MATIUS 15:8 - KITAB NU TUMPU ALLA LELE MA'IMAI'

⁸ ‘Sumo uuka na koonyo nu Tumpu: To mia-mian haha aijo' ola ahi' monsombah Aku nu potatae, panyo kinyonyoa nu aha majo'on lengkat hi beleng-Ku.

MATIUS 15:8 ပူးပေါင်းရင်းမြစ်များ

AMSAL 23:26

Palahatikan ima-ima', ka' bau sonto'na kantumuu'anku, o'anaku!

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YEREMIA 12:2

Sinu'anmo nu belento na aha susumo sosu'anon, lantas aha nimbakatmo, tinumuu'mo, ka' nimbua'mo. Aha saja mombisalakon anu toto ima-ima' mongkona butong nu Belento, panyo i uno nu kinyonyoa nu aha, aha sabenannyo ahi' madi' mompajuli Belento.

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

MATIUS 15:7

Komiu mian baleko'! Kona hondo apaa na anu tinaeakonmo i Yesaya mongkona komiu, aitumo,

MARKUS 7:6

I Yesus nontaami, “Komiu to mia-mian baleko'! Totu'u hondo apaa na anu tinaeakon i Yesaya mongkona komiu, aijo'mo, ‘Sumo aiya na koonyo nu Tumpu. To mia-mian aijo' ola ahi' monsombah Aku nu potatae, panyo kinyonyoa nu aha majo'on lengkat hi beleng-Ku.

YOHANES 1:47

I Yesus nontoa i Natanael tinoka, lantas notatae mongkona ia, “Toa, aijo' mian nu Israel totu-totu'u. Madi' ko baleko'nyo hi ia.”

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

SISIKON NU TO RASUL-RASUL 8:21

Beleyum madi' ko hak mombatuki pakalaja'an mami, kalana kinyonyoaum madi' totu'u hi Tumpu.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

1 PETRUS 3:10

I uno nu Kitab nu Tumpu tinulismo sumo uuka, “Mian anu mongka'oho' mongoa'i kantumuu'an ka' mongka'oho' mongoa'i iwi-iwi' na sinaa anu ma'ima', nganga'nyo o jagai ahi' da boli lewa' monsisik hahan anu ma'idek, ka' madi' montaeakon hahan anu baleko'.