mingkona?”

MATIUS 22:15

Lapas aijo', to mia-mian nu Farisi namba binasale' hingga-hinggat mongkona mosia na aha mompoki-pokilawa i Yesus da o humpak na kasala'annyo.

MATIUS 22:18

I Yesus monsumbu' tanga'an nu aha anu ma'idek aijo', jadi Ia notatae, “He to mia-mian anu geguan! Kadaka' komiu molio-lio kasala'an-Ku?

MATIUS 22:23

I sinaa aitu mule' to pia-piangkuka na mian nu Saduki tinokamo hi Yesus. Aha mian anu mongakui, saba' mian mate madi' mo mompo'ule' tumuu'.

MATIUS 23:2

“To gulu-gulu' agama ka' to mia-mian Farisi nohumpak kuasa da montalangkan atulan i Musa.

MATIUS 27:62

Dodododopnyo sina-sinaa, i sinaa nu Sabat, Kapala nu to Ima-imam ka' to mia-mian nu Farisi namba hingga-hinggat nangadap hi Pilatus

MATIUS 5:20

Jadi, o inau': Madi' opoko ala miu na timbali mian anu palesayamo hi Tumpu, de madi' molabii to gulu-gulu' agama, ka' to mia-mian Farisi i uno nu han mombau pongka'oho' nu Tumpu Allah!”

MATIUS 9:11

Daagi' ko to mia-mian Farisi anu nontoa han aijo'. Ka' aha nompokilawamo hi anu saja' mombatuki Yesus, “Apaa na sababnyo gulu'um mongkaan hingga-hinggat tiba topo tagi hasin, ka' to mia-mian anu madi' ma'ima'?”

MARKUS 10:2

To pia-piangkuka na mian nu Farisi tinoka mule' da molio-lio kasala'an i Yesus. Aha nompokilawa, “Koonyo nu hukum nu agamanto, pa' timbali na mian mongga'atakon bengkele'nyo?”

MARKUS 12:15

I Yesus monsumbu' kabaleko'an nu aha. Ia nontaami, “Apaa na sababnyo komiu kahanda' monsobai, molio kasala'an-Ku? Soba potoamae hi beleng-Ku sa'angu' na doi salaka.”

MARKUS 12:18

To pia-piangkuka na mian anu lengkat mae gampa nu Saduki tinoka hi Yesus. (Aha gampa anu ko pikilan tukoonyo, saba' mian mate madi'mo po'ule' tumuu'.)

LUKAS 10:25

Lapas aijo' samian na gulu' agama tinokamo da monsobai Yesus. Ia nompokilawa, “Tuumangku Gulu', apaa na tionyo kubau da montalima kantumuu'an anu mingkaliangan ka' toka sidu-sidutu'?”

LUKAS 11:16

Daagi' mule' ko to mia-mian sangga'at anu kahanda' molio kasala'an i Yesus, jadi, aha momoita Ia mombau sa'angu' na anu okabangangi salaku tanda, saba' Ia nolengkat mae hi Tumpu.

LUKAS 20:23

Panyo nusumbu' i Yesus na akan nu aha. Mokonyo aitu Ia notatae,

LUKAS 20:27

Daagi' ko to pia-piangkuka na mian lengkat i posa'angu'an nu Saduki tinoka hi Yesus. (Aha aitumo posa'angu'an anu ko pikilan, au'aitu anu matemo madi'mo po'ule' tumuu'.) Aha nompokilawa hi Yesus,

YOHANES 8:6

Aha nompokilawa sumo aijo' da monsobai Ia, da timbali na aha mompisala'i Ia. Panyo i Yesus ola dinumuku ka' lima-Nyo nontulis i tano'.

SISIKON NU TO RASUL-RASUL 4:1

Hau-haunyo i Petrus ka' i Yohanes daagi' motatae tiba to mia-mian aijo', to kapa-kapala nu imam ka' kamundan anu monjagai Laigan nu Tumpu tiba to mia-mian nu Saduki tinokamo hi Petrus ka' hi Yohanes.

SISIKON NU TO RASUL-RASUL 5:17

Ahennyo imam daka' ka' iwi-iwi' na anu saja' mombatuki ia, aitumo to mia-mian anu minsoop i posa'angu'an nu Saduki, nontampu'unimo mombau anu ma'idek, kalana kinyonyoa nu aha madi'mo sinanang.

1 KORINTUS 1:22

Mian nu Yahudi sabole-bole momoita anu okabangangi da bau tanda, ka' mian nu Yunani sabole-bole monggagakon kapandean nu dunia aiya.