MATIUS 15:9 - KITAB NU TUMPU ALLA LELE MA'IMAI'

⁹ Palasuma na aha monsombah Aku, kalana atulan nu mian na nu ajan nu aha kokoonyo pe'e aijo' atulan-Kumo.’ ”

MATIUS 15:9 ပူးပေါင်းရင်းမြစ်များ

MAZMUR 39:6

Talalo ahi' sasaingoni' na tinantukan nu Belento na umunku! De hi Belento kopinnyo nu kantumuu'anku madi' ko alati'nyo. Memang, manusia ola susumo opuhakon nu sawo nu manusia,

MAZMUR 73:13

Ola palansuma' na aku monjagai kinyonyoangku da belesi'; madi' kogunanyo na aku mompimpali dosa'.

NOSABATMO 20:7

Boli ola bau kasanggoan na sanggong-Ku, kalana Aku, Tumpu Allah nu belemiu, mohukum mau mule' pa' ihe na anu mombia-biangakon sanggong-Ku.

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

IMAMAT 26:16

belemiu Ku hukumo. Ku potokamo mae na balaa' hi belemiu, panyakit ka' nusihabimo anu madi'mo opoko ala opakuli'i sahingga mata nu belemiu mapisokmo ka' belemiu tumuu'mo susa'. Belemiu mosu'an sosu'anon panyo madi' mongkaan hasinnyo, kalana anu monsampobali' belemiu toka mae mompatundu' belemiu ka' mongingkotimo apaa na anu sinu'anmo nu belemiu.

IMAMAT 26:20

Iwi-iwi' na lawe nu belemiu madi'mo ko gunanyo, kalana ale' nu belemiu madi'mo ko hasinnyo ka' sosu'anon nu belemiu madi'mo mimbua'.

MALEAKHI 3:14

Belemiu notatae, ‘Palasuma na aku monsombah Tumpu. Apaa na gunanyo mombau anu halus obaunto salaku bau pongadati Tumpu Anu Daka' na Kuasanyo kabai opotoanto hi Ia nakalakuanto salaku bau pomponyata saba' kita aiya nompele-pele'mo na nombau kasala'anto?

MATIUS 15:10

Lapas aijo' i Yesus nolaga to mia-mian ka' notatae hi aha, “Hongo da mangalati'!

MARKUS 7:7

Palasuma na aha monsombah Aku, kalana atulan nu mian nu ajanakon nu aha au'aitu aijo'mo na atulan-Ku!’

1 KORINTUS 15:2

De komiu montoongi dodo-dodo apaa na anu pinolelengkumo aijo', yo Lele Ma'ima' aijo' momposalamat komiu; asan ahi' boli ola kita Utus palesaya padahan madi' mangalati'.

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

1 TIMOTIUS 1:4

Taloakon hi aha da bolimo daagi' mompajuli to sisi-sisik anu baleko', ka' to sisi-sisik anu pinolengkatannyo madi' ko kamingkotannyo. Iwi-iwi' aijo' ola saja' molubatakon painggagan, ka' madi' mompopodaka' makisut nu Tumpu anu ola timbali osumbu' de palesayamo hi Ia.

TITUS 1:14

ka' madi'mo daagi' montoongi i sisik nu aha Yahudi anu madi' totu'u kabai atu-atulan anu binau nu to mia-mian anu madi' montalima pangajalan anu totu'u aijo'.

IBRANI 13:9

Boli mompojohok iwi-iwi na ngahan nu pangajalan anu madi' minsoop i akan aijo' ola mompokalilu komiu. Kinyonyoanto tionyo ahi' opohoson nu kanonongan nu Tumpu, aijo' na ma'ima'; boli ola kalana atulan haha aijo' mongkona anu o kaan. To mia-mian anu naipuan mae nombatukimo totu-totu'u atulan haha aijo' madi' nohumpak apa-apaa anu ko gunanyo.

YAKOBUS 2:20

Komiu ponga' hondo! Pa' palalu opobukuti' hi komiu na iman anu madi' ko gunanyo, aijo'mo iman anu madi' kopalabuan.

ANU PINOTO'I HI YOHANES 22:18

Toka hi batu-batu mian anu nohongomo potatae haha aiya anu pinoto'imo apaa na anu timbali saidi' mae anu tinulismo i kitab aiya, aku, i Yohanes, mombee'i pokinde' sumo uuka: de mian montuangi apa-apaa i potatae haha aiya, anu pinoto'imo nu Tumpu Allah; saba' nu tuangi nu Tumpu na hukuman nu mian aijo', nu to bala-balaa' anu tinulismo i uno nu kitab aiya.

1 SAMUEL 25:21

Tempo'nyo aitu i Daud binapikinmo, “Madi' kokaliangannyo na aku monjagaiakon apa-apaa na anu nu mian aijo' i padang anu mateges aijo'! Mau ola sangkiding na anu nu mian aijo' madi' ko anu nolapus; panyo uuka aiya binalosannyo na ka'ima'anku nu ka'idekan!”